［錯過ASML，不如買ASM Pacific？］買唔起ASML（＊），不如買ASM 太平洋？「不過一手都成皮嘢」「好貴」「其實貴過一股ASML」
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝
至於飛利浦，ASM 太平洋同ASML嘅關係，都真係有啲深。「你當好似杭菜天香樓台北天香樓同香港天香樓咁」（＊＊），算係同源，但而家已無關係。某程度上同上海銀行 變咗 香港上商 同 台灣上海商業儲蓄銀行有啲似。
呢隻ASM太平洋嘛，舊年（原來都只係大半年）出恒生科指時推過—結果一推就係咁跌，之後先彈返。
呢期嘛？同咩ASML一樣，晶片荒嘛。但其實荒咗好耐，點解之前唔升係呢個月先升就唔知了。拿，ASML又新高啦。
同場加映，我見啲評論講，呢排做乜ASML同ASM太平洋勁？因為「費城半導體指數升」，所以半導體股強。咁我之前都聽過，但冇深究，就去睇下呢個「費城半導體指數」是乜東西，我以為好似「波羅嘅海指數」或者「信和指數」咁，以為「費城半導體指數」度啲半導體價或者單嘅情況 —屌，原來唔係，原來就係好似恒指納指咁，只係幾十隻半導體股嘅股價—咁你睇到個搞笑嘅地方未？點解半導體股強？因為「費城半導體指數升」。點解科技股強？因為「納指升」，點解升？因為升咯。
又不吐不快，在我呢個Research（＊＊＊）後，發現台灣人十分飛機呢個「費城半導體指數」，鍾意叫做「費半」（我以為叫「費導」，守龍嗰個），講到美國「四大指數之一」。我心諗，WTF？係咪我咁無知。但你諗真啲，係合理的。因為台灣半導體產業強嘛，加上台積電好似係「費城半導體指數」唯一一隻外國股，所以特別關心。
台積電當然強大，問題係，你發現台灣人就當全世界得呢啲嘢。個情況就好似你在台灣睇體育新聞咁，你老味，嗰時真係每一日，真係每一日，every 升高北京day，都係林書豪，林書豪，同埋林書豪。真的，就算冇波打，都係其他林書豪嘅新聞。「所以林書豪sort of 投咗共後我都唔知體育版仲有乜」（當然你睇台灣蘋果會好啲，「至少知道歐聯決賽踢咗」）
（＊）其實點會「買唔起」？一股700蚊美金唔使，未夠你去次日本。當然700蚊美金都冇嘅，就專心返工或讀書啦。認真的。
（＊＊）台北天香樓實在非常抵食，價錢應該係香港一半，甚至唔使。上次台北馬拉松（我當然負責食），同香港朋友食完，佢地就返酒店，我就行返去屋企。租的，但，去邊度邊度咪係屋企。又，今次電影節睇返，先知「花樣年華」呀張曼玉老板偷情都係去食天香樓，幾富貴。而王家衞本身都係上海出世，「花樣年華」都係拍上海婆上海話海派女人落街買碗麵都著靚衫化衡妝。
（＊＊＊）即係，Google同睇維基百科，但我話你知，八九成人係連呢啲嘢都唔做。所以你會去做就已經贏咗八九成人。以前同隔離台陳生講開，佢話科技令佢啲knowledge優勢冇晒，我嗰時都有啲同感，但冇佢咁擔心（可能佢都唔係擔心，只係隨口講）。但結果？你見到科技亦會令其他人變笨的。所以根本佢地就係自己派膠，你膠得少過佢就夠。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
＝＝＝＝＝＝＝＝＝＝＝＝＝＝
google體育新聞 在 [請益] 推薦的體育新聞App？ - 看板Android - 批踢踢實業坊 的推薦與評價
老人家手機 Zenfone 4
內建無新聞 App，因不熟悉Android
請問板友 Android 上是否有推薦的新聞 App？尤其體育新聞更為重要
謝謝
--
※ 發信站: 批踢踢實業坊(ptt.cc), 來自: 1.164.6.224
※ 文章網址: https://www.ptt.cc/bbs/Android/M.1543987256.A.D2C.html
是這個嗎？
https://play.google.com/store/apps/details?id=com.microsoft.amp.apps.bingsports&hl=zh_TW
他寫含廣告內容，是否老人家會很容易點到呢？
※ 編輯: paulyanzi (1.164.4.110), 12/06/2018 23:37:16
如果系統字體已經調大了，他仍然是小字體？
主要需求是看國外體育MLB/NBA 網球公開賽等
... <看更多>