關於 hkfoodie_life_荃灣綫 ，我們在網路上蒐集到這些相關的討論、資訊與評價

📍ᴍᴏɴɢ ᴋᴏᴋ, ʜᴏɴɢ ᴋᴏɴɢ 🇭🇰
<郊遊打卡必備花花三文治|和菓治>
日式水果三文治其實都已經唔算係啲咩新鮮嘢，喺日本都已經興起左一段日子，但香港就好似一直都冇一間舖頭真正賣呢一類嘅產品，對於超級懶嘅小編來講絕對係福音，因為想買來打卡已經好耐，而且啲花花水果三文治真係好靚呀！難得見到香港終於開咗一間專做水果三文治嘅專門店，當然要去試一試啦！
和菓治 Wakashi係一間由日籍總廚監修做日式水果三文治嘅店舖。水果三文治以兩塊日本生吐司麵包夾住新鮮水果同鮮忌廉製成，而且店舖嘅水果三文治標榜每日新鮮製造，亦唔會留過夜，所以有啲特別款式係會比較搶手，想試或者有興趣買來打卡就要留意啦！
-
🍴台灣金鑽鳳梨三文治 / 靜岡蜜瓜三文治
評分：7.5/10
呢一款單一日式水果三文治算係店舖入面買相最平實嘅一批，口味方面除咗有金鑽鳳梨同靜岡蜜瓜之外，因應各種季節亦都會有唔同嘅調整，就好似之前都有推出過黃金櫻桃、無花果等等口味，所以定期都會有啲新口味可以嘗試一下。
水果三文治入口食落個生吐司非常鬆軟濕潤，而且有淡淡嘅奶香味。鮮忌廉嘅份量適中，而且忌廉嘅味道同質感亦都唔會太甜和太膩。兩款水果三文治所帶出嘅感覺亦略為有少少不同，鳳梨本身帶有少少酸酸甜甜配上味道香甜嘅鮮忌廉令整件三文治味道變得比較清新；而靜岡蜜瓜本身味道清甜多汁配上奶香味十足嘅鮮忌廉，成件事真係超級夾呀！整體來講每款水果三文治嘅味道都各有特色，雖然味道方面一般唔算話太特別，但買來野餐都係一個唔錯嘅選擇！
價格：HKD $36
-
🍴 草莓奇異果三文治 / 蜜柑奇異果三文治
評分：7/10
花花水果三文治絕對係打卡必備嘅選擇，除咗以上呢兩款花花款式之外小編亦曾經有見過黑提奇異果呢一個配搭，但真係甚少出現啦。除此之外店舖亦都有曾經推出過熊熊花三文治，真係每一款都非常可愛㗎！
花花水果三文治嘅外表真係超級靚呀，用草莓同蜜柑扮花朵，而奇異果就扮柄，真係少啲心機都砌唔到出嚟啊！不過兩款花花水果三文治嘅生吐司質感上都略為有啲乾身，而且為咗填滿水果旁邊嘅空位用上左大量鮮忌廉，所以整體感覺都有啲膩。兩款返返水果三文治來講小編就會較為鍾意草莓奇異果嘅配搭，因為本身草莓味道酸甜會令整體嘅味道更加突出，相反蜜柑奇異果本身係一種比較淡味嘅水果，而且比較多汁感覺上就較為一般，而且都唔係好食得出有蜜柑嘅味道只係食得出柑嘅質感相比之下就有少少比下去嘅感覺。整體來講，花花水果三文治真係超級靚，打卡影相絕對係不可或缺，但味道方面就真係比較一般，性價比略為有啲低。
價格：HKD $42
——————————
店舖名稱：和菓治 Wakashi
環境：3/5
服務：4/5
地址：旺角亞皆老街8號朗豪坊4樓K403號舖
交通：港鐵旺角站C3出口，步行約5分鐘
——————————
#hkfoodie_life_旺角
附近鐵路沿線仲有咩食👇
#hkfoodie_life_觀塘綫
#hkfoodie_life_荃灣綫
同類型食物嘅介紹👇
#hkfoodie_life_日本菜

📍ᴄʜᴇᴜɴɢ sʜᴀ ᴡᴀɴ, ʜᴏɴɢ ᴋᴏɴɢ 🇭🇰
<長沙灣無添加家庭風Café 雙生館>
雖然呢間小店已經開咗一年幾有多，但其實小編都係啱啱先認識🤫認識佢哋嘅主要原因係因為見到有人介紹佢哋嘅疏乎厘班戟，齋睇相都已經覺得空氣咁十足😜超吸引啊！
雙生館係一間主打做無添加既家常手工菜Café😜中西日式乜都有。而店舖所有嘅菜式都係由一對80後孖生姊妹同媽媽炮製😌
-
🍴蝶豆咖喱雞扒飯
評分：7/10
咖喱雞扒飯🍛嘅顏色非常豐富，五顏六色咁，真係超靚呀！入口味道方面，雞扒表面本身有輕微煎過，所以雞排入口表面香脆😝而內裏肉質嫩滑，同時亦非常Juicy🤤至於個蝶豆咖喱汁方面，咖喱汁嘅顏色真係非常之靚🥰係帶有淺紫藍嘅顏色，咖喱汁入口食落有好香嘅椰漿味，中間亦夾雜着有淡淡味道香甜嘅獨特花香味😉不過其實呢一款咖喱汁係唔會食得出有咖喱嘅香味架！配埋個紅米飯一齊食，整款咖喱飯健康得來，口感亦比較豐富😉入口食落嘅口感亦都唔會太過單調。
價格：HKD $60
-
🍴牛油果車厘茄·雜莓蘋果乳酪手工歐式多士
評分：8/10
多士選用左店舖自家製嘅法式鄉村麵包🥖烤製而成，麵包以法國麵粉加入老麵以低溫長時間發酵製成。然後喺多士多士表面塗上一層乳酪，再分別放上牛油果🥑、車厘茄🍅同黑椒作調味，而另一塊多士表面就放上火龍果粒、藍莓同薄荷葉作裝飾🤗
牛油果車厘茄乳酪手工歐式多士入口食落嘅味道非常豐富😋由於多士表面有啲黑椒粒喺度，所以入口食落味道都唔會太過單調🤪表面一粒粒Creamy嘅牛油果粒同爽脆嘅車厘茄亦都令成件多士嘅整體感覺更加圓滿同豐富😄至於底部嘅多士入口食落同樣非常有驚喜，多士入口食落外脆內軟，中間嘅麵包都非常軟熟🥰而且多士本身嘅麵包味亦都好香，成個配搭都超級正呀！
雜莓蘋果乳酪手工歐式多士嘅顏色都非常搶眼突出😘不過小編去當日就好似冇蘋果，所以店主就轉咗用火龍果😂多士嘅味道清新，入口食落酸酸甜甜咁🤫越食越開胃。而且表面都加入左火龍果粒係表面，所以成個多士嘅味道都唔會過於單一😉而且當時表面有啲乳酩喺度，所以入口食落嘅質感亦都唔會太乾身😳整體來講，雖然呢一款多士入口食落嘅感覺冇咁驚艷，但整體味道同樣係相當唔錯😝
價格：HKD $78
-
🍴鮮雜果疏乎厘班戟
評分：8/10
疏乎厘班戟既賣相雖然就比較一般，但就勝在大件夾抵食😳疏乎厘班戟嘅Size係平時嘅1.5倍😎入口食落蛋香味重，味道又唔會太甜，而且空氣感十足☺️即使配埋旁邊既蜜糖一齊食，味道香甜但又唔會太單調。而且疏乎厘班戟表面既鮮忌廉打得輕盈🤗唔會好Heavy。而小編當日去食嘅鮮雜果分別係香橙同火龍果，香橙片入口味道酸酸甜甜，非常清新；火龍果片就入口味道香甜🤓成個疏乎厘班戟嘅配搭都好創新，咁嘅配搭真係超級少見，而且班戟本身真係做得好好味，加分🤪
價格：HKD $138
-
🍴紅棗蘭貴人
評分：8/10
紅棗蘭貴人以桂花烏龍茶☕️做茶底，裏面再放入兩粒紅棗於茶壺之中浸泡😁
紅棗蘭貴人茶入口會帶有比較重嘅烏龍茶茶香味，成壺茶既味道都唔會太甜🤔而且烏龍茶中間夾雜着清香嘅桂花味，成杯茶嘅味道都唔會太過單調🤭而紅棗嘅香味亦都會慢慢浸出黎，所以個紅棗味其實會越飲越突出，成壺茶既味道都非常有層次😆
價格：HKD $35
-
🍴洛神花茉莉蜜花茶
評分：7.5/10
花茶嘅顏色非常之靚，呈現比較深嘅粉紅色🥰少女心爆發啊，而且表面亦都有好多茉莉花喺度，真係會心心眼架😍唔好見到花蜜茶呢三個字就以為呢一杯花茶好甜，其實佢入口味道酸酸甜甜咁😋而且個洛神花花香味亦都好突出，非常開胃。配埋歌茉莉花蜜味道都唔會太甜😌反而帶有一種清香嘅茉莉花花香味，成杯飲品嘅味道都非常豐富，而且味道都唔會太甜膩🥳味道清新。
價格：HKD $30
——————————
店舖名稱：雙生館
環境：4/5
服務：4.5/5
地址：長沙灣集輝街2-8號耀輝大廈地下3號舖
交通：港鐵荔枝角站B1出口，步行約8分鐘
——————————
#hkfoodie_life_長沙灣
附近鐵路沿線仲有咩食👇
#hkfoodie_life_荃灣綫
同類型食物嘅介紹👇
#hkfoodie_life_Café
#hkfoodie_life_Pancake
#hkfoodie_life_多國菜
．
．
．
．
．
#wongskitchen #pancake #雙生館 #手工麵包 #疏乎厘班戟 #厚班戟

📍sʜᴀᴍ sʜᴜɪ ᴘᴏ, ʜᴏɴɢ ᴋᴏɴɢ 🇭🇰
<茶香Cafe必食嘅伯爵茶蛋糕果然... TeaHub>
小編對於上次去Tea Hub食唔到伯爵茶戚風蛋糕一直都耿耿於懷🤷‍♀️所以上個禮拜就約埋朋友一齊去多次，好好彩今次終於食到喇👏
-
🍴茶食套餐
評分：8/10
今次茶食套餐嘅前菜小編就揀咗柚子汁豆腐，茶湯冷麵配柚子蜜漬蝦仁🍤同百香果雞翼。店舖嘅茶湯冷麵其實係以素麵配昆布烏龍茶湯☺️
柚子汁豆腐嘅味道入口食落有少少微酸，都幾開胃😯而且本身個豆腐味都幾突出，成個配搭啱啱好🤪至於個茶湯冷麵方面，天時暑熱食冷麵真係超正呀🤭麵條嘅軟硬度適中，仍然帶有少少爽滑嘅感覺☺️而且個茶湯本身帶有好重嘅昆布香味，所以整個冷麵入口嘅味道都唔會太過單調🤔而個柚子蜜漬蝦仁同百香果雞翼方面，柚子蜜漬蝦仁入口食落爽口，而且味道唔會太甜🤗帶有陣陣清香嘅柚子香味，同時蝦仁入口食落亦都有種柚子胡椒嘅香味😌所以成個蝦仁嘅味道都非常有層次🤫；百香果雞翼入口味道香甜，百香果味唔算太重反而食到有陣陣果味😅香濃嘅香橙味，令成個雞翼嘅味道都非常清新😆
價格：HKD $80（附前菜、飲品）
-
🍴蝶豆花芝士醬雲蛋多士
評分：7.5/10
多士表面塗上左加入蝶豆花製作嘅芝士醬🧀，表面放上以蛋白雲蛋同蛋黃🥚然後再放入焗爐，最後再喺多士嘅旁邊放上沙律菜🥬。
雲蛋多士個樣真係超級靚呀，藍色嘅芝士醬🥰表面仲要放上雲蛋，影相打卡真係超級靚啦😉入口味道方面，多士本身嘅麵包落外脆內軟，而且麵包入口食落嘅質感略帶煙韌😝配上帶有淡淡鹹香味嘅芝士醬，同香濃嘅蛋黃味，成件多士入口嘅口感味道都非常豐富😚另外，多士旁邊仲放咗少少沙律菜喺度，所以入口食落健康之餘，亦都非常飽肚，作為一個下午茶來講真係啱啱好😏
價格：HKD $64
-
🍴柚子戚風蛋糕
評分：7/10
原味戚風蛋糕嘅中間唧入左滿滿嘅牛乳忌廉🥛，蛋糕表面再放上加入左柚子醬製成嘅柚子忌廉，最後再喺蛋糕表面放上薄荷葉同果仁碎作裝飾🤪
蛋糕入口食落口感鬆軟而且濕潤，同時蛋糕亦都帶有香濃嘅雞蛋味🤗配上中間質感幼滑同大有香濃牛奶味嘅牛乳忌廉一齊食，兩者嘅味道互相輝映配合得天衣無縫😝而係戚風蛋糕表面嘅柚子忌廉中間夾雜着一粒粒嘅柚子係入面，所以成個忌廉嘅口感都會比較豐富😉而且味道亦都會比較清新，忌廉嘅味道亦都唔會太甜。整體來講，雖然蛋糕入面嘅柚子味唔算太重🤔有少少失望，不過單以味道來講已經算係相當唔錯😌
價格：HKD $55
-
🍴伯爵茶戚風蛋糕
評分：7.5/10
伯爵茶戚風蛋糕中間同樣係唧入咗牛乳忌廉🥛，表面再放上加入左伯爵茶茶葉製作嘅伯爵茶忌廉🥰最後就係蛋糕表面放上車矢菊、果仁碎同薄荷葉作裝飾😝
呢一款戚風蛋糕小編上次已經超級想試㗎啦，不過當時去到就賣晒😔所以今次去到仲有喎，就梗係即刻叫個啦！戚風蛋糕入口食落口感鬆軟，而且中間有大量嘅伯爵茶茶葉碎喺度😜所以連蛋糕入口食物都有淡淡的伯爵茶香味。配上牛乳忌廉一齊食，牛乳同伯爵茶兩隻嘅味道比例調配得啱啱好😚所以成個蛋糕入口食落嘅味道都唔會過於單一。連埋蛋糕表面嘅伯爵茶忌廉一齊食，整個蛋糕嘅伯爵茶味就會更加突出😋的確係相當唔錯，難怪會成為搶手貨😳
價格：HKD $55
-
🍴大紅袍雪糕
評分：7.5/10
大紅袍雪糕入口食落茶香味濃😘而且雪糕嘅甜度比較低，大紅袍嘅茶香味突出，雪糕入口食落都唔會食到有一粒粒嘅冰粒，冰感唔算太重🤔而且雪糕嘅質感都尚算幼滑。另外，喺雪糕球底下有啲粟米片喺度，所以入口口感都非常豐富😏
價格：HKD $18
-
🍴DIY抹茶鮮奶
評分：7.5/10
呢一杯抹茶鮮奶要自己落手落腳整㗎😌首先要用茶筅將宇治抹茶刷攪至形成濃厚泡沫，然後再倒入鮮奶裏面，製作出呢一杯抹茶鮮奶😏
你一杯抹茶鮮奶真係玩味十足，飲得又玩得😎小編係將抹茶倒入鮮奶之前就試咗抹茶本身個味道，抹茶入口飲落有回甘，而且略帶有少少苦澀味☺️仔細品嚐下就覺得有啲似Kitkat抹茶朱古力嘅香味😂抹茶鮮奶入口嘅抹茶味仍然非常香濃，不過就冇咗回甘嗰種香味🤔但就仍然會帶有少少苦澀味，而且抹茶鮮奶入口嘅味道亦都唔會太甜，質感亦非常幼滑😋
價格：HKD $41
-
🍴玫瑰阿薩姆奶茶
評分：7/10
呢一杯奶茶以阿薩姆紅茶☕️配上鮮奶🥛，混合玫瑰糖漿🌹調配而成。
奶茶入口嘅茶香味雖然唔算太重，但隱約仍然可以飲到有阿薩姆紅茶嘅香味😚而且當中又會夾雜着淡淡嘅鮮奶香味，所以兩者嘅味道都平衡得啱啱好😜再者，奶茶入口亦都會飲都有香甜嘅玫瑰香味，而且奶茶嘅味道亦都唔會太甜🤗
價格：HKD $41
——————————
店舖名稱：TEA HUB
環境：5/5
服務：4.5/5
地址：深水埗順寧道439號順寧居地下2號舖
交通：港鐵長沙灣站C2出口，步行約7分鐘
——————————
#hkfoodie_life_深水埗
附近鐵路沿線仲有咩食👇
#hkfoodie_life_荃灣綫
同類型食物嘅介紹👇
#hkfoodie_life_蛋糕
#hkfoodie_life_Café
．
．
．
．
．
#TeaHub #chiffon #cheesecake #matcha #matchaholic #戚風蛋糕 #伯爵茶戚風蛋糕 #伯爵茶蛋糕 #伯爵茶控 #雲蛋多士