Mirror 嘅 Ian 早前緋聞一單接一單，被封「伊人收割機」，日前叱咤更被林海峰擺上枱，笑指驚有「Ian 群組」要喺負壓房開「方艙醫人音樂會」。另一邊廂，同門嘅 Error 成員保錡今日都被爆成功「食沙律」，溝掂性感女星沙律，被封「新．幸福 JJ」，不過之後峰迴路轉，竟然爆出佢同正印女友 Carrie 關係糾纏不清，正宮更指佢無講過分手，睇新聞先知「被分手」。
正宮喺 IG 發千字文，指佢睇完保錡食沙律嘅新聞後「一直無眠，我的生活就發生了翻天複（覆）地的轉變，『被分手』」佢指呢段關係一直無乜安全感，經常喺 IG 見到保錡同其他女仔 flirt，不過佢安慰自己係工作需要，而佢就指保錡喺幾星期前開始冷漠：「我挑選了一枝你喜歡的結他，準備作聖誕禮物。」最後禮物未送出，Carrie 就話被分手：「兩年來的交往，竟然換不到正面說的一句分手，是最低微的尊重也沒有。」
同保錡「正式開始」嘅女星沙律就話100%支持男友，指自己絕對唔係第三者，佢表示同保錡拍拖時，雙方都係單身，更直指唔知點解 Carrie 要咁講：「真心唔理解，女方無搵過男方溝通，都完全無聯絡。」保錡亦指同前女友已經無聯絡一段時間，回復單身後先同沙律開始。
ian女友ig 在 娛壹- 全球Hellosss接力推Ian《留一天與你喘息》上架29小時 ... 的推薦與評價
2020年的#情人節 陳仔#陳卓賢 推出《#正式開始》，女友視角派糖。 ... #ViuTV 老闆#魯庭暉 亦有在IG出po提到陳仔新歌，還說了兩個故事，分別關於MV女主角#袁澧 ... ... <看更多>