財務自由之後想做咩都可以！
https://wealth.hket.com/article/2887715?r=mcsdfb2
儲蓄同時慳稅！可扣稅自願性供款(TVC)可享高達$10,200扣稅額
https://bit.ly/3AqPA2Z
ibanker做咩 在 香港經濟日報 hket.com Facebook 的精選貼文
ibanker做咩 在 港唔斷戲 Facebook 的最讚貼文
《逆向誘拐》影評（含劇透）
「到底是甚麼誘拐了香港的未來？」
—
導演黃浩然如是說：
「《逆向誘拐》不是一部電影，而是一個遊戲。」
—
咁呢個遊戲究竟係一個點嘅遊戲？又點解佢係一個遊戲，而唔係一部電影呢？一切一切，由電影嘅最後一幕講起。
—
世代之爭只係掩眼法，甚至成套電影都只係一個更大嘅榥子，《逆向誘拐》想做到嘅，係用一部電影，去問香港觀眾一個問題，一個有關同代人抉擇嘅問題。
—
喺電影嘅最後，一切要解開嘅謎團都已經解開曬，蘇麗珊同吳肇軒喺夕陽之下有一番對話。一男一女，一個唔算二世祖，唔想靠屋企人嘅有錢仔，一個係讀書叻到讀科大環球商業管理，做嘢識睇眉頭眼額精甩尾嘅小ibanker姑娘。然後，兩個人喺2014年嘅金鐘，亦即係喺香港民主化反獨裁嘅轉捩點入面相遇。
—
喺呢件事之後，改變咗呢兩個人嘅人生。《逆向誘拐》嘅謎底好簡單，就係年青人反CAP成班老屎忽嘅故事，呢班老屎忽包括大財團，包括政府人員，包括傳媒，包括一切一切行之既久，勉強可以支撐社會但嚴重僵化腐朽嘅制度。
—
成套電影最最最最最最重要嘅，係呢一條問題 —「到底乜嘢係逆向誘拐？」。從電影「表」故事入面最簡單嘅套路去睇，一切嘅陰謀都係蘇麗珊搞出嚟，目標係將呢個有錢仔困喺一個無辦法同外界溝通嘅地方，再進行真正嘅勒索，而喺局中局嘅過程當中，亦會幫到其他喺社會上被壓迫嘅人，綁架目標嘅唔係果個不存在嘅FILE，而係吳肇軒。
—
哦，然後呢？成個嘅故事，究竟講緊乜！？相信不滿呢套電影嘅人，除咗對套戲嘅敘事覺得極其混亂之外，仲會詬病佢無一般電影入面實有嘅「起承轉合」，或者角色與角色之間喺情感上嘅描寫（即係令你喊苦喊忽，用個定鏡特寫住啲韓星流眼淚再滴落地果啲）。
—
但事實上，《逆向誘拐》其實只需要你代入一樣嘢，就可以明白成件「事」，成個「遊戲」嘅用意，你，要代入你係一個「香港人」。
—
夕陽西下嘅果幕戲，蘇麗珊希望吳肇軒可以作出一個抉擇，第一個選擇係跟蘇麗珊去搞網絡動員，去做一啲有機會可以改變世界嘅事，而第二個選擇係返番去跨國大公司做嘢，前途無可限量。
—
電影嘅最後都無比到我哋任何答案，吳肇軒究竟會何去何從呢？但其實套嘢唔需要比答案大家，因為呢個問題，其實係問緊坐喺梳化睇緊戲嘅咁多位。
再扯遠啲講，其實作為一個有基本常識嘅人嚟講，都會知道香港沉淪緊，淪落到不得了，年青人爭相考公務員，做地產，搞金融，得米之後就諗移民，或者繼續錢搵錢搵錢。而淪落嘅原因亦無須多言，但面對呢個處境，大家又會做咩抉擇呢？係由頭到尾都意志堅定，兼好有能力嘅蘇麗珊？定係有錢但為咗溝女而中途變節嘅吳肇軒呢？社會決定人嘅處境，但另一方面又係人聚集而成大社會。This is a question，我亦唔可以代任何人答呢個問題。
—
但我想講，我可以代表我自己去答呢個問題，喺仍有利可圖但腐朽不堪嘅建制，同無乜肉食，但可以改變社會，令香港變得更好嘅事業之間，我會義無反顧咁選擇後者，義無反顧。
—
Kidnapping，napping kid，仲沉睡緊嘅年青人，係時候醒，為你所珍重嘅人，你所珍重嘅地方，你所珍重嘅價值而戰。理想究竟可唔可戰勝短期嘅利益，逆向誘拐番年青人轉頭呢？The best is yet to come.
—
逆向誘拐 Napping Kid
Golden Scene Co. Ltd. - Film
吳肇軒 Siu Hin Ng
蘇麗珊 Cecilia So
邵仲衡 David Siu
