關於 intelligent nutrients洗頭水 ，我們在網路上蒐集到這些相關的討論、資訊與評價

Intelligent Nutrients IN Organic Hair & Scalp Treatment First Try☺️
有機頭髮頭皮護理～ 好舒服啊～ 每一個頭髮毛囊彷如重生
我用左IN洗頭水超過5年啦，你地未轉嘅都快啲告別化學成份洗頭水啦～

成日覺得facebook online game係搵笨，以為係宣傳效果。自己都成日攪giveaway，有時多人玩名額又唔多其實都好難中，仲要花一堆時間剛走一大堆抽獎account.......

最近玩了兩個，居然兩個都中！好開心呀，雖然唔係咩名貴野，但都有good luck的感覺。左邊【晴報　睇住賞】有獎遊戲～要多謝 晴報 Sky Post，屋企有個車迷小朋友，有車車products實在唔想錯過，無收到得獎通知但前日就直接收到平郵郵件了；右邊係【IN 夏日消暑「髮」寶】有獎遊戲，五年前用過Intelligent Nutrients已經好中意呢個牌子，佢地的洗頭水亦好好用呀，見到即玩，中左有支皇牌Harmonic 洗頭水，正！師奶開心分享，岩用或者真係好想要先玩，原來唔係造假，不喜勿插。

#其實我都知留言要tag人最克人憎 #最好唔駛tag啦 #IntelligentNutrients　 Intelligent Nutrients Hong Kong #貪小便宜　

【佢家下黃色毛～又染咗做綠色毛～染髮L喜訊！最權威有機鎖色護髮系列！】
INTELLIGENT NUTRIENTS® PURESERVE™ COLOR SAVING SHAMPOO 有機護色亮澤洗髮水 444ml
INTELLIGENT NUTRIENTS® PURESERVE™ COLOR SAVING CONDITIONER 有機護色亮澤護髮素 200ml

成世人流流長，你總會染過下髮啩？頭髮之所以可以🎼佢家下黃色毛～又染咗做綠色毛～原理係將頭髮嘅毛磷片打開，令染髮劑深入髮幹，將頭毛上色！毛孔開咗都話可以敷返補濕媽屎搞返細佢，毛磷片開咗就唔同講法嘞！頭髮營養同水份會大量流失，頭毛變得乾旱暗啞，冇晒活力彈都唔彈下呀慘公豬！你以為染完之後做個treat文就可以當冇事髮生過？唉少女，你真是太豬兜子了！返到屋企用返你果set所謂深層清潔系列嘅洗頭水同護髮素，說好的護髮咪又係開叉開到一字碼咁！

正所謂難分真與假，染髮產品多險詐！另一邊廂，泡菜國同蘿蔔國都推出泡泡染髮同布甸染髮，話咩天然成分製造唔傷頭髮喎... 唉，好心你地幾廿歲人就唔好多非實用性幻想啦！染髮又點會唔傷頭髮呢？既然大家都有舖染髮癮，何不直接入手一套備受國際認可，燙染後修護頭毛嘅護髮產品？

來自美帝嘅INTELLIGENT NUTRIENTS®（簡稱IN®）係一個咩品牌，相信唔洗瘋瘋多講嘞！頭髮對我地呢啲中女中佬嚟講，簡直係命根！所以Faceboook有人些牙啲乜乜頭髮皮膚報告呀論文呀，老子都會極度關注！IN®產品擁有美國農業部USDA權威有機認證，天然程度達99%以上！絕不含矽靈、硫酸鹽、矽樹脂、苯甲酦酯及其他化學成分，係全球唯一吞得入肚嘅護髮品牌！

介紹返，PURESERVE™有機護色亮澤系列主要含有褐色巨藻、椴樹萃取物、藜麥等有機認證成分，提供豐富植物激素、多醣及蛋白質！面對環境污染，大穫到強國嘅情深深霧霾霾咁，都可以為頭毛帶嚟最強保護！有助保持礦物質（例如鋅、硫礦物）於頭髮上，阻隔外在環境及心理因素對頭髮嘅損害，防止水份流失，滋養染到獸髮般嘅頭毛重新變為秀髮，增加彈性及光澤！同時加添IN®獨門專利成配方Intellimue®，對頭毛有溫和抗氧潔淨嘅功效，更加可以鎖色鎖水！

你以為染髮嘅嘢關瘋瘋蛋治？大家咪比我呢個黑髮王子形象欺騙咗呀！查實我啲白頭髮係多到當年美源髮菜嘅曾江咁架！瘋瘋每個月都會染一次黑髮，由Harmonic轉用Pureserve™，最大分別除咗係Pureserve™個草本味比Harmonic個薄荷味更令人心曠神怡之外，Pureserve™亦起得比較多泡！喂咁當然係冇加化學性起泡劑，而係用植物性成分起泡啦！除此之外，本瘋認為Pureserve™個護髮素真心好過Harmonic！Harmonic都有少少乾，冇計啦Organic呀嘛！但Pureserve™ Organic得嚟，頭毛係堅揪柔軟柔順，係光滑咗同有彈性咗嘅！之前用屈記萬記入面果啲牌子，啲護髮素加咗矽靈所以好滑，但洗果陣係洗極都仲係滑潺潺咁！有啲人仲會搞到背脊生晒瘡！IN®系列就完全冇呢個問題嘞！

總括而言，之前隔三星期冇染髮，瘋瘋啲白毛已經勁明顯！依家起碼隔大半個月先需要染一次！證明Pureserve™嘅鎖色效果是冇吹水的！成日染到個頭唔知你係由邊個星球嚟嘅豬妹豬仔，絕對要try try佢！