[有時都係為咗慳錢先去旅行]
像很多很多香港長大的小孩一樣，從小到大都總有個日本Fantasy，迪士尼、龍珠、男兒當入樽、東京鐵塔、大街小巷的熱辣辣車仔拉麵、最正宗的迴轉壽司…然後每一年的暑假，那怕一天也好，都總渴望家人可以帶你去一次日本。而結局往往就是，太貴，去唔成。(如果那年好彩的話，就帶你去幾天泰國曼谷芭提雅再送你一個唔知點解要睇的人妖騷。)
等到大學畢業，終於第一次的用自己的錢真金白銀飛了去日本，果然，好貴，食碗麵差不多快一百元港紙，好記得好記得，在大阪食那條百幾二百yen的合格串，真係食到牙痛咁聲。
而以上情景，恐怕只能成為追憶。由唔知幾時開始，係人都知，香港魚蛋，原來都貴過合格串，味千拉麵都拍得住日本一蘭，係香港搵間好少少的餐廳，都隨時食到你牙痛咁聲。
記得那時我們衝出亞洲，身邊的人都說歐洲好貴㗎、澳洲好貴㗎，於是我們習慣了出發前就把日用品都先在香港買好，像那時去澳洲working holiday，就一早就在$12店買落大量以為會好貴的日用品。結果？就係去到澳洲，發現人家的K Mart才是皇道，平靚正兼有得refund，服務一流。
到最近去美國，出發前身邊朋友又再次溫馨提示，「美國啲嘢好貴㗎！！！」結果我們做足準備，還自備了cook set，打算road trip時可以自己的飯自己煮，結果原來食餐鋸扒，兩個人連tips也不過＄3、40美金，全程有專人服侍，仲要份量超大，夠你打包食兩餐。在香港？同等價錢，頂盡應該只能食餐元X壽司又或者半餐乜乜星期二。
唔聲唔聲，原來我們都已習慣了把錢都留在外國才用，在香港幾乎連底衫褲都唔買，留返一年一次日本韓國，一次過買個瘋；在香港都儘量減少出外用餐，留返出走時，才真真正正的去吃那些抵上好幾倍的地道美食。
所以話，唔係唔想留港消費，而係香港真係好貴。去旅行，都只不過都係想將自己辛辛苦苦賺回來的血汗錢，用得精明啲啫。
既然香港買嘢咁貴，就畀個優惠大家，而家1月30日前去 www.danielwellington.com/hk 買手錶＋手鐲/錶帶，就有新年限定真皮卡夾送，埋單前輸入折扣代碼[runawaywhen25]仲有85折優惠添！
講住咁多先，我返出去plan吓今年去邊到慳錢先。
離家出走IG遊記:
http://instagram.com/runawaywhen25
k-mart hk 在 K-Mart韓國食品 的推薦與評價
K -Mart韓國食品， 香港。 2300 個讚· 5 人正在談論這個· 22 個打卡次。 K~Mart 致力從韓國直接將各式各樣的韓國潮流零食、家庭用品、美容產品帶到. ... kmart-hk.com. ... <看更多>