［歐洲航空股屍橫遍野］昨晚的。但，福爾摩斯話齋，邊隻狗冇吠？唔好睇邊間跌，睇邊間冇跌！
1. 意大利成為重災區後，呢堆嘢先開始急跌。相反你睇香港坡國嗰啲一早跌咗，日本昨日放假，日航全日空今日都唔算跌得極多，4%左右。有空姐確診，重災區嘅大韓航空，今日仲有得升添（之前跌晒了）
2. 又，歐洲呢堆，就無分大公司定廉航，無分歐唔歐盟歐唔歐元，全部都大跌。
3. 另外解下，應該都一網打盡了。IAG就已包英航同西班牙Iberia，漢莎就德國奧地利瑞士（都話都係納粹唔使分咁細），法航荷蘭KLM早就合咗體，北歐幾間都包晒。土耳其航空俄航……搵唔切。
4. 有冇發現漏咗邊間？
5. 就係重災區嘅意大利，Alitalia。有冇人坐過？
6. 其實，而家係咩狀態，我都唔係好肯定。應該就冇上市的了，但又未死到，破產邊緣吊住命咁，一路有買家嚟傾，但又冇人傾得成。法荷又有，漢莎又有傾，中東佬又有，大陸佬又有，美國佬都有。
7. 你可以話Alitalia已由青春少艾（其實都冇乜點好過）變成百德阿姨煮肉丸咁款，但，講到尾都係價錢，夠低自然有勇士肯要，拖返去洗碗都好
8. 但既然個個睇晒全相，但就冇人肯落塔，就即係Mrs Fields 嘅款，但收人
9. Margot Robbie嘅價啦（＊）.
10. 不過友人話齋，Alitalia好嘢呀，死極都死唔去。其實都係意大利啲企業嘅寫照，一來政府吊住命（＊＊），二來真係爛船仲有啲釘，你見意大利人都仲係有車有樓有得一年去幾次日本（OK，唔係日本，可能去馬耳他（＊＊＊））
11. 即使係廢老貝魯斯科尼掌政咁耐，歐債危機殺埋身，你見意大利都未搞到要搵人打救。其他四豬都要，包括歐元區四哥西班牙—係喎，小小意大利，經濟體系仲大過西班牙，主要因為人多。意大利人口密度係西班牙一個開！即使計人均GDP，意大利都仲高過西班牙—不過係指籮綿奴，如果計PPP就差不多了—然則意大利啲嘢貴西班牙一截？唔知，好似係。
12. 啲圖比較核突。其實原本今朝有個list save 起咗，但唔記得cap 圖，再開已變咗今日開市前。所以夾硬係第啲梳屎搵返再砌圖
（＊）唔好意思，唔係好熟而家啲鬼妹，幾乎想講Megan Fox 同 Miranda Kerr
（＊＊）但同你想像中唔同，意大利政府似乎都只係勉強吊住Alitalia，都唔係好想亦唔係好敢國有化攬上身。唯一真係攬上身嘅就係銀行，上次講嘅錫耶納銀行（http://bit.ly/2vSN0Wp）。英國亦都係差不多。銀行係真係唔同的。
（＊＊＊）關於呢個「意大利人去馬耳他」，其實係廿年前嘅viral，但當年只係有聲，就唔會有片（http://bit.ly/32mSfKe）。句 I want a fork on a table 而家我都成日講
klm意思 在 klm縮寫在PTT/Dcard完整相關資訊 - 數位感 的推薦與評價
KLM 英文简写是什么意思- 问达人2020年10月17日· 如果需要，您还可以下载要打印的图像文件，或者您可以通过Facebook，Twitter，Pinterest，Google等与您的朋友分享。 ... <看更多>