關於 kofgym消息 ，我們在網路上蒐集到這些相關的討論、資訊與評價

“真人版綠巨人” 定 “P圖版綠巨人”？ 身材成謎？！

Sajad Gharibi 居住喺伊朗，因為佢喺社交媒體發佈嘅龐大身軀令佢人稱「伊朗綠巨人」，而佢嘅Instagram更加有53.9萬人追蹤及獲得認證。

根據佢Instagram發佈嘅身材相片與Eddie Hall唔同時期對比：
Sajad自稱 高188cm 重180KG（2020年）
Eddie Hall 高190cm 重161KG （2021年）
Eddie Hall 高190cm 重196KG （2017年）
根據以上（圖片）大家可以自行對比評估下。

唔知大家有無睇過影片或者文章介紹「現實中巨人排名」呢？多數都會有佢嘅出現，多數人都會俾佢龐大身軀而驚嘆，但奇怪嘅係相比其他「現實中的巨人」難以喺網絡上搵到除咗佢自己發佈出嚟以外嘅影片或者相片，更加令人奇怪嘅係佢咁大嘅知名度同咁龐大嘅身軀竟然無出現過喺公眾場所而無途人去影過佢或者同fans合照，因此令人懷疑佢真實嘅身材！

好多時網絡上嘅資料內容未必全部係真實，就例如內容農場類型 （Content Farm）影片或者文章多數都係未經證實、沒有可靠消息來源、標題誇張、內容主要是係娛樂性質、吸引眼球關注等等。因此大家要有批判性思考及判斷吸收嘅資訊是否正確。

你又信唔信佢真係「現實版嘅巨人」呢？
有無錯信過農場類型中一啲假嘅消息/內容？

圖片來源：
@eddiehallwsm ( Instagram)
@sajadgharibiofficial ( Instagram)

圖/文:Hugo

#kofgym #strength #肌肉 #力量 #gym #封gym #巨人 #綠巨人 #伊朗 #內容農場 #大隻 #P圖 #執相 #身材

Strength Battle Hong Kong後記:

Strength Battle Hong Kong2020完結左之後我都未有時打返一篇個人感想與致謝辭，今次係小弟同公司團隊處女下海，搞左第一個以往淨係睇youtube先會睇到Strength War類型嘅比賽，搞呢個比賽嘅目的一直好簡單就係想好直接咁打破世俗嘅眼光，就算你係最低門檻嘅基本健身都可以成為一個運動，最終目的更加係希望全民變強，事實上我知道唔能夠用第一次做所以無經驗做得唔好嚟做藉口，而道歉嘅說話已經講到口臭，呢度我想講下我嘅體驗同致謝

今次我體驗到要搞一個比賽真係唔容易，其實係完全唔可以同一個大製作拍攝相提並論，何況呢個係一個結合左真人Show嘅比賽，除左我地經歷左兩個幾月都無得點瞓，日踩14-16個鐘頭做野，野又操唔到，同事都嚇怕之外，真正嘅比賽流程內容就更加尤如惡夢一般，基本上好多突發嘅情況，人嘅交流溝通係一啲完全唔能夠控制嘅因素，大會能夠控制嘅只有預先訂立嘅條款規程同工作人員(好幸運地呢兩方面我地都完全唔合格)，雖然呢一切都係無得去控制令流程更順暢，但呢15個星期嘅過程當中，我真係睇到由上至教練下至所有參賽者對我地大會嘅體諒，就算有幾多覺得不足嘅地方都願意去理解同配合我地，呢個係我個人最感動嘅

而經過今次我亦都發現其實香港嘅健身文化都唔係想像之中咁差，一嚟第一次搞就已經有2百幾人報名，我都係意料之外，估唔到咁多人有興趣，第二根據收返嚟嘅消息原來有為數不少嘅人因為呢件事開始左去接觸槓鈴訓練，呢樣係我自己最想見到嘅

如果你問我仲會唔會想搞下一屆，老實講，我驚左，唔想，我拍下片自己開心下唔好，咁大壓力搞到呢同事都同我一齊瞓唔著

但係我知道呢個比賽一定要繼續搞落去，無論遇到咩困難都要繼續，如果你地想鬥想玩嘅話我一定會繼續，因為我希望呢個係可以令到全民有興趣去變強嘅一個轉捩點，我會用更好更有規律更細致嘅方法去令下一次進行得更好

搞Strength Battle呢次比賽要多謝嘅人有好多，首先係多謝8位接受我邀請嚟參與比賽嘅教練先，仲記得當日，我一搵你地嘅時候同你地present完成件事，你地諗都唔洗諗就話做，我真係好開心，因為如果無左你地根本呢個比賽唔會舉行到，亦唔會有咁多人留意，你地嘅付出同熱情唔單單係響健身嘅層面上體現出嚟，仲有心態同隊友嘅交流，各個層面都發放住強嘅訊息俾大家，好多謝你地每一位，以下排名不分先後:
@brucecheungkaihong
@keung_0
@jimzacdon
@isaac_ifbbpro
@marvin_physique
@mankatsun
@namstrengthculture
@mr.wolverine.terry

之後就係要逐個多謝信任我地大會嘅贊助商:

首先係我地今次最大嘅贊助商
@natures_village_hk @ansperformance
今次比賽要多謝樂健坊同ANS俾左咁多資源我地去舉辦呢場比賽，又送袋又送Supplment又現金卷，基本上參賽者嘅報名費，如果唔計教練堂都已經響呢part拎到盡，仲要連大會嘅BackDrop都幫我地處理埋，都可以話係勞苦功高，產品高質就不在話下，香港地嘅健身營養補充品專門店，真係可以話係支持本土健身運動不遺餘力。

其次就係俾我地又食又拎嘅
@rankingdakhk
網上韓國雞胸專門店，同樣係全情投入，可以話係滿足晒我地參賽者同教練門嘅口福同營養需要，高蛋白雞胸又易入口有邊個健身愛好者會唔中意呢，最重要係佢投放左好多資源落去我地嘅最佳教練同最佳運動員獎項上，為日後有機會參加唔同比賽同出國競技嘅運動員都打左一支強心針，食雞胸你要識揀啦

然後就係裝備界最高規格嘅
@sbdhongkong
多謝你俾左一個咁好嘅體驗我地嘅參賽者，響比賽嘅時候得到更好嘅保護，香港地好多健身嘅朋友都會忽視左裝備嘅重要性，由其實當能力日益進步嘅時候身體嘅負苛都會隨之增加，如果無好嘅裝備我地點能夠走得更遠，而SBD更加令到我地參賽者嘅能力展現出更高規格

台灣最潮健身品牌
@teamjoined
唔洗講野啦，鍾意操野嘅你都係想有型啲，想有型啲就緊要襯埋靚衫，今次有Teamjoined幫我地大會服飾加持，可以話係令到整個賽事更加得體同整齊，彈性物料更加係令到我地嘅教練同運動員都展現到更好嘅體態同身段

阻力帶網店
@rb.age
復健，熱身，訓練，基本上阻力帶已經成為左健身愛好者不可劃缺嘅隨身裝備之一，初賽嘅禮品阻力帶你地有無繼續用緊??

健身運動背包
@amstrong.official
多謝為左我地大會獎項提供產品，結實用料，絕對適合健身友或戶外運動人士粗用同時可以保持袋嘅外形質素

最後最後要多謝嘅係我身後嘅一班工作人員，由最初嘅報名行政，籌組，到製作剪接美術全部都係我地幾個人日捱夜捱咁揼出嚟，多謝你地嘅出心出力同投入!!!!敬請期待我地公佈報名日期，我地下年見!!By Burger

@strengthbattlehk

#kofgym #strengthbattlehongkong

突發！！！

ATHLEAN-X Jeff Cavaliere @athleanx 被指控用假重量備受爭議！！！
-
Jeff Cavaliere 健身youtube首位 「ATHLEAN-X」 訂閱超過1千萬 ，經營youtube超過十年，網上有大量中文翻譯片，被台灣網民稱為姐夫
利用物理治療角度解釋每個健身疑難，在多數人眼中Jeff已經係神枱級，經常會聽到人講「jeff話嗰個唔好做」「jeff話做呢個會傷」
-
但Jeff cavaliere近日被人發現在片中多次用假重量的鐵餅，
早在4年前已經利用假重量的鐵餅做‘500磅’deadlift
仲要將假鐵餅插在最外面，卧推‘315磅’和其他片中都可以明顯見到假鐵餅
-
經驗證fakeweights.com賣的假鐵餅，和Jeff片中的鐵餅幾乎一樣
印上45磅鐵餅，但實際只有大約2磅
一般用拍於道具和裝飾
售價大約$69美金，現特價$35美金😏
-
今次可以話健身界大新聞，各種健身YouTuber如獲至寶咁（包括我地）爭相討論，YouTube上已經有二,三十條片關於 Jeff Cavaliere fake Weights
-
唔知大家點睇，請留言

我地嘅睇法係:

我地都唔覺得有咩大問題，只係呢次係成個健身youtube界關注嘅事件，沒有不報導的理由，no offence ,佢係無料就唔會有10m subscriber啦

-
-
另外想感受Real 重量可以參加KOFGYM小組訓練班，有力量、增肌減脂、女子修身班，有興趣請到kofgym.com官網報名
-

圖文:KAPO
#kofgym #hkgym #香港健身 #kofgym消息 #ATHLEANX #jeffcavaliere #姐夫 #姐夫唔好 #造假 #fakeweights #鐵餅 #道具

這樣練你能跳更高同時避免受傷!〡跳箱篇 Box Jump ft. ken

除重訓可以練到爆發力與彈跳力外，增強式訓練亦是練跳高不可或缺的一環，而當中最為熟悉同時又最難做得精嘅就係跳箱啦，跳箱係咪真係就咁求其搵個箱跳下，慢慢跳高啲嘅箱就練到呢，無咁簡單，聽下呀ken講下跳箱有咩橋妙啦!!!

跳高教練Ken:
ig:https://www.instagram.com/hkjumpsacademy/

鳴謝場地提供lrcfhk:
https://www.instagram.com/lrcfhk/

想留意更多Kofgym最新唔同健身資訊同消息記得follow同like埋我地嘅:
facebook:https://www.facebook.com/Kofgym/
ig:https://www.instagram.com/kofgym/

========================================

感謝大家長期支持Kofgym，一直以來都有唔少觀眾朋友問我哋，除左黎上堂、買我哋嘅產品、share我哋啲片之外，仲有咩方法support我哋，幫助我哋有更多更好嘅製作，所以我哋都增加咗以下嘅資助方法：


①轉數快
快速支付系統識別碼(FPS id)：3689684


②銀行轉帳
Cheese Burger Company Limited
滙豐銀行 121-798078-838
過完數可以將入數紙電郵去 kofgymmuscle@gmail.com ，之後我哋會寄返張收據比你哋。
再一次多謝大家嘅支持！


導/攝影：Burger
剪接：Eunice