我坐在椅子上，目不轉晴望着面前的螢光幕，埋頭苦幹在打字中。老人院的電腦通常都是龜速的，令人異常懊惱!
「醫生，到我睇未呀?」一位叔叔走上前跟我説。
「等我做埋呢個就到你架呢。」我仍然望着電腦。
叔叔在我面前左右踱步。
「到你囉。」我抬頭對叔叔說。「你有無唔舒服呀?」
「無呀，幾好!」叔叔走上前，坐在我旁邊。
根據紀錄，他有高血壓和糖尿。今年年頭他因為尿道感染而入院，因為在病房內胡言亂語，而被診斷患有腦退化症，出院紀錄顯示他的MMSE 簡易智力測試有14分。MMSE 30分為滿分，香港版測試18分以下不合格，測試者有機會患上腦退化症。
「佢記性點呀?」我轉而問老人院職員。
「佢記性唔好架，成日話要番屋企，話要出街。」老人院職員匯報。
「係呀，佢地唔俾我出街架，咁我想出街都好正常姐，買個生果都要架。」叔叔語意清晣，他説的話也合情合理呀!
「點解唔俾佢試吓呀?」我又轉向職員。與叔叔交談中，又覺得他好像甚有紋路。MMSE 14分，有時並不代表所有事情都不能自主和決定。
「唔得架，佢一時一樣架，陣間又唔記得，佢出去實蕩失路架。」職員反應甚大。
「咁初頭搵人陪住先，睇吓佢得唔得囉。佢有無屋企人探佢?」我再問。有人陪伴着，我自覺安心。
「無架。仔女係哂大陸 。」職員說。「負責佢個社工其實都成日嚟買野食俾佢架啦。」
「咁叫佢個社工同佢落街得唔得呀?」
「個社工淨係嚟睇佢，唔會落街架。」
「咁你地老人院有無義工會探啲長者? 叫 佢地初頭睇吓得唔得?」
「我地啲義工嚟唱吓歌，跳吓舞，唔同人落街架。」
我當然明白，叫他們這樣做，並不是依從正常的規矩。萬一出事了，責任誰來負?
說到尾，這是一個事事問責的社會。
但一個被標纖「腦退化」的老友記，真的就沒有能力，從此便不能自由外出，享受在街上走走逛逛的基本樂趣嗎？
難題!
mmse香港 在 中大腦神經科- 【HK-MoCA 的十年】 #蒙特利爾認知評估香港 ... 的推薦與評價
【HK-MoCA 的十年】 #蒙特利爾認知評估香港版(#HKMoCA) 於十年前(2009) ... 年：發表MMSE - MoCA 分數轉換方法➢ 2018 年：發表兩套HK-MoCA 交替版本 ... <看更多>