#人奶路 行左14個月暫停了，我係新手媽媽，在最初餵人奶遇上過好多問題，有試過損同塞，又試過好多方法增奶，有試過 #木瓜魚湯 #媽媽奶 #按摩 #nursingtea #密密餵 ，但其實休息都好重要，休息多，奶都會多，但餵得多，奶都會多，我主要係 #埋身 餵，埋身因bb吸啜會更刺激身體造奶，但擠同泵都試過。
我係第四日上奶，當時埋身姿勢吾岩，試下泵，見到黃金初乳好興奮，雖然當時吾多，但知道 初乳係最矜貴的，其後慢慢再試埋身，好彩成功，好彩無因為遇上困難而放棄，仲一直堅持餵左14個月先停，之後愈泵愈多，但到左加固後，奶量明顯又減少了，有補奶粉，又試 #powerpumping, 試左一星期，多返少少。埋身去到13個月，隨著奶量真的再少了，差不多要停，抱住佢飲奶曾經不捨，終於明白媽媽失戀的感覺。慶幸自己有餵人奶，俾到bb最好既野，令自己明白更多，餵人奶辛苦，真係需要堅持，各位媽媽加油！💪
