梧：
今日嘅新聞頭條就梗係孟小姐俾加拿大政府拉咗啦，背景嘢唔多講，令在下覺得呢單嘢引人入勝嘅地方在於：
1）如果呢單嘢純粹係因為話華為賣咗嘢俾伊朗嘅話，當日美國搞中興都無玩到咁撚大，之前嗰啲做法都係話制裁，而家直頭係逼加拿大政府拉人封艇，個效果其實就同國安嚟香港Four Seasons帶走肖劍華差唔多；
2）孟晚舟係副主席兼CFO，以果純粹講職銜嘅話應該唔係拉佢，不過佢係Founder個女囉喎......
3）雖然話禍不及妻兒呢啲從來都只會喺電影上出現，但係美國政府以前嘅慣常做法係告間公司而絕少會拉人。2014年法巴直頭係參與terrorist financing而俾美國政府罰咗差唔多成90億美記，都未去到拉人封艇咁大鑊。當然啦，此美國政府不同彼美國政府啦；
4）咁當然，你可以話中興同華為賣嘅嘢都唔同，而老實講華為主力做telecoms equipment又真係sensitive過中興好多，加上華為規模大過中興好多同埋做嘅M&A比中興多好多，所以受到嘅「招待」級數唔同都唔出奇。不過無論點講都好，根本就justify唔到加拿大政府拉人，仲話要引導佢返美國受審。
另外一件事係，孟晚舟係有香港身份證同大六passport，但係佢喺加拿大過境嘅時候俾人拉，呢件事本身就唔make sense，而佢俾人拉咗之後第一個跳出嚟講嘢嘅係大使館同大六外交部（在下甚至有理由相信香港政府啲膠官分分鐘都未知佢有三粒星），而孟晚舟一俾人拉咗就申請咗禁令，就更加唔make sense。
最後嘅係，美國同大六私底下究竟交咗幾多手，先令到孟小姐俾人拉咗，大家就買定花生睇清楚。
passport cfo 在 Commission on Filipinos Overseas - Facebook 的推薦與評價
Details of the online registration to follow. #CommissionOnFilipinosOverseas #cfo #CFOcares. ... Ang kulang ko n lang po ay sticker s passport ko po. ... <看更多>