Here I go again😅
上個post未講到，離開TVB之後，as a backup plan，我喺中大收讀Sustainable & Environmental Design建築碩士學位，同時間亦喺一間建築公司實習。重返校園內心都有掙扎，因為主修建築嘅人都知道呢一科係好金，but you gotta do what you need to do。我讀得都算幾好成績，但係事隔10 年要重新pick up絕對有困難。
我喺HKTV嘅的經歷係好滿足，係我演藝生涯中，第一次真正得到作為artist需要嘅照顧。見返好多TVB 台前幕後並肩作戰嘅舊同事，亦被安排做男一，一套劇接一套，而第一套劇嘅對手係影帝影后。過到新環境，有監製話喺舊公司好想同我合作，都覺得我可造性高。台前幕後都有好多溝通，個感覺係大家都有一團火，想創新同製作高質素嘅節目俾大家睇。因為咁我嘅演技有機會突破， it sharpened my skills, and definitely reignited my passion. 不過開心嘅時間過得好快，眨下眼就兩年，跟住大家都知道發生乜嘢事啦。 坦白講，呢次嘅感覺係由更高嘅位一腳𨅝咗落嚟，不過係我自己嘅選擇，因為加入HKTV時都知道會有呢個可能性，所以繼續向前行，無諗過返轉頭。
我決定要靠自己向外發展，向幕後製作埋手，因為呢一個係我鍾意做戲之外，入行嘅初心。起初係圈內朋友介紹由低做起，慢慢身邊有好多伯樂睇到我嘅潛質，鼓勵我開自己公司 - 製作廣告，event，電影。一開公司就已經接到幾個國際性嘅大型廣告同events，但壓力好大，因為我真係零back up。幾經辛苦終於搵到自己嘅世界，生存嘅空間。
試過接到國際品牌幾百萬嘅event 喺海外舉行，單人去開會。原先係同另一間香港製作公司一齊合作，心態係希望謙虛迎接新嘅挑戰，但第一次見面已經感覺好有敵意，因為對方可能覺得我搶生意。開完會諗住會有緊密合作，所以同對方進一步傾計了解， 但對方無緣無故話自己本來做電影行業但無做係因為「你老豆喺呢行」。估唔到離開香港，喺唔同範疇工作，都可以聽到呢種咁ridiculous嘅說話。係咪大家都以為我無咗老豆唔得？為咗big picture，唔希望又再次因為人士複雜而影響我團隊嘅努力，所以我同客戶提出獨自製作呢個event。
Business trip完成後，我同Camille同團隊分享都覺得好愕然，講都冇人信。當時只係女朋友嘅Camille知道當時我好需要人手，就辭職加入公司，付出所有做好呢個project，嗰次贏盡口碑。之後同我地合作過嘅每一位客戶，至今仍然係好朋友。我地嘅motto係將心比己，關係用錢都買唔到，it’s not always about the money。亦學識一定要放下身段，要生存就要豁出去。
曠闊咗視野同人事圈子，心態亦成熟咗，所以毫無保留介紹唔同嘅人去唔同嘅崗位，而佢哋喺呢行都做得唔錯，因為我了解呢一行係好需要其他人嘅扶持。
近呢兩年，有機會參與多咗幕前嘅工作，拍「男排女將」係HKTV拍「四年B班」嘅舊同事推薦我飾演黃金sir呢個角色。我亦好認真去做足功課，感恩大家對黃金sir嘅愛護。開頭有啲緊張，因為好耐無拍劇，希望自己可以發揮得好，希望可以為團隊同拍檔add value。因為呢幾年幕後嘅工作，自然反應係要照顧大家，所以同台前幕後嘅團隊，尤其係一班年輕人都傾得好投契。
Life is a marathon, I’m still giving my all to my career and this industry. 感謝大家對我嘅付出，感恩入行18年真心對待我嘅人。曾經傷害過我，當面多次say no 嘅人，我都要多謝佢地，因為我學識自愛、自強。呢一行嘅路真係非常之難，無論你來自任何嘅背景，成功唔係必然，都要付出好大嘅努力同堅持。
You must maintain a very balanced mental state and stay sane. I truly appreciate all the ups and downs in my life. I will keep striving. And may God continue to be my guidance, allowing me to persevere and protect the people I love with His love ❤️
persevere品牌 在 [閒聊] Persevere是很厲害的品牌嗎？ - 看板street_style 的推薦與評價
各位潮流前輩安安
最近看到IG穿搭分享才知道這個品牌
會注意到這個品牌是這一件牛仔褲
很像Madness 但是它才賣4280
只可惜 已經賣光了
他們老闆好像是一個穿搭網紅 在NMR上班？
東西好像很難買 一下子就完售了？
有人買過這品牌嗎？
可以分享一下嗎？
謝謝大家
--
※ 發信站: 批踢踢實業坊(ptt.cc), 來自: 39.8.4.218 (臺灣)
※ 文章網址: https://www.ptt.cc/bbs/street_style/M.1645279254.A.4EB.html
... <看更多>