Search
💕【隱世麻辣燒賣！】自家製辣油超惹味！
-
唔係拎對鞋嚟洗都唔知道紅磡呢個世有間咁好味嘅燒賣！其實呢間小店主要係賣涼茶嘅，搭單賣埋燒賣，由於開正喺大馬路，仲好多街坊捧場添，收工放學經過一定要試吓～
-
《魚肉燒賣》$10/6粒；$15/10粒，呢個價錢嚟講都真係幾抵食，講真望落去同普通燒賣其實冇咩分別，應該都係入貨嘅，係食落先覺得成件事好有驚喜！燒賣唔會太粉，夠晒熱，亦都夠彈牙，重點係佢嘅調味！除咗本身嘅豉油，記得一定要加辣～因為佢嘅自家製辣油真係極好味！見到個顏色都覺得吸引，佢唔係普通辣油而係麻中帶辣，仲要有啲辣椒粒，味道好香好濃郁，令到個燒賣好上癮，要一買買10粒先夠喉！
-
適合品味
地址：紅磡馬頭圍道37-39號紅磡廣場地下42號舖
#PND紅磡 #PND港式 #PND小食
💛【紅磡新分店！勁大件足料點心專門店】仲好食過茶樓！
-
佢哋嘅出品即叫即蒸熱辣辣，天氣凍凍地，又係飲茶嘅好時候喇！小店除佐有點心外，仲有週末限量腸粉，所以經常都full house！每碟點心嘅size都比坊間嘅大份！
-
必食《蟹籽燒賣皇$28》、《黑金流沙包》、《晶瑩蝦餃皇$32》，燒賣仲大粒過乒乓波，有成4粒蝦被豬肉包住！一份口仲係熱辣辣，真心啖啖肉！蝦餃入邊嘅蝦都同燒賣一樣多，應該都係有3-4隻，唯一唔同係嗰澄麵皮～至於相打卡一定要嗌黑金流沙包！
-
佢哋呢度嘅蒸籠飯麵好抵食《南瓜鳳爪排骨飯$45》，如果食埋點心一個人應該食唔晒，排骨+南瓜+幾條菜心，個飯夠晒濕潤，好食！
-
蒸廬
石門店：34603411（真人靚聲接聽）
紅磡店：62823253（whatsapp真人回覆）
地址：沙田石門京瑞廣場一期2樓225號舖 / 紅磡船澳街99F號黃埔新邨佳富樓地舖
#PND沙田 #PND紅磡 #PND港式 #PND中式 #PND外賣
💛【平食瀑布闊麵+流水烏冬！】咁闊嘅麵你試過未呢～
-
小店嘅定食只係由$58起，有麵或飯、三款小前菜、麵豉湯同埋嘢飲，幾抵食所以都有唔少街坊支持！分冷/熱食，前者似日式冷麵咁無餸但配日本冷麵汁，熱就有湯亦可以揀唔同配料！
-
《鰹魚吉列豬扒瀑布闊麵定食 $68 》瀑布闊麵一塊塊，薄薄地四四方方，夾起一片片咁食，麵身滑嘟嘟，又係考考潮友筷子功夫嘅時候喇！口感無普通烏冬咁煙韌～而而有少少似餃子皮，鰹魚湯底清淡得嚟帶醬油香，熱辣辣入口都幾有日本小店嘅風味，配埋半隻糖心蛋、日式鳴門卷、木耳、前菜中華沙律、枝豆、醃蘿蔔、麵豉湯，同埋大大杯嘅飲品，咁價錢呢個質素，收貨啦～波子汽水只係+$3，抵！
-
另一款《鰹魚吉列蝦流水烏冬 $68 》流水烏冬同平時嘅拉麵一樣咁浸住熱湯上枱，口感比一般烏冬軟同幼身。大樣配清甜嘅鰹魚清湯底，所以會想飲埋佢，炸吉烈豬扒同炸蝦雖然係叫貨，但炸功都算水準之上，吉列豬扒幾鬆化，點蛋黃醬食更多層次。如果想再食好啲嘅可以試吓小店嘅天婦羅！
-
⠀
麵.睦月 Mutsuki
地址： 紅磡湖光街1-7號聯盛大廈地下10B1舖⠀
星期一至日：12:00-16:00；18:00-22:30
#PND紅磡 #PND日本菜
Yogurt Ice Cream · 已結業 紅磡篇最後一擊！最hit焦糖味爆谷乳酪雪糕山香港出沒注意☺️ 雖然唔係韓國開過嚟，不過呢間本地小店好有heart架 ，PND都 ... ... <看更多>
... 娛樂直播平台(88 Game Channel)- Puzzle and Dragon -Pubg Moblie-Age Of Empires ... 丨 紅磡 索螺絲X 法巴周冬雨丨財務自由丨真實倉位丨13/07/2022. ... <看更多>
pnd紅磡 在 #pnd紅磡 - 探索| Facebook 的推薦與評價
#pnd紅磡 ; 6月2日 · 中式口味法式甜品！薑汁撞奶慕絲蛋糕 ; 2021年4月28日 · ; 2020年8月12日 · Posted @withregram • @hkplayndine ... ... <看更多>