點解做服務業既人都要帶埋家母返工??
剛剛一班 SIN turn 就因為冇晒枕頭而比客鬧
我地只有長途機先會每人有一張氈 + 一個枕頭。
短途機毛氈/枕頭/報紙 都係 First Come First Serve。
唔好鬧我, 我都好想 Offer 比你,
我知你張機票好貴, 但我地公司好 Cheap。Sor9y
#2779
親愛的乘客，搭乘本公司航班前請細閱以下前線人員的心聲。
A.上機前辦理登機手續︰
1. 請深信*1000000所有地勤人員比起你地更加唔想拆散你地坐唔埋一齊。我敢保證99.99999%的地勤人員不會刻意有一齊位而唔俾你地，(果0.000001%應該一係同事未訓醒禁錯制一係你係佢殺父仇人..)奈何請明白敝公司的超賣情況遠超閣下想像…好多時閣下黎到COUNTER,果陣全隻機9成9乘客已經拎哂位…到時閣下就算拍爛我地counter張枱我地都唔會死到一齊位俾你…
2. 我地最想ge係全機只有走廊位同窗口位，無中間位呢樣野，仲要至少有5成吉位任揀之餘俾埋你一個人坐全行又點話
3. 即使閣下夫婦同姓氏(尤其是西方人)，分開訂飛，我地係絕對、不可能知道閣下原來是同遊的。(最離譜試過俾pair西方人夫婦拍爛張枱鬧到隔離街都聽到話︰our surname are the same (like ABXYZAB, but not bought the ticket together), you SHOULD know we are traveling together and give us together seat，我當時只有冒出三個英文字。
4. 請深信*100000000000所有地勤人員都想每日100%飛機都是準時的，無人希望留低你地係機場黎咬我地
5. 即使你們很乖的想做網上CHECK IN，但由於系統問題而失敗，請明白地勤人員沒有操控SYSTEM不讓你們CHECK IN的能力。
B. 登機門前準備登機︰
1. 請深信地勤人員絕對比起你地更想你地有咁快得咁快上哂飛機，如果有得揀我地會想一到達登機門standby就開始boarding，有時要遲boarding絕對唔係我地有心唔俾你上機。
2. 有時你地遲到，miss flight，會鬧我地呢樣果樣，請明白你地miss左一班機我地係要做多十九幾樣野..e.g check ticket..check availability, rebook flight, standby, transfer baggage…..etc所以請明白無人想特登唔俾你上機
3. (致極愛推住trolley排隊ge乘客)請明白排隊時叫你推開架車唔係為左罰你拎住自己幾十件手提，係想你地快d入到飛機而又唔會阻礙到後面乘客前進
C. 上機後︰(如有不準確請crew更正)
1. 請明白所有crew比起乘客更希望全部人都可以有得揀食咩飲咩，可以ge話俾埋buffet你任食又點話?
2. 請明白遇到氣流時crew係冒住生命危險請所有乘客坐低同提示大家扣安全帶，你唔合作ge最終只會係閣下自己受害。尤其請不要覺得既然crew仲可以行黎行去點解乘客唔得
3. 請明白Crew真的不應該，甚至不可以幫乘客搬行李。乘客搬自己一件都覺得有難度，咁crew如果要幫成機咁多人搬會點??乘客搬完可以坐低休息，crew搬完仲有成程機要做service。我地人工真係唔包搬行李，如果因為咁而整傷係無人會同情我地。
4. 派餐時請合作先脫下耳機，如果只有一位乘客要求crew重覆所說的話當然ok，如果成程機有一半人以上都咁樣，好難怪服務你ge同事無笑容。
5. 請明白crew比乘客更希望人人有乾淨新簇簇ge blanket，無同事想收堆新野唔俾你地用(留黎turn around用無辦法…)怪只怪公司cut cost cut到咁唔人道，。如果可以請自備外套
D. 落機後
1. 請記得記得記得拎齊所有隨身物品，搵齊哂地下,pocket, overhead locker有無自己野留低左，據經驗有8成以上在機上遺失ge野係唔會搵得返，大至電腦，小至一副眼鏡，無一倖免。唔好以為你副眼鏡/外套/耳機唔值錢就識靜靜地坐係飛機入面等你認領佢地，有時cleaning同事唔知你到底要唔要ge野佢地可能唔為意就掉左。
2. (致有寄嬰兒車的乘容)你地ge嬰兒車全部都係飛機停定後，全人手逐部拎上黎，唔係飛機一停定自己跳上橋，請明白所有人都只有一對手一對腳，搬bb車上黎ge同事係行樓梯上橋唔係坐火箭上橋。
暫時只係諗到咁多，其他請大家同事再brainstorm下再提出，希望同事乘客都能happy flight happy work :)
