［索尼罪大滔天］這不是愚人節新聞。 SONY改名，由SONY Corporation，改為SONY Group Corporation
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
1. 點解好揀唔揀揀今日？未fact check，但舊年已經話改名，咁九成係因為日本公司財政年度4月1日開始有關。聞說日本企業招聘啲大學新生，成個流程都就埋呢啲嘢，好似交配（？）咁一年一劑，冇就永不超生。
2. 你可以話香港或第度啲大學招聘會都係一年玩一次，但一般係企業就學年，而且即使中途出出入入係常態。當然日本而家唔多再玩終身聘用，但會社人Salaryman（或曰社畜）中途被炒轉工甚至跳草裙舞之類仲係唔多，所以都係嗰句，錯過一次就死得。十分之「日本」stereotype，好似Toyota（？）生產流程，或者八佰伴燒餅機咁，just in time 流水生產線，你咪撚一個齒輪卡住成個機，總之集體意志，唔好咁多個人思想。
3. 關於「索尼」，好多人都知算係大陸譯名，應該話係日本嗰邊一統中文名，同「華特—迪士尼」一樣，你咪屌冇文化，你鍾意，但人地官方名。不過「索尼」同好多日本公司唔同，著實在日本係冇呢兩隻字（否則唔會香港叫新力大陸叫索尼），根本就冇漢字。亦同歷史有關。
4. 即係三菱，咪三菱咯。東芝，咪東京芝蒲。尼康NIKON，「咪江戶川亂步 Edgar Allan Poe」「亦即係久石讓 Quincy Jones」「而梁望峰寫鬼故就用遊魂立屍做筆名」（＊），明明就係「日光」，之後由NIKON反譯返尼康。「日本人好鍾意意咁玩」，聽聞村上春樹都係寫英文，然後自己譯返變日文，所以出嚟啲嘢就怪怪雞雞咁，「好有文青味」。亦因為咁，聽聞應該睇英文譯本好過中文譯本。如是我聞。
5. 但SONY唔同，成個名就係……冇乜意思的，同佢元祖嘅「東京通信」全無關係。個名咩意思？冇意思，，就係好似IBM咁，IBM有乜意思？冇意思（＊＊），就係貪佢冇意思，聽落又有型，最重要係「聽落唔似日本品牌」。事實當年SONY打入美國市場，啲土佬以為係美國嘢。「即係松日 Matsunichi MP3咁」,完全係改個歐洲名就扮歐洲琴，勞斯丹頓咁
6. 講返股票，首先，SONY係可以在美股買的，SNE，唔係5個字母嘅勞蘇（＊＊＊） Pink Sheet 嘢，你望下任天堂？另外，「遊戲機股」係幾好嘅主題，但只炒一隻任天堂。同啲GAME呀 主機呀都唔係最大關係，最大關係係 遊戲機只佔SONY少部份嘅收入，仲有很多其他不甚那個嘅業務，例如拍戲。
（＊）梁生有期英文名叫URANUS嘛，鐵粉呀我。
（＊＊）這是一個gag，套戲唔熱門，但呢幕我翻睇咗好多次。（https://ytube.io/3GNz）
（＊＊＊）在我設定嘅universe中，勞蘇只會識5個字母以內嘅英文字，而當然LOTSO就係五個字母。BTW，我屋企隻勞蘇今日10歲生日！噢耶。即係我同埃汾太都相愛十年（其實唔止）（加埋中途離離合合呀咁）。埃汾太成日話隻勞蘇幾舊水玩足十年好抵玩，我話「你仲抵玩啦」—但即係佢玩我定我玩佢呢，都未知，中文幾咁博文精深。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
＝＝＝＝＝＝＝＝＝＝＝＝＝＝
quincy中文 在 Bo.Bo. x Quincy - 文字雲（中文版/ 英文版） | Facebook 的推薦與評價
文字雲（中文版/ 英文版） ... Bo. x Quincy on Facebook. Log In. Forgot account? or. Create new account. Not now. Related Pages. 嘉大社會觀2015民雄校區. ... <看更多>