關於 sing con意思 ，我們在網路上蒐集到這些相關的討論、資訊與評價

好多人都話回望人生，十幾歲時最開心最無煩惱最無壓力，我從來都唔認同。

讀書嘅日子點會無壓力無煩惱？

十幾歲嘅少男少女每日都因為人際關係感情問題而有好多好多嘅苦惱，要擔心同學之間嘅關係，女仔又鐘意玩小圈子玩杯葛，到感情事上更莫講話鐘意左個男仔佢唔鐘意你，又要玩暗戀，然後到真係拍拖，又要驚拍拖被呀媽呀爸老師發現，之後又要學習面對失戀嘅痛... 莫講話香港讀書壓力堅大，老師睇成績去批判你，呀爸呀媽日日哦你，上中四中五時更是煮到埋身，好驚升唔到預科就人生玩完。

一個只活左十幾年嘅小朋友每日都要面對以上我講嘅事情，點會無煩惱無壓力？但我地每個都係咁長大，讀書嘅日子最美好並唔係無煩惱，而係做錯決定講錯說話，果刻覺得好大件事，而家回望先覺得小事如芝麻綠豆，但果時唔覺架，果時失戀、同朋友鬧交、會考衰左，你堅係覺得世界末日架嘛，right?
所以世事往往都係過左先覺得「妖！小事啦！」

而家做左人呀媽，我梗係覺得當年發生嘅事濕濕碎，但果時就覺得係驚天地泣鬼神。

當望著細我十幾年嘅呢班年輕人，我真心覺得我地果代可以沉迷拍拖、有時間玩小圈子、只識擔心考試成績嘅人真係太幸福。九七年我仲讀緊小學，完全係呀夢一名，點識咩叫公義，什麼是抗爭。就算我讀大學果四年，我都係掛住玩drama，晚晚排戲，又掛住參加sing con ，住hall食宵夜晚晚玩到唔使訓，仲有時間去歐洲exchange... 何等美好嘅大學生活！

我零九年讀大學一年級時嘅生活就是這樣快活，而我成日諗我只要遲十年讀大學，我就係而家果班細路仔，所以如果要講公平，其實從來無這回事...

而家做左逃兵，其實好多時都會心裡愧疚，但愧疚無意思，最近同當地有些朋友了解緊外地香港人有咩可以幫手，知道今日屋企發生好大件事，對唔住，我返唔到黎，希望留守嘅每位香港人都要安全都要平安，幫手睇住班細路仔。

相片攝於大學一年級時
睇下果時我幾清澀......
其實而家有好多比我當時更細個更單純嘅小朋友幫手打緊仗
睇住佢哋😌

節目完左仍然繼續收到你地問關於 d 衫嘅嘢，講到扮靚大把嘢講㗎喎，完全唔介意同大家開心 share。要靚就一齊靚 🤘🏻 當上《姊妹淘》咁喺度再一次過詳細答 ❤️ 男士們都歡迎一齊研究下 😅🎶
不過其實真係冇乜特別 🙇🏻‍♀️ 女仔貪靚係正常嘅、扮靚係「對自己有要求」嘅一種演繹。女為「悅己者」容又好、為「自己」容又好，扮得靚 d 出街，對自己對市容都係一種尊重。香港女仔靚唔靚？梗係靚啦！有自信自然有 glow。再加上呢個係人靠衣裝嘅世界，你嘅外在美靚啲，大家先會再有心機留意埋你嘅內在美。好現實 derrrrr。

入正題 >>>

其實節目入面著嘅衫唔係啲咩特別貴嘢，成日覺得衫唔一定要好貴、但一定要自己著得舒服、啱身份啱場合；個人愚見。你哋有 cap 圖問我節目入面呢件衫、嗰件衫係邊度買。我有幫大家問過、不過其實因為個節目係上幾個月前拍嘅、而家佢地都已經轉左季冇得再賣。唔緊要、各位姐妹得閒可以上 Farfetch、net a porter、Zara、asos online shopping 睇下、我係宅女成日喺網上搵到啲好嘢 mix & match。

果對我成日著嘅水蜜桃色粉紅波鞋係 adidas 嘅、IIJIN 都成日買，有內置自信踭、很好。Street wear 之外、亦非常鍾意投資少少落啲 accessories 同手袋度襯下、節目入面有：Bally、Max&Co.、Gucci、Versace、Fendi、Prada、Chanel。節目形象指導陳貝兒話佢真係有花咗 D 心機去襯衫黎配合每個地方嘅特色，所以佢表示好高興大家有留意到 🎈

太陽同平光眼鏡喺 Visual Culture Optical 有、屋企起碼有十幾副。有人問大眼仔 con，喺中東篇係特別戴咗灰色嘅隱形眼鏡。原來戴咗灰色 colour con 個眼珠會變咗好似藍色咁㗎喎，睇返 d 相我都覺得成件事突然變得好神秘呀 wooooo⋯⋯。關於衫、亦有準新娘問晚裝裙、我經常去 Mariée Bridal Couture 同 Dorian Ho。祝你永遠幸福快樂 ❤️

有人問節目入面個妝係邊個化、頭係邊個 set？係陳貝兒。不過想投訴佢每日都好求其，妝同頭 30 分鐘手勢搞掂、原因係佢聲稱出 trip 全程好倦好倦所以寧願瞓晏 d 先起身 🤷🏻‍♀️ 我會叫佢好好檢討下。甘不過如果喺香港出 event 就肯定會搵專人畫靚塊面、整靚個頭。

個頭好緊要，剪得好每朝早洗完頭淨係吹乾佢就行得。入行到而家都係去 O4 Orient4 - The Official Page - Pius 大師幫我剪嘅，佢啲徒弟仔個個都好犀利、ELLE 個 link 入面 d 相下面有佢地嘅 IG contact：Keith、Sing、Nick、Alan 個個都好正，成日幫我 set 頭天天新款。頭髪顔色都有好多人問、多謝 O4 「色 more」阿Sonn，highlight lowlight 每次都係佢發版。fb：Keith_wong_hairstyle // Sonnlam_Color // SingTam_hairstyle

成日幫我畫皮嘅化妝師有 Krisie、Irene、Wendy、Sammy、小白等等，佢哋個個都好好、輪流用。因為佢哋個個都忙過我、好難約。新娘妝、event 妝要早 d book、我 IG posts 入面有曬佢地嘅 contact。fb：Wendy's Workshop // Sammy Lam Make-Up Service // Freshen Image // @KrisieWong

不過講到尾其實塊皮最緊要，皮膚靚就化乜都靚、定期去 Face College keep 住個狀態保養唔懶得、April 同 Cherry 好 nice 㗎。護膚品我都用好多，Estee Lauder Hong Kong 好啱我。另外可能因為我食素（Green Monday // Green Common ）所以 d 膚都會好啲啲。係喎、仲要飲好多好多水補濕排毒同埋食生果。最愛食橙同青瓜、你懂的。

有人話我知 TVB 官網寫我身高 154cm、其實我係 175。體重保持 115 磅左右、三圍數字就唔講啦⋯⋯ 周不時水腫可大可小係女人你明嘅、不過好彩我冇參加過港姐你哋 check 唔到 🤘🏻

身型嘅嘢唔係一味瘦就好、最緊要健康，有自信自然有glow。而且健身除左係 train 身型之外更加緊要嘅係 train 心志。呢個世界只要肯堅持、冇嘢係做唔到。呢方面好多謝我 PT - 銅鑼灣林丹 - 其實佢真名叫 Donald。一個星期我 keep 住三次每次一小時、佢幫我睇住我要半肥瘦。大家都可以去 FITT PUB 揾佢。佢係幾有型嘅，不過唔好意思佢結咗婚個老婆仲好靚、所以大家可以專心做 training 💪🏻

仲有其他關於我個樣嘅問題嗎？再問我就要搵陳生陳太出嚟答大家，因為係佢哋兩個生我出嚟嘅、非常多謝！特別嗚謝 I love you !!

有咩問題隨便再問、我會盡量滿足大家❣️

P.S. 關於每次出 event 衫褲鞋襪嘅牌子同埋妝頭嘅 credit、其實 IG 入面會 list 得比較仔細。IG username 係：chanjanis

❤️

#多謝ELLE HK #純粹交流下 #開心share
#一齊靚 #唔小心寫到咁長我好懷疑有冇人會睇到尾 🤷🏻‍♀️ it's ok

【#陳貝兒 正面面對傷痛令人感動】
陳貝兒逐步走出受離婚傷痛，從她時尚和知性日常穿搭中看得到Janis Chan 陳貝兒的積極態度。

36歲張栢芝與27歲台星訂婚？>>http://bit.ly/2w12rr3

-------------------------------------------
Follow us on Instagram!
Username: @ellehongkong
http://instagram.com/ellehongkong
#ELLEHK #ELLEfashion #穿搭

【唱K VS 唱歌 + 和音撚的禍害】

文：八神 Louis Ng

其實，我係鐘意唱歌的。

不過，認識我的朋友，都很少聽過我唱歌。因為我真係好耐冇唱歌了。
我好耐冇唱歌，係因為我把聲比年少時沙了很多，唱起歌上來不好聽，所以索性不唱，免獻醜。

我鐘意唱歌，可能係因為小時候成日聽歌。聽歌聽得多，再加上本能地對節拍感有反應，自然就會愛上唱歌。
有時候，獨自一個人時，都會哼起歌來。

平日的生活，好難有機會真正地唱歌。
因為我地唔係歌手，冇咁多機會上台唱歌。
如果自己一個人在街上唱歌，我係可以的。不過要睇時間地點場合，先好決定做呢件事。

例如我在地鐵車廂內無端端大聲唱歌，就會騷擾到人；
又例如我在西洋菜南街人多車多的街上大聲唱歌，又會俾人以為係「大媽」的一份子；
又例如同朋友出黎食餐飯時，無端慶起高歌一曲，朋友會覺得你痴左線；

總之，我地生活上、習慣上，好少可有機會俾鐘意唱歌既朋友們開懷放鬆地唱，除左參加比賽同埋唱K之外。

先講參加歌唱比賽。中學時我係歌唱比賽「常客」，每次有sing con一定報名，因為我鐘意唱歌！
有次在校內歌唱比賽得了季軍，然後再同一位partner組合，打入聯校sing con。雖然最後冇拿任何獎，不能為校增光，但係已經好有滿足感。
要認真唱歌，sing con係一個唔錯既場合，既可練武，又可以識到朋友（尤其女校同學，因我是讀男校的），分分鐘仲可以得獎。

至於唱K，就係另一個可以名正言順，可以放聲唱歌的地方，無論場合、音量、人物等等，所有事情看上來都是合理的。
K房內唱歌，有朋友聽，係好開心的事，當你一個人唱緊歌時，其他人都係開心mode，可能係飲緊酒，可能係撳緊電話，聽唔聽一回事，但至少，氣氛係開心的，而成班朋友去唱K，目的都係為左開心。

我個人認為，嚴格黎講，「唱K」跟「唱歌」係有分別的。
「唱歌」就係好認真地唱，要係表演級數，音要準，拍子要準，聲線要厚、感情要有，整個表演都要見得下人果隻；
「唱K」就係冇壓力，亂咁唱，走音錯歌詞亂叫乜都冇問題，有時你太認真地唱反而會冇咁好笑，至緊要一班人在K房玩得開心，唱成點，根本唔係重點。

簡單來說：唱K，不需太認真；唱歌，冇得唔認真。

我鐘意唱歌，亦鐘意唱K。
當我每次在Facebook表示「我想去唱K」時，即係表示我「好想同一班朋友一齊唱K，開心下」，至於入到房唱咩野歌，真係唔重要，至緊要有得唱，乜歌都受！

我唱K時習慣揀合唱歌，好少揀solo歌，即使我揀左隻solo歌，我都盡量表示給在場朋友知道，「歡迎亂入」，因為我唔鐘意自己搶咪獨自唱。朋友們大多以為，當我拿起支咪唱歌時，基於禮貌關係，大家都唔好意思亂入，乖乖地聽你solo。我的想法正正相反，我恨不得大家都隨便自由地亂入亂出，好free的態度，不想有任何束縛，想join便join，要來便來。唱K，應該要大家一齊唱先至開心，你一個人唱，又要迫人聽，開心極有個譜。

有些朋友，「在唱K時唱歌」，意即在一個唱K的場合時，明明該活動是casual的，是開心的，你卻要堅持拿起支咪「認認真真地好似表演咁唱歌」、堅持要solo唔想有任何人亂入、堅持大家要靜晒聽佢表演，姑勿論你歌唱質素如何，我係唔buy的。雖然你呢種行為唔係犯法，差人係唔會拉你，又冇犯道德上的錯誤，明光社唔會批評你，但係，情感上、mood上，我覺得呢個唔係「唱好歌」的時候，唔需要在K房認真mode。因為如果你咁做的話，你係破壞緊一個進行中既開心氣氛，去要求大家迎合你的表演慾，咁你同技安有咩分別？

大家未必完全明白我講乜，我重申，當一個人「唱K」的時候「唱歌」，將個buddies party變成個人演唱會，最慘就係呢類人有時興之所至，會揀埋好多好偏門的歌曲，人地未聽過唔識首歌，只有你自己先識唱果類歌。以上situation真係發生的話，整個氛圍都已經唔同了，而破壞氣氛的人，往往連自己都唔會明白呢種破壞力的。我強調，唱K進行中，態度應該「歡迎亂入」，但唔係「一定要有人亂入」，冇人亂入，你都可以繼續唱，但係你個態度，一定要「歡迎任何人亂入」，而唔係夾硬要人做你fans。K房是大家的，演唱會卻是你自己的？說不通，說不通。

如果想認真「唱歌」，而又唔可以在K房「唱歌」，其他場合又好似好唔方便我地「唱歌」，咁，應該去邊度練習表演唱歌好呢？
我點知呀？自己諗啦！總之，唔好騎劫左朋友同你共同持份的K房就是了！

另外，有一種人，同佢唱K，我會覺得好辛苦，就係「和音撚」。

大家睇演唱會睇得多，都知道，當兩人合唱時，有時兩位歌手mood到默契到，就會有一人無端端在副歌位唱出和音。
我係鐘意聽+唱和音的！唱和音同唱正音的歌聲加起來，令到歌曲表演非常立體，聽出耳油！

但係，偏偏世上有種「和音撚」，明明唔識唱和音，又要夾硬唱和音！和音撚唱撚錯晒和音，就會對歌曲做成極大傷害，聽到聽得很辛苦！我情願你唱返正音！

咁點解「和音撚」咁辛苦都要唱出「錯和音」呢？答案好簡單：因為佢根本唔知道佢自己唱錯左！佢根本唔識唱和音！但係為左型，都要夾硬唱，從旁的朋友一邊聽著，一邊只會想：「不要一槍打死我.jpg」，攞人命也！

識聽和音，冇可能唱錯和音的，好明顯，和音撚係「為和而和」，結果變左多餘又討厭，以為自己好型但其實係柒頭，真係唔唱好過唱！

好耐冇去唱K，大家有K唱的話，不妨搵我！
好耐冇去唱歌，各位老細想聽我表演唱歌的話，不妨請我！

#唱K #唱歌 #和音 #正音 #solo #K房 #技安 #亂入