自問不是一個時裝精，但是對於衣服及布料有特別的愛好、特別的執著；就算明明已經過咗幾季，但係只要質地好、pattern靚，點都唔捨得丟！（冇辦法啦，巨蟹座係儲物狂，送俾人好捨得，但係要掉落垃圾桶真係好難...）
自從戒甩左購物狂呢鋪癮之後，近年來都好少買衫，特別係上年到而家，簡直冇乜點買過！第一個衝擊係全球幾個地方救唔熄嘅山林大火；第二個衝擊就係因為病毒冇得行街；最後一個衝擊⋯⋯
似乎種種原因都在提醒我們，是時候對生活作出改變，唔好亂買嘢！
最近認識咗一位時裝界的老人（稱之為「老人」因為佢已經喺時裝界打滾咗好耐，並唔係話佢老嘅意思～😛）剛剛創立咗一個品牌 RURI WORLD 主打環保時裝 sustainable fashion。何謂sustainable fashion呢？原來係非常之講究！
先講用料，除咗一定唔會揀黑心工廠、要公平貿易、材料用recycle物料或organic、對大自然無害之外，原來採用一啲人棄我取嘅dead stock都係方法之一。由於呢位「老人」認識好多廠家，以前亦都幫好多High fashion牌子做生產，見識到好多大牌子嘅奢侈浪費，只要個顏色差少少唔啱設計師心水，無論質地幾好，所有布料都會作廢。
而我這位朋友就會揀呢一類質地超級好，但係無人再用嘅布料，重新造成靚衫！
唔講大家一定唔知，原來香港都有好勁嘅製衣廠，全件衫seamless 3D織出嚟嘅tee大家都有聽過，原來除咗tee之外，全件幼針cashmere毛衣（就係我圖中所着嗰件）都可以織出嚟，係完全冇縫接口！無論技術、柔軟的質地都係超晒班！真正冬暖夏涼，夏天着都唔會焗，返Office或者行商場就最啱！不過又係全面停工咁滯！
又好似我圖中所着嗰件外套，你以為是普通冷外套？其實前幅是用高質地的cotton紗線織出來，後幅背後嘅百褶布料就是是用回收膠樽做出嚟嘅recycled布料，日本製，但一啲都唔會侷促又透氣；超美的象牙白色，洗完、掛喺衣架都唔會變形！
外國而家好流行sustainable fashion，有幾個頂尖設計師自創了一個品牌，兩年以來只賣七件衫！因為sustainable fashion其中一個好重要嘅概念就係唔跟潮流，揀自己日常最容易着到嘅衫款，mix & match 可以着好幾年！當然質地都係一個好重要嘅因素啦！好嘅質地加上好嘅設計，價錢一定唔會太平。但係起碼你洗一百幾十次都唔會變形先啦～我好鍾意圖中呢條褲高密度的compact cotton，簡單大方之餘，側面個可拆除的小袋子又可以用來放電話或者小錢包～如果要做嘢我而家通常都係着呢條褲！
RURI 嘅衫除咗物料一定係環保之外，佢嘅質地同埋設計，都係非常耐用耐看。價錢雖然唔係好平，但係起碼都唔會係好似外國嘅sustainable fashion咁賣幾千蚊一條褲先。
有興趣嘅朋友可以去睇吓，原本佢話想我幫手介紹吓，我見到價錢唔平，都好難叫人買；但係了解過佢成個概念，由選料、設計、搵廠生產，每一部都認真同埋真心為個地球着想之後，亦都改變左我對時裝嘅睇法。最重要都係，我專登上去佢公司睇過全部衫，試上身真係好靚～🥰 我先會介紹俾大家～
我朋友話，俾個折扣code大家：WS2020
如果有興趣，可以買嚟試吓！🤗
https://www.ruri.world/
P.S. MrSo攝影技術大有進步啊～讚一個！👍🏻
sustainable fashion意思 在 The Egg 英語蛋- 時尚和衣服一直是雅思口說常考的主題 的推薦與評價
Eco 是ecology 或ecological 的縮寫，意思是「與環境有關的；生態的」；「永續時尚」較常見的說法還有sustainable fashion。 Vintage 復古風利用舊衣回收再利用，可說 ... ... <看更多>