關於 t21報告性別 ，我們在網路上蒐集到這些相關的討論、資訊與評價

不知道各位媽媽懷孕時，有沒有憧憬過肚裡的BB，會是個可愛的BB女呢？我估問10個媽媽，起碼有九成媽媽都希望第一胎生女，餘下一成媽媽雖然口裡說不，心底裡卻仍然想生女😂

我自己懷第一胎時，簡直當左自己一定會生女，當做超聲波第一次比資深婦產科醫生評估為應該是生仔的時候，我的確有點晴天霹靂，難以接受，更一度希望醫生「估錯左」！最後做完T21驗哂血終於要面對現實，報告結果是個健康BB，而性別是男仔！

當然只要BB健健康康，男女其實我都沒有所謂…

你地有冇試過在街上遇上不認識的嬸嬸婆婆，見你個BB好得意，會走黎同你閒聊幾句，最常聊的是估性別遊戲，而我通常幫Timtam仔著到全身藍色衫褲，婆婆們都會問我BB是否女仔呀？😅

然後就有個「傳說」，如果第一胎BB不論男女但樣子似女仔，那媽媽下一胎就會生女！我想媽媽們應該都有聽過吧！是否百份百準確無從稽考，當然決定懷第二胎時的確心底裡仍希望是生女，不過都是那句，無論男女，健康最重要！

到樹熊妹出世，如果跟哥哥比較，妹妹的樣子其實比哥哥可愛，唯一可惜是她跟爸爸餅印一樣，而哥哥一樣似爸爸，為什麼沒有人似我呢？😭

前一排有鄰居經過我們家閑聯幾句，講到妹妹時話未曾聽過妹妹喊聲，讚妹妹好乖好斯文❤️

跟爸爸講起此事，我忽發奇想，不知道如果我生第三個BB會是仔或是女呢？如果可以生多個妹妹好似樹熊妹咁乖都幾好，有兩姐妹一起成長就可以完滿我想有個姐姐的心願😍

👨🏻 爸爸一盤冷水：「一定生仔！」

🥺

👨🏻：「妹妹經常比人話似男仔，下胎一定生仔！」

咩呀？妹妹咁都似男仔咩？

不過仔女都好啦，要生第三個的話……不了🤣

#久違的長文
#八個月大

發現有左，下一步應該點做？

踏入二月，又傳黎一個個好消息喇～～～
因為聖誕狂歡過後，差唔多呢個時候發現屋企將會增添新成員喇～🥰🥰

可能某部份人係未婚意外懷孕🙊🙊
咁就比較擔憂同好多野要處理🙈🙈
結唔結婚好呢？生唔生好呢？呢個男人可唔可以付托終生呢？結婚先定生左先補擺酒好呢？住邊到好呢？🙈🙈

而我身邊大部份朋友都係結咗婚期待生小朋友嘅，💏💏所以聽到佢哋不斷傳來好消息我都好戥佢地開心！👪👨‍👩‍👧

而我開心過後第一個發問嘅問題就係下一步應該點做呀？今日就等執嗎同大家簡介一下懷孕後應該有乜嘢步驟要注意啦！🙋🏻‍♀️🙋🏻‍♀️

1）搵西醫👨🏻‍⚕️
係任何一個西醫都可以幫你寫張懷孕證明書，拎住嗰封信去你心儀嘅公立醫院門診度做登記！留意醫院門診部嘅開放時間，唔好白走一趟
有轉介信，仲可以download「預約通」個app直接喺電話度就預約到產前檢查㗎啦
Hospital Authority 的「預約通 BookHA」

https://itunes.apple.com/…/%E9%A0%90%E7%B4%84…/id1074190076…

另外亦都可以直接預約母嬰健康院第一次檢查見醫生係健康院做都得架，上網搵一間最接近你嘅健康院預約就得㗎啦

https://www.fhs.gov.hk/tc_chi/doc_br/antenatal_service.html

2）點解要預約公立醫院🏥
可能你會覺得公立醫院服務態度唔好，而唔想喺公院生，但係無論你諗住係邊一間醫院生、搵邊一個婦產科醫生開刀，你都最好去公立醫院登記！因為私家婦產科醫生係隨時會因為你有高危因素而唔接受你搵佢生BB！！！！
例如你有胎盤前置，私家醫生會接受你做產檢，但特然間出血嘅話佢未必會接受入院搵佢（除非你係名人）
最後都係要去返公立醫院，如果你入院連一次登記都未做過、任何血液報告基本懷孕資料都冇嘅話，情況就更緊急啦！對媽咪同BB都比較危險！所以最好公立私立兩邊檢查

3）檢查
如果你排咗公立醫院門診佢就會寄封信俾你約你返去見醫生助產士，同埋做Oscar，即係「一站式產前檢查」！包括抽血、照超聲波度BB頸皮、去推測唐氏綜合證屬於高還是低風險！度頸皮測試都多數會安排喺11至13週做，如果太遲發現，比唔到期你，可能就要做第二孕期嘅風險評估，準確度就會低咗架喇，所以一發現懷孕就盡快去預約產前檢查啦！
果你全程都係公立做產檢嘅話呢個超聲波可能係你懷孕期唯一一次照到嘅超聲波，因為公院冇資源為每一個媽媽做結構性超聲波🤦🏻‍♀️🤦🏻‍♀️
因為公立冇得做，所以私家醫生嘅結構性超聲波名額就變得十分之緊絕啦！最好10週左右就要去搵定想搵邊個醫生照結構㗎啦！遲咗好容易book唔到㗎

4）safe T21 vs NIFTY
另外媽媽可以自費去私家做抽血檢查，檢驗BB到底有冇遺傳病同埋可以知道佢哋嘅性別，之前好多文章都講過呢個Safety 21技術係香港中文大學一班醫生全球首創！！好叻叻豬啊😍😍目的就係當唐氏綜合證屬於高風險人士，可以用一個最快嘅方法去篩選，到底BB係唔係真係有唐氏綜合症，咁媽媽就唔需要等到16至20週先去做抽羊水測試，因為當你懷疑BB有問題每分每秒嘅等待都係煎熬！
不過無論唐氏綜合證篩選定係saft T21篩選，兩個都唔係診斷檢查，結果只可以作為參考始終抽羊水測試先至係一個確診檢查！唔明再inbox問我啦

5）家居
喺香港土地問題係最大嘅問題！我哋作為基層，基本上冇一個人嘅居住環境係足夠大，可以比小朋友無憂無慮跑跑跳跳咁成長，除非你夠資格拎綜援或者拎公屋，如果唔係雙方父母在職，要請工人或者四大長老湊B，屋企點樣都係唔夠住，唉。。香港問題我唔想多講啦。。諗起就心傷。。
想講嘅係屋企點都要有個位放BB衫BB床high Chair等等，其中BB床係必需！必需！必需！呢樣嘢實在太重要啦！！BB係一定一定一定唔可以同父母一齊瞓！尤其係初生！媽媽日日夜夜餵奶，半夜會好眼瞓！好容易會一時懶瞓壓親BB都唔知！幾唔夠位都好，最少最少要有一個床上藍將BB同父母分開！！
話時話我有一個床上藍可以讓出嚟有冇媽媽想要呢？

以上就係以助產士知識同執媽生仔經驗綜合而成嘅一啲建議
我知道好多媽媽係啱啱知道懷孕，都唔夠膽同人講，歡迎你哋inbox話俾我知，同埋如果你身邊有朋友懷孕想知道點處理嘅話都可以去Share呢篇文章俾佢哋睇

上年呢館時候都打過「收聽秘密專員」🤗🤗咁就一年喇～當時懷孕既bb應該都已經滿哂月喇～❤️❤️

https://www.facebook.com/473136053029146/posts/615563532119730/
果段時間我其實都係岩岩知道有左架🥰🥰🥰

#復左工一段時間真係好忙
#每日都好想放工返屋企即刻黐住個仔
#一篇文章打足一個星期
#多多支持likeandshare啦
#恭喜你有喜呀
#記得早d開始搽妊娠油呀
#久違冇打文章啦
#歡迎inbox我

👨🏻👧🏻💕
話說老公之前一直祈求第三胎係仔
當診所打電話俾我話T21報告出咗
驗到係仔的時候佢勁開心
開心到成龍手勢都出埋嚟✌🏻🤩✌🏻
我就好失望啦
因爲我明明覺得係囡嚟嘅🤨

我老公搭一搭我膊頭
同我講：老婆，我開心即係你開心啦🤗（😒）

補充一下
點解老公會想要仔呢
唔係因為佢重男輕女
係因為佢太錫太鐘意Bria喇
佢話給如果再多一個囡佢個心會負荷唔到喎
（咩理由？😂）
而我就一直都希望係囡
因為sisterhood實在係太美好❤️

好啦咁返到屋企
我抱住不能相信的心態打開個email
諗住睇吓份lab report
中文譯本寫： 性別：男
英文正本：Female Fetus
⁉️⁉️⁉️⁉️⁉️⁉️
咩事呀？即係咩呀？！
當時係星期六的下晝5點鐘
我打電話去診所想求證吓
但佢哋已經閂咗門😱

你明白我果個週末的心情有幾忐忑嗎？！
終於等到星期一
我7點就發夢打電話去診所問🤣🤣
好不容易等到9點正！
我打去診所問到底係咩一回事
個姑娘話⋯你等等⋯我睇吓先⋯
「⋯喂？⋯errr⋯係呀唔好意思呀⋯攪錯咗⋯」
「你果個係囡呀。」🤡🙄

我第一時間梗係去話俾老公知
佢聽完一嘢撻左喺地下度😂
內心OS:「唔係呀話？！」
呢個時候我搭一搭佢膊頭

講咗句：

「老公，我開心即係你開心啦！😎」

✌🏻