Search
大隻都可以有好多種，而我只係希望我第時求戀期笠件tee出嚟嘅時候，隻老鼠仔都可以捐少少出嚟隻袖外便，有舊圓圓地嘢，個拗位有個坑咁啫～
唔通真係下下剝衫咩！
😌
Principal Trainer💪🏼：李沛剛 Croco @ Team APEX
#大隻仔計劃 #美國隊長計劃 #week6of12
#enjoyworkout #genesis_fitness #team_apex
朋友剛傳黎《美國隊長計劃》小電影（誤）第一集嘅final cut，我咪即刻搵埋cmo同我一齊睇咯！點知佢嘅第一個反應係：「丫，你真係唔怕人笑個喎！」話時話，今次真係我第一次唔著衫對住鏡頭，為藝術而犧牲。
白奶嘥、肥吞吞咁，係好核突架，俾人笑就梗架啦！但係我唔怕，因為我有一個信念：就係當呢條片出街嘅時候，你地眼前既我已經徹底蛻變，讓你地刮目相看！預告：一連三集嘅特輯，將會喺明年嘅一月初公開發放！
警告：你地咪用「咪埋眼、離遠睇」呢啲解薄格嘅伎倆黎猥褻我幅肉照呀！雖然⋯⋯
我知你地實會！
😒
Trainer💪🏼：李沛剛 Croco @ Team APEX
#大隻仔計劃 #美國隊長計劃 #week6of12
#enjoyworkout #genesis_fitness #team_apex
話咁快，就踏入第六個星期，亦即係成個計劃嘅中段。好坦白講，心情係忐忑嘅。回想起剛剛開始嘅時候，操完野果一、兩日，全身勁痛，啲肌肉好似撕裂晒咁；到咗今時今日，我點操都唔會再痛喇，有時就會懷疑：到底係自己唔夠落力丫？抑或我真係慣咗？
最近，好多朋友同同事都同我講我修身咗，其實係明顯嘅，呢樣野冇人可以清楚過我，因為我每朝返工，都會感受到條皮帶可以喺唔縮肚嘅情況下，扣入咗一格。尋日我上一上磅，體重原來已經得返157磅，較我175磅嘅長期平均明顯低咗，感覺輕身咗好多。
Cmo問我，12個星期之後有咩打算？會唔會繼續操？好老實講，每朝返工前跑45分鐘機，隔日放工去尖房兩個鐘，確實係有啲吃力，空閒嘅時間少咗好多。但最大嘅得着係：健康嘅飲食習慣同運動，以後都會跟住我。祝願未來呢六個星期，我會做得更好！
💪🏼
#大隻仔計劃 #美國隊長計劃 #week6of12
#enjoyworkout #genesis_fitness #team_apex
