【水上樂園攻略】
細細個最鍾意去水上樂園玩，關閉22年後終於重開啦～但我已經由細細個變咗人哋阿媽啦！😍
上星期五因為要打高爾夫比賽所以無去，榮少就已率先同朋友試玩咗話好好玩！ 今日到我同朋友支持「公益金水上樂園慈善日」，個仔返學我自己去玩！🤪
得三個小時，結果做定功課搵三個最刺激嘅ride嚟玩。我哋第一個去「急流漩渦」！佢同「神秘迷沖」排同一條隊，排咗35分鐘。「急」比「迷」更刺激所以多人排好多！最多四個人一個水泡，係個大漩渦之後沖你入去管道，非常刺激，必玩之選。
第二個玩「沖天瀑布」，條隊好快5分鐘就玩到。可以6個人一齊玩，經過管道後會直落個露天大U型，好有離心力。👍🏻
第三個排「深谷飛爆」，其實佢同另外兩個「極速迴環」同「勇者之嶺」都係同一條隊。兩條橙色係90°直落滑梯好大離心力，一個自己落；一個入個太空倉落。另外黃色嘅「極速迴環」都係太空倉落，但會轉兩個大圈先落相對橙色兩條嘅離心力冇咁大無噉驚。😬
時間有限，仲有好多都玩唔到，應承榮少再嚟同佢玩！☺️
幾個Tips比大家：
1）佢哋要求排隊時要戴口罩，選擇布口罩會比較方便。亦請自備毛巾！
2）很多遊戲不可以帶袋、眼鏡和帽子一起玩，只可攜帶一個小型防水袋放電話。園內發售那個防水袋超級唔好用最好自行帶備。拖鞋可以跟身拿著一起玩遊戲！
3）建議預先網上預訂停車場同儲物櫃，否則租儲物櫃也排長龍。
4）泳衣背後不要有金屬扣，否則職員有權拒絕你使用遊戲。
5）水上樂園入口在深灣遊艇會直入（即以前海洋公園後門位置），請大家不要再走去海洋公園正門進入！
睇吓下次撞唔撞到你！😍😎
#水上樂園 #朱庭萱 #waterworldhk
waterworldhk 在 香港海洋公園水上樂園Water World Ocean Park Hong Kong 的推薦與評價
Water World Ocean Park, 33 Ocean Drive,, Aberdeen, Hong Kong. Get Directions. 493 people checked in here. https://waterworld.oceanpark.com.hk/. ... <看更多>