上星期返返下工個時，望望WHATSAPP彈出「聽日幾點係邊等？」朋友又突然出現係東京，我完全唔記得左回事！印象中我係約左佢地去富士山，前一晚立即搵下交通路線同睇時刻表（じこくひょう）好彩既係朋友都有刨書，唔係靠晒我者🙇🏻🙇🏻🙇🏻
上次去富士山係同兩老自駕遊，老豆係日本揸過車都上晒癮😏可惜我唔爭氣無車牌，雖然真心好方便，但老人家揸來回成6-7個鐘車都真係幾辛苦。今次我地全程鐵道遊，當然係另一種體驗～👍🏼東京🔆唔等於可以見到富士山，我再一次知道睇到佢全相係真係靠運氣，一係就留意山梨縣既天気予報（てんきよほう）可能會準好多😞
鐵道遊路線（約一個半鐘多少少）
由新宿出發，搭中央線【特急】直到大月－＞富士急線到河口湖站
我地上錯左中央線【普通】車，架車只係到高尾就返東京，同時間我地想轉個架車又走左，足足係月台等左成8個字😔😔😔朋友唔會怪我吧？！怪到無用😎
順利到達大月後，我用IC卡就不用再買飛，朋友們就要到客服中心買多程到河口湖站（約一小時）當然，係觀光重點當然會有講普通話的工作人員，你地可以放心！佢仲介紹左另一個可以望到富士山既「下吉田」站俾我地，而當中既富士山站我估係FOR行山人士上山專用😁應該係，除非唔係。錯有錯著，搭慢車都有好處架，就係可以見到情侶最受既「捉緊幸福的心型手環」（幸せを掴むハートリング）只要兩個一同時捉緊手挽，就可以幸福一世🙄🙄So What❓一個人就唔可以用啦喎😡嬲嬲豬～
到下吉田站個時咁岩又係望出窗，就見到富士山！！都成5月尾，山頂仲有雪架～真係好鬼死有型！不愧係世界文化遺產，日本既象徵👏🏼👏🏼👏🏼落車填飽肚就由河口湖站行到河口湖（幾10分鐘）以為可以望到更廣闊既VIEW！❌錯晒❌入到湖只係見到其他山囉！！HEA遊一小時都差不多日落，搭返特急返渋谷。今次一出一入車費都真係好甘，差不多5000円左右！用JR PASS可能會比較抵，可以自己安排下～記得河口湖站出站／臨走個時，記得去案內所攞本型到裂既優惠小冊子～
我地晚餐係食個平價打邊爐，原來越來越多香港人識得去「鍋ぞう」了🤔
#工作遊記 #大丈夫 #丫仁 #鍋ぞう #日本 #東京 #working #holiday #工作假期 #期間限定好友 #香港人 #廣東話 #河口湖 ＃世界文化遺產 ＃富士山 ＃自駕遊 ＃＃山梨縣 ＃中央線 ＃下吉田 ＃捉緊幸福的心型手環 #嬲嬲豬 #tokyo #河口湖畔 #高尾 #打邊爐
中央線特急時刻表大月 在 新宿JR中央本線(東京-鹽尻) 往八王子/大月時間表 的相關結果
這份時刻表包含JR中央本線(東京-鹽尻)新宿站到八王子/大月站的時刻。 ... 中央特快: JR中央線中央特快: 高尾(東京都). stop station ... 特急: 富士回遊3号: 河口湖. ... <看更多>