終於食到「牛大人」啦 ～
放大假， 可以同女女去食早段火鍋放題（平日收工堅係爆多人🙈）
牛大人係台灣特色火鍋放題。 食120分， 肉類，海鮮用QR 任點， 仲有唔少台灣直送火鍋料可以係自助區任取， 當然包埋任飲啦。
牛大人最特別係佢有多個好有台灣特色既湯底。 我點既金鑽鳳梨雞鍋，聽個名已知係台野，湯底有成大舊雞， 仲有醃製過既鳳梨，椰菜， 魚仔， 比平時既雞湯味道更濃郁同豐富。
肉類的質素都幾高， 最愛薄切，一燙即熟。 我今日食$258 個個餐，牛肉有澳洲A5和牛，仲有多款安格斯，封門柳，美國prime 肩里肌。除左牛外， 豬同羊都好食呀。 個澳洲羊卷肉超有羊味👍🏻
呢個餐仲每人送2粒和牛丸， 超爆油， 勁濃牛味😋
任食區有好多台灣直送既丸， 仲有好多特色醬汁， 我最鐘意個洋蔥牛肉醬，酸酸甜甜架，用黎食肉可以減去油膩感，再食多幾塊肉🤪
飲品方面有個飲品櫃， 除左有大路野， 仲有唔少樽仔茶😍 用QR code 點仲有台灣特色飲品， 好似金桔椰果（阿女投訴太少椰果🤣）， 酸梅湯， 烏梅汁（呢個超正😘 ）。
呢度上菜既速度超快，無漏單。 而收碟既速度都超快，一清左個碟就有人收🙈 一舉手又好快有人黎。不過佢2粒丸又一個碟， 洗死人個女🙈🙈 其實我唔介意group 埋一齊既。
食到最後30分鐘就會截單唔俾再落order ( 但可以繼續食）。 同埋有一張甜品紙 可以點雪糕同台式甜品仙草凍架 😍
我傻下傻下， 即刻走去點雪糕， 搞到都唔知繼續打邊爐好定食左雪糕先好😂
呢度既食物質素高， 價錢抵， 服務人手都好足， 唔會叫十年都無人，而且服務態度都好好。 呢餐飯好滿足😋
牛大人 Master Beef
#台式火鍋 #牛大人 #打邊爐 #火鍋放題 #放題 #旺角美食 #瓊華中心
封門柳價錢 在 手切封門柳 平到你唔信 美國IBP原條封門柳未見過咁平 的推薦與評價
油花靚、肉味又香又林，肉質仲好滑，可以切小牛扒、切粒、薄片都得，打邊爐、火鍋、韓燒、燒烤多種食法！今次真係急凍價錢冰鮮牛享受呀！ ... <看更多>