［Where’s the Beef？！］冇可能唔用呢個題。寫完見到，鬼媒絶大多數都用呢個題
1. 就係，根據分析員（＊）講，美國每五間Wendy’s，就有一間冇牛肉！
2. 點解？正係因為全國肉類短缺。肺炎乜都停工嘛，肉廠都停。
3. 不過，如果我係Wendy’s嘅人，一定借呢個機會化危為機（其實人地一早識做，分店阿姐都知）。
4. 此話何解？人人都賣漢堡包，點解得Wendy’s特別奶嘢？你冇聽到麥當勞冇牛肉賣？因為，Wendy’s一路強調，佢地嘅牛肉係Fresh Never Frozen （https://bit.ly/2W72IrZ）。今次證明真係冇呃你。做乜人地冇影響？人地Frozen咯！
5. 分析員仲話（拿，有料到的），睇區域。俄亥俄，密歇根，紐約就大鑊啲，三成舖都冇。阿里桑拿（第時馬雲可以開返間，credit返我可以了），內華達，路易斯安那等等就冇影響。冇去過美國，除咗NBA外東西岸我都未識分，亦不打算研究點解。
6. 又，循例再講下。一定係用Where’s the Beef呢個題！Wendy’s嘅 catchphrase，著名嘅廣告（https://bit.ly/3dnL3lB）。十分簡單，其他對手強調自己啲包點大點大，Wendy’s廣告阿婆揭開睇，喂，包大牛肉細喎，Where’s the Beef？睇唔到喎！放大鏡都唔見（呢句我講嘅）。以表示自己有肉食。後來呢句嘢成為日常用語，甚至總統大選都用。
7. 又原來，阿婆版本之前，原來有光頭阿伯版，但冇乜效果。而原本想出嗰句嘢係"Where is all the beef?"，但因為阿婆有病講唔到咁長，無心插柳成就經典，less is more．留意廣告仲有續集，自己睇（https://bit.ly/2yncRI1）。美國啲廣告一早已經係直接攻擊對手，開晒名，十分直接。
8. 關於Wendy’s，當然都係講嗰幾樣嘢。首先，就係方型嘅牛肉。十分聰明，有特色。仲要強調自己嘅牛肉多過人（同上），多到突出個包。
9. 第二，當然係要講，香港一早已全面收皮，台灣更早。邊度有？早年，2014年前，我仲在耆英證券，後期成日去吉隆坡，就有了。雖然很多人認為我去到馬來西亞食Wendy’s係十分無聊嘅行為。但晚年仲勁，打從我2015年第一次去日本，我好似次次都食Wendy’s！（正如我差不多每次都食KFC）。而因為好多時我都係去東京（加其他地方），亦好多時係住上野，所以就係去上野車站嗰間（＊＊）。有圖為證（https://bit.ly/35BL56p）。十二點定一點先收的說（再夜啲？對面有間一蘭）。
10. 第三，應該好多人知，但你未知嘅話你知，日本Wendy’s係賣珍珠奶茶的（https://bit.ly/3dnsvSy）
（＊）漢堡包都有分析員！好出奇？月餅都有分析員！你可以Google下
（＊＊）當然食MOS Burger就要去目黑，正如去三Sprit要去興發街（其實我細個真係以為係三字）
———————
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
收皮台灣 在 Re: 可以問個應該是沒水準的問題嗎? - 看板HKMCantonese 的推薦與評價
※ 引述《pasaseri (qheiowufyh)》之銘言：
: 上個禮拜去澳門玩
: 爬到東望洋燈塔
: 途中經過一個休息亭
: 看到有人在亭上亂寫字
: 寫"收皮,仆街,吃蕉....
: 我想應該是罵人和鹹濕的詞語(後面兩個詞語我知道意思)
: 但我不懂"收皮"是什麼??
: 無關色情啦,純粹想知道一下而已
: 最好是可以造個句子知道一下收皮的用法
: 謝謝
收皮是香港較粗俗的用語，意思是叫人住口或滾蛋，近似「收檔」。一般相信來自賭檔 (番攤)。
不同用法:
1.表示不同意或懷疑某人的做法或觀點。例：「條友話佢識林志玲喎！台灣好索個model呢？」「收皮啦！我夠識林嘉欣咯，佢唔識我之嘛。」(「那傢伙說他認識林志玲喔！不就是台灣那個很惹火性感的模特兒嘛？」「相信他才怪！我也認識林嘉欣呀，只是她不認識我嘛。」)
2.向在一起的人說再見。例：「喂今日做到好飄，都係早?收皮?。」同事：「返到去早?抖?，病就唔好啦。」(「哎今天的工作讓我頭腦都飄飄忽忽的，還是早點回家了。」同事：「回到家裡就早點休息啦，病倒就不好了。」)
3.要對方滾蛋。例：賊：「打劫。」受害人：「收皮啦。」賊：「兄弟，除佢條褲。」(賊：「打劫。」受害人：「滾蛋吧。」賊：「兄弟，脫掉他的褲子。」)
4.幹掉某人。例：黑社會：「人人凍飲加兩蚊，呢條友就加我二百蚊，擺明當我水魚，你?同我去收佢皮。」(黑社會：「一般喝冷飲只要多付兩塊，這傢伙就多加我二百塊，明明白白把我當作是羊牯，你們和我去幹掉他。」)
源頭:
說法一
「皮」是番攤的術語，「四個一皮」，即四單位為一組，引申結束謂之「收皮」。 以前有人在街上非法擺賣玩番攤，一收到消息說警察來查封，叫人收檔走鬼，後來收皮這個廣東俗語被廣泛使用，意思、語義被加左就闊左，收皮的意思又可以被解為「收爹」(住口)。
說法二
收皮是專指番攤中的蓆，「皮」是番攤的術語，「皮」是墊在最底?一張蓆，放在檯用來墊住其他賭具。當收檔的時候，最後都會收埋呢將蓆，叫做「收皮」。「收皮」就有「收檔」、「結束」之意。
說法三
收皮是專指番攤中的「貔貅」。「貔貅」是中國一種瑞獸，由形似「獅子」的「辟邪」演變而來，頭上有雙角。好多人會認為「辟邪」等同「貔貅」，但「辟邪」有翼，而「貔貅」冇翼。
貔貅亦是一樣風水物件。因為相傳貔貅觸犯天條，被玉皇大帝罰牠只可以以周圍的財為食物，而且吃了不能大便，只能靠排汗來排泄。故在風水中，貔貅有吸偏財的能力，所以以前的賭檔都會擺一隻或者一對貔貅在門口，直到收檔時收回，故「收皮」即是「收貔」。
https://evchk.wikia.com/wiki/%E6%94%B6%E7%9A%AE
--
※ 發信站: 批踢踢實業坊(ptt.cc)
◆ From: 119.246.6.196
... <看更多>