90後女友郭嘉文深夜發文 疑與李澤凱分手了 https://hknews.pro/article/1487364#1187
李澤楷結婚 在 家庭主婦小廚藝 Facebook 的精選貼文
同時也有3部Youtube影片，追蹤數超過80萬的網紅果籽，也在其Youtube影片中提到，娶着個港女 — 女義工戀印度男拖手都怕醜 「阿媽曾要脅結婚就唔認我」 「第一次見他的時候，真的很討厭他。感覺他的眼神帶點不屑，又不理睬別人，很傲慢。」符菁華（Kirsten）哈哈大笑地說，她的丈夫Melville Pradhan則在旁靦腆微笑。他們很不一樣：一個是香港人，爽快活潑；一個是在印度土生土...
李澤楷結婚 在 君子馬蘭頭 - Ivan Li 李聲揚 Facebook 的最讚貼文
［邊個最巴閉？］係李嘉誠買Zoom買到三份一身家，係實物蘋果1000變11萬，定係看似好慘嘅牧羊少年？
1. 照舊，明報文，隔一日先貼，當然其實網上免費（https://bityl.co/3PE8）。呢個post最底亦有全文。我打呢段係導讀。
2. 講咗了，上星期美股未股災前，剛好一個星期有三個買股票搵大錢嘅故事。第一個係李嘉誠識股於微時，2013年已經入股Zoom，回報N倍，一度升到佔佢三份一身家，多過長和或長實，
3. 第二單，蘋果日報搵咗個果粉（其實之前已搵過）（https://bityl.co/3PEO），一股實體股票，1000港紙，渣到變11萬。
4. 第三單，自然係呢度都提過，上星期都瘋傳嘅，牧羊少年奇幻之旅（https://fbook.cc/3FCy）。比悲傷更悲傷嘅故事，咖啡館幫人寄信畀未來自己，5年後先寄出。早排主角收到自己5年前寫嘅信，唔知咩感受。因為5年前，2015年，佢將2008年9.5買嘅騰訊，130蚊沽咗，60手。11萬變156萬，去求婚。開心啦？不過大家都知，騰訊之後5年，即係呢5年，再升多幾倍，而家都仲有5舊水樓上
5. 以上三位，邊個最成功？邊個最值得你學習？我contrarian，話牧羊少年先最成功。唔係睇個結果，係睇個過程。即係李澤楷讀到Stanford有幾巴閉？都巴閉，但不及一個劏房少年讀到。
6. 再講白啲。講金額梗係李嘉誠，仲要2013年已經知道Zoom，上晒頭條威水。但，佢係李嘉誠嘛。唔好話2013，根本1993年嘅李嘉誠已經係神。佢有幾多人幫佢睇嘢？幾多公司送上門？況且，對佢嚟講全部都係散紙。輸咗咪輸咗，全無壓力，所以唔會犯錯。打機打波乜都好，都知道有壓力咪易出錯。但咩人易有壓力？窮人。當隻股升十倍然後回一半，窮人必定食糊，中產都應該係，但超級富豪冇乜所謂，唔使食住先。所以個社會梗係富者越富。
7. 李嘉誠嘅嘢，你邊學得嚟？學人賣鑽石廳丫。人地輸清光都係散紙，你仔細老婆嫰仲要供樓。贏十倍已經脫貧，你一定take profit，唔會想打回原型。「所以一定唔會渣到一百倍」（實情，渣到十倍嘅已經好勁）
8. 況且，你邊位？我當你有時光機都好，返2003年搵到袁征，你話拎幾十萬畀佢，我估佢當你發神經，係騙子。人地益都益李嘉誠啦，活生生廣告。
9. 果粉呢？計倍數真係相當勁。問題係，買得1000蚊，冇乜用。證明當初都係玩票性質，當事人都有講，亦有講其他投資只係麻麻。呢個亦再一次見到好多人只係重視揀股，時機，睇新聞—但冇留意注碼。1000蚊變11萬，只係廿幾年，計倍數當然勁。但，計銀碼呢？11萬唔夠脫貧，其實畀首期都未夠。係型，但改變唔到生活質素，乜都假。你要型定脫貧？ （當然why not both，好型地脫貧）
10. 仲有，佢有個先天優勢，就係買實物股。講過N次，點解香港好多師奶買樓搵到一桶金，但買股唔會？除咗因為槓杆，亦因為股票太易沽，郁動又大。你忽然半夜屙夜尿就可以沽走隻升十倍嘅股票。但賣層樓難好多，交易費又重，再加上有啲人係拎嚟自住，或者畀屋企人住，唔會賣。
11. 就係相當矛盾地，作為投資，樓嘅缺點（流通性低，交易成本貴），反而幫你克服人性嘅弱點，變成優點。世事無如果，但，如果唔係渣實物股票，應該冇坐得咁定。
12. 所以我覺得，牧羊少年先真係勁。我對佢一無所知，但會沽晒股票求婚，又去牧羊少年嘅，應該當年普通中產，出嚟打工一排嘅年青人。咁2008年佢可以買11萬（$）落去，唔係全副身家都肯定唔係玩票性質，只係呢下，就已經唔到純粹買一股蘋果實體股紀念了
13. 另外，當中個過程，夠晒驚險。雖然冇乜大股災，但騰訊2011年都試過45蚊跌到30蚊。跌三份一喎，仲唔驚專家講止蝕？特別係佢成本10蚊唔夠喎！但佢都冇沽到，坐得，有耐性。
14. 所以，都真係冇乜好怨冇乜好抽水。換著係你，甚至係佢，而家倒後鏡，就梗係茶餐廳阿叔睇波，全知視線，哈而家500蚊呀。實際？只係2018年你都嚇到賴屎啦，2018年騰訊一沉百踩風光不再玩撚完呀。
15. 但都係嗰句，錢可以再賺，但才華係拎唔走，亦多數好少會再賺。窮者常窮，柒者亦常柒。你見好多人都係跌入呢種death spiral的。
16. 買得夠大，又賺到10倍開外，仲有乜好講？直頭勁啦。呢啲就係I already gave my best, and I have no regrets at all.
17. 真的，如果當事人真係見到呢篇文，不如出嚟畀埃汾訪問下，梗係埃汾請，請教下投資心得—我自己都冇一隻股票升到13倍啦。就去返牧羊少年咖啡館又點話。
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7
———————————————————
李聲揚：牧羊少年的騰訊之旅
【明報專訊】上星期三單新聞，同是投資股票大賺。第一單《明報》有報道，視像會議軟件Zoom績後勁升，李嘉誠所持股份水漲船高，升至佔他身家34%，超過長和（0001）或長實（1113）。第二單是友報找到超級「果粉」，早年買入一張實體蘋果股票，1000港元變11萬元。
但在社交媒體上瘋傳的是第三單：牧羊少年咖啡館有「未來明信片」服務，讓顧客數年後收到自己寫的信。今年早前有位顧客，收到自己2015年寫的信，「哭成淚人」。為何？原來2015年8月，「牧羊少年」持有60手騰訊（0700），原在2008年9.5元買入，然後2015年130元沽出。約是11萬元成本，156萬元沽出，淨賺145萬元。「牧羊少年」當年沽貨後求婚——但騰訊打後5年再升，最新股價約520元，是寫信時的4倍（騰訊2014年曾拆細，報道未有提到「牧羊少年」的60手是拆細前或後。小弟文中是保守估計。况且156萬元結婚，似乎比780萬元合理。）。
問讀者一個問題：以上三位，誰最成功？誰最值得你學習？
以金額計，是李嘉誠買Zoom，買到各大傳媒爭相報道，李氏2013年已獨具慧眼，識股於微時，佩服。但以倍數計，就是「果粉」，1000元變11萬，神級回報。美中不足是金額不大，訪問中主人翁也透露早知買多一點。
先天條件不同 首富投資難仿效
「牧羊少年」回報倍數不及「果粉」，金額不及李嘉誠。但小弟認為他才是最厲害，也最值得大家學習。以下解釋原因。
小弟認識指導香港學生的籃球教練，他曾提到，香港學生總愛看NBA明星偷師。但他卻力排眾議，希望學生看CBA的亞洲球員，自然被學生柴台認為老套。朋友並非特別愛國，他的出發點是：NBA的黑人白人球員，體格先天和亞洲人不同，你學也學不來。反而應該學習亞洲球員的打法。
李嘉誠投資Zoom，也是你學不來。紙上談兵固然個個曉，真實買賣又是另一回事。投資和打球一樣，難免有時受壓，壓力之下最易犯錯。但誰最易受壓？自然是窮人。李嘉誠投資Zoom，即使全數蝕光，對他也全無影響——李氏投資電動車和人造雞蛋也近乎輸清光。但閣下不同，仔細老婆嫩，有樓要供。先天條件已和李嘉誠不同，怎學？
况且，為何2013年李嘉誠已知道Zoom？李氏的人脈極廣，也有眾多才俊替他分析，甚至很多公司主動找上門求他入股。試想一下，即使你有時光機，找上2013年的袁征，希望投資十萬八萬——我相信他也會當你是神經病。袁征寧可以較低價賣給李嘉誠，以收宣傳之用。
「果粉」呢？回報相當不錯，更勝李嘉誠。當然是買得太少，1000港元，明顯當初也是玩票性質，若買得多就可能沒有耐性坐到現在。此外，尚有一個重點：他持有的是實物股票。若是在股票戶口，可能半夜心血來潮就沽走了，或者金融海嘯時就嚇至震走。香港很多人靠物業賺到第一桶金，但靠股票的很少。除了因為物業有槓桿外，也因為股票太易賣走。物業成交慢，交易費重，反而有助克服人性，成為了長期投資的優點。「果粉」先生拿着實物股票，不易沽出，先天有優勢。
可大額投資 較低回報也享複利威力
所以，小弟認為「牧羊少年」才是真高手。首先是注碼夠大，小弟猜測，2008年投入的11萬元，對「牧羊少年」來說並非散紙。「果粉」只買了1000元，怎計也只是散紙。注碼買得不夠大，即使是神級的倍數回報，也未夠大幅改善生活。這也是許多散戶的盲點：經常想找短期升幾倍的股票，但卻只投資幾萬元，升幾倍也不見得帶來大改變。相反，若能fully invest，回報不用太高，也可享受複利的威力。
另外，「牧羊少年」可以由9.5元坐到130元，也證明了心理質素相當強大。不要忘記他持有的不是實體股票。騰訊雖然是股王，但當中也有高位震盪。2011年騰訊曾經由45元跌至30元，絕大多數人都會選擇獲利離場，但「牧羊少年」沒有。
當然，事後看，他是沽早了騰訊。但抽水的花生網友，就像在電視機看球賽回放，全知視覺當然容易指手劃腳，自己落場就是另一回事了。「牧羊少年」13倍的回報，金額亦不細，相信沒有多少旁觀者可以做得到。「牧羊少年」未有現真身，不知他沽出騰訊後投資成績如何。但小弟相信，以其強大的心臟，打後投資應是不錯？若有緣看到此文可和小弟聯絡，小弟請客又點話。
——————————————————————————
［收費短片第九擊］美股科技股是否泡沫爆破？價值投資之選
課程資訊：https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲？
*有乜價值投資之選？
本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145
另外想買返第八擊（美國總統大選股票部署）都仲可以：https://bityl.co/3NPn
李澤楷結婚 在 君子馬蘭頭 - Ivan Li 李聲揚 Facebook 的最讚貼文
［比悲傷更悲傷的故事］（＊）—絶非抽水，睇見都傷心。但我又見到希望！你抽人地水或者同情人地嘅，「不如顧掂自己啦」。才華先係最好嘅安全網
原文：牧羊少年咖啡館 The Alchemist Cafe（https://fbook.cc/3F0l）。開到去屯門喎，大家可以支持下。
TLDR：金門大橋下面嘅水，真係好凍！（https://fbook.cc/3F0k）。Roy Raymond四球嘢賣咗Victoria Secret，兩年後公司值5億美金。Ronald Wayne當年沽咗10%蘋果，只係拎返800美金。連李澤楷都沽早咗騰訊啦，當年執10倍，之後反返1000倍。冇得事後咁睇嘅，否則好快痴線。
1. 唔好咁快抽水或下結論，值得細心諗下。當然假設成件事係真，係假嘅唔使討論
2. 故事好簡單，5年前，2015年8月尾，有位仁況沽晒啲騰訊700去求婚。佢買嗰時係2008（強！），買入價9.5，沽出去130蚊。我查過啲數字係啱嘅。同現價可比。騰訊14年拆股，佢寫時已經調整晒。
3. 賺14倍！勁唔勁？唔好話勁過好多散戶，真係勁過好多股神，勁過晒咩神級基金經理（固然基金好多時只能配置10%落一隻嘢—先天係幾低能的）。14倍喎！你有冇坐過一隻嘢升14倍？我就冇啦。仲要只係7年
4. 但講過啦，銀碼都緊要。你買場波贏14倍唔難，但你買得幾多？一萬？呢位仁兄，話買咗60手（！！！）。咁當年200股一手，即係買入成本11萬，沽嗰時156萬。淨賺大約150萬，嘩！
5. Happy ending, right?
6. Except five years later，騰訊升到五舊幾水！如果渣到今日，佢堆貨就值六球嘢。夠你呼丕一層樓。當然唔係太古城，但，pretty good．慳慳地你去台灣食過世都可能得。
7. 故事教訓？其實冇乜。有早知冇乞兒。係畀你思考下。
8. 我諗到嘅係，唔好成敗論英雄。佢執到14倍，已經勁到不能！你事後睇梗係話人地沽早咗啦，正如你睇波，事後個個都韓國女星全知賢（＊＊），梗係簡單。你唔諗下2018年騰訊點一沉百踩講到玩完咁滯。嗰啲位你點都沽啦
9. 亦係回返帶，好廢，但呢啲就係有錢人（當然佢一隻騰訊執一球嘢都唔係窮人）同我地嘅分別。呀主角可以坐14倍，已經勁到不能。但點解唔會坐到50倍？因為佢要結婚！係，李嘉誠都要結婚，但李嘉誠結婚唔使沽咗啲Zoom．（＊＊＊）
10. 再講白啲？就係因為我地常人會有「資金需要」，耐唔耐要套現。但股票多數都升，多數套現都後悔。上次講Zoom嘅故事提過（https://fbook.cc/3F0i），08年我因為借錢炒股票，當然低位打靶冇仇報。好啦，到2014年，我正式搞移民台灣。但要600萬台幣搞公司嘛，話多唔多話少唔少，而我未厚面皮到問我老母拎錢，當時亦冇諗過加按層樓。結果就係沽走啲股票咯。唔使講梗係之後幾年升返好多。但，有乜計？我唔係郭台銘嘛。
11. 真的，凡人，就算你冇借錢炒股（成功第一步），就算你心臟大（成功第二步），就算你上少啲網（除咗睇我啲文），你都總有啲資金需要。Next Station仔女留學。可能你係結婚買樓要首期（咁都係一個投資轉另一種，還好），可能你要搞移民，可能touch wood屋企人有病，或者自己有病。總有呢啲嘢令你要沽貨。
12. 解決方法？係冇嘅。下次投胎希望自己好彩啲。
13. 不過正面啲諗，其實主角好似未出嚟澄清。但我斷估，佢有強大嘅心臟，心理質素強。直接啲講，佢可以一隻嘢坐到咁耐贏14倍，可能之後佢都有其他投資可以執到好多。
14. 才華（包含好多嘢，當然包埋心理質素），先係最好嘅護身符，帶唔走。固然富者越富，但中六合彩然後破產嘅人都好多丫。你一千萬係中六合彩返嚟，定係由幾十萬投資碌返嚟，係有分別的！
15. 呢個亦係舊文講，「你個牙醫好有錢」，Alternative Path，Possible world嘅問題（https://fbook.cc/3F0j）。
16. 當然，傳統智慧講，賣仔莫摸頭，一摸眼淚流。沽咗嘅嘢唔好再望返幾錢。但我覺得係自欺欺人。你可能諗，佢唔寫封信5年後嚟提醒自己（同埋提老婆）咪好地地。但唔得的，而家資訊咁流通。
17. 我係好欣賞主角可以勇於面對呢件事。睇住股票放早咗，是十分痛苦的，痛苦過蝕錢。但無論如何，要為自己嘅決定負責，做trade log其實都好
18. 都係嗰句，主角既然可以坐到14倍嘅，真係堅揪。有能力嘅，使乜驚？踢波咁，都要講啲運，今屆唔得，下屆嚟過。
19. 但最諷刺嘅係：正係因為主角可以坐到14倍—「我懷疑佢唔係結婚的話應該可以坐到今日」。但，唏，金錢唔係人生唯一嘅東西嘛（雖則係好重要嘅東西），唔通因為咁而唔結婚咩！
20. 拿，送畀大家，張學友嘅《明日世界終結時》（https://ggle.io/3OZl）。「人在相戀時 原是最脆弱時候 無情亦無愛 也許更有利成就」。但唔通唔結婚咩。又，周治平係原唱，但張學友廣東版就比原唱嘅《那一場風花雪月的事》（https://ggle.io/3OZn）。每次唱都打冷震（加埋我啲國語更加冷震），台灣佬啲詞太文藝肉麻了。埃汾對版本係好執著的，對龍馬都係，對龍一都係。
21. 「當然事後睇，其實結婚唔使用成球嘢下話？」
22. 都認真的，你話係bias都好，但識唔少人，股票點都唔會沽晒。例如十手沽五手，或者沽八手，留返少少睇結局。呢啲應該係behavioral bias，但大家都係人，人就梗係有啲嘢。當年60手只沽一半，而家感覺就好唔同了。
23. 但都係強調返，才華先係帶唔走。可惜世界上多數人都冇乜，所以都係搵錢實際啲。舊文寫過，摘錄如下（https://bityl.co/3LTq）。埃汾啲文真係有教育意義，記得訂Patreon（https://bit.ly/31QmYj7）．因為我都冇乜才華。
24. 「才華是最好的安全網：對一般人來說，錢是最好的安全網。但對天才如貝索斯而言，才華才是最好的保障。支持同股不同權的留意：亞馬遜沒有同股不同權架構，而貝索斯持股不過16%——但公司走過高山低谷，仍然沒有人把他轟下台，背後原因當然是大家知道他是唯一靈魂人物。」
（＊）在台灣睇咗台版，擺明催淚之作，啲台妹喊到飛喱啡呢。本人都覺得幾慘情，都有眼濕濕。但我內在嘅仙力都係忍唔住覺得—十六歲開始同陳意涵訓埋一齊咁多年你都唔搞佢，真係絶症死都冇人可憐，上天堂落地獄上帝/閻羅王都話你嘥料呀！又，個編劇應該好憎牙醫。
（＊＊）其實係全智賢
（＊＊＊）呢度講個故事，當年我仲在耆英證券，好似係隻富士康定乜鬼，有一排股價跌。跟嘅係個比較新嘅女分析員，咁啲sales早會問下點解，個女同事話「好似呢排聽話郭台銘結婚，可能有資金需要」。結果真係畀個sales指住嚟笑（不太惡意，亦係教精佢，但都係指住笑）：郭台銘結婚要沽股票？諗真啲都係。後來個女同事亦相當富貴就後話。
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7
——————————
［收費短片第八擊］美國總統大選買股部署
課程資訊:https://homebloggerhk.com/course_detail/?code=CC008
到上link會見到紅色按扭直接購買及觀看
題目:「美國總統大選買股部署」 /cc008
內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）
本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145
李澤楷結婚 在 果籽 Youtube 的最佳貼文
娶着個港女 — 女義工戀印度男拖手都怕醜 「阿媽曾要脅結婚就唔認我」
「第一次見他的時候，真的很討厭他。感覺他的眼神帶點不屑，又不理睬別人，很傲慢。」符菁華（Kirsten）哈哈大笑地說，她的丈夫Melville Pradhan則在旁靦腆微笑。他們很不一樣：一個是香港人，爽快活潑；一個是在印度土生土長的尼泊爾裔人，溫文儒雅。迥異的人走在一起，最初惹來家人反對，但他們證明了，兩人在一起，需要的……就只有愛而已。
來港兩年，Melville不諱言要適應香港生活很不容易，「直到現在我還會想，這個決定是我真正想要的，還是一時衝動？」在印度，他有碩士學位，曾在大企業工作，是不可多得的人才，來到香港卻找不到工作；在印度，他有許多同聲同氣的家人朋友，生活寫意，隨時可以約人聚會開派對，面對香港人卻有種難以克服的距離感。更重要的是，孝順的他時常掛念遠在印度的母親。身為妻子，Kirsten也察覺到Melville的不安，「他過來香港，其實我有一點不快樂，就是他媽媽沒有人照顧。他不會說甚麼，但我知道他晚上有時會偷偷落淚。」說到這裏，流淚的反而是Kirsten，丈夫為自己做的，她卻做不到。Melville見狀立即握緊Kirsten的手，並安慰說：「香港與印度的距離不是很遠，我們可以經常回去探望媽媽。她可以抱抱孫仔了，對此很期待呢！」
果籽 ：https://hk.adai.ly/appleseed
相關影片:
【香港職人】手袋神醫甩皮甩骨都救翻生 改短皮帶收$700：世上無嘢整唔到！ (果籽 Apple daily) (https://youtu.be/JlYWNeg5Vxw)
【採耳師】25歲港女採耳師棄教職赴台灣讀採耳課程 記者實試：「第一次清晒耳屎的感覺，好爽」 (果籽 Apple Daily) (https://youtu.be/8uvIzhfy3hI)
【重案解密】前G4長七洪立明任李澤楷「小小超」保鑣逾十年 暗戰張子強 ：隨時冇命收工 (壹週刊 Next) (https://youtu.be/tBNL8NP5-H4)
【6億身家奉獻徐濠縈】Eason停工侍妻女 幫阿徐抹鼻做跑腿 疫市賺少半億（壹週刊 Next）(https://youtu.be/EYsm9v8VSvc)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Appledaily) (https://youtu.be/svAF8pKszw0)
【深水埗兩餸飯】59歲大叔賣$32兩餸飯 月派100份送長者 由台灣派到香港：受過港人恩惠想回饋 (飲食男女 Appledaily) (https://youtu.be/kyvNU86ntio)
【再現幕前零走樣】鄧上文生3個囝囝未夠數 計劃領養變六口之家 (蘋果日報 Appledaily) (https://youtu.be/umTq9XNR6sA)
【頭條動新聞】Ep.4 林鄭月娥一個星期被放棄兩次有咩感受 (蘋果日報 Appledaily) (https://youtu.be/TulvTCk2ZQ4)
#果籽 #港女 #印度 #尼泊爾 #StayHome #WithMe #跟我一樣 #宅在家
李澤楷結婚 在 果籽 Youtube 的最佳貼文
「我最大食的紀錄分別是900小碗的蕎麥麵、140根香蕉、300件壽司。」萌梓（もえのあずき）從容地說出這幾個誇張的數字。萌梓總掛着一副甜美的笑容，個子嬌滴滴，身形窈窕，沒有絲毫大食的迹象。她除了是一位偶像歌手和演員之外，同時也是一位職業大胃王，贏過多場大胃王比賽，比賽紀錄包括4公斤煎蛋飯、192隻烤蝦、35碟蛋包飯、30碟炒通菜以及5公斤結婚蛋糕，食量是正常人的30倍。
《果籽》栽種品味，一籽了然。
http://as.appledaily.com/
相關影片:
【香港職人】手袋神醫甩皮甩骨都救翻生 改短皮帶收$700：世上無嘢整唔到！ (果籽 Apple daily) (https://youtu.be/JlYWNeg5Vxw)
【採耳師】25歲港女採耳師棄教職赴台灣讀採耳課程 記者實試：「第一次清晒耳屎的感覺，好爽」 (果籽 Apple Daily) (https://youtu.be/8uvIzhfy3hI)
【重案解密】前G4長七洪立明任李澤楷「小小超」保鑣逾十年 暗戰張子強 ：隨時冇命收工 (壹週刊 Next) (https://youtu.be/tBNL8NP5-H4)
【6億身家奉獻徐濠縈】Eason停工侍妻女 幫阿徐抹鼻做跑腿 疫市賺少半億（壹週刊 Next）(https://youtu.be/EYsm9v8VSvc)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Appledaily) (https://youtu.be/svAF8pKszw0)
【深水埗兩餸飯】59歲大叔賣$32兩餸飯 月派100份送長者 由台灣派到香港：受過港人恩惠想回饋 (https://youtu.be/kyvNU86ntio)
【無懼打壓】 全城搶《蘋果》 (蘋果日報 Appledaily) (https://youtu.be/MAIMBRO-gMQ)
【頭條動新聞】 Ep.2 (蘋果日報 Appledaily) (https://youtu.be/KLRkTiWHrTY)
#日本大胃王 #食極唔肥之謎 #果籽 #StayHome #WithMe #跟我一樣 #宅在家
李澤楷結婚 在 錄低香港 DocHK Youtube 的最佳解答
思浩大談郭嘉文飛上枝頭變鳳凰，江嘉敏鄺潔楹泊碼頭，變Tvb新勢力姐妹團！(大家真瘋Show 2020)
女人命水好，條路注定比人易行。2015年港姐季軍郭嘉文（Karmen），入行後只獲大台安排主持《東張西望》，誰知時來運到獲李澤楷「賜封」做楷女郎，從此生活無憂不用在大台捱騾仔，年紀輕輕的她，已手揸過億九龍塘逸瓏天池屋。
雖然飛上枝頭，但郭嘉文未有因成為楷女郎，而疏遠昔日友好，她與同屆的「友誼小姐」、大台處境劇飾演Bonnie的林凱恩，至今仍經常見面，友誼keep足5年。周三（19日）郭嘉文趁着林凱恩28歲生日，相約對方到文華酒店嘆afternoon tea兼慶祝生日，《蘋果》讀者劉小姐透過「爆相爆片」，分享二人在餐廳嘆tea的照片。劉小姐說：「佢哋一坐低已經雞啄唔斷傾偈，郭嘉文斯文啲，講嘢陰聲細氣，相反林凱恩講得幾大聲，聽到佢呻呢排疫情關係，搞到好耐冇做facial，佢間中又遞個電話畀郭嘉文睇。睇得出佢哋感情好好。」其間，讀者又聽到郭嘉文向林凱恩透露最近在市場上投資了2,000幾萬，但由於二人之後越講越細聲，究竟郭嘉文是投資物業還是其他，讀者則未有聽到。
相關影片:
1. 思浩大談曾華倩55歲生日，社交平台搵愛情兼搲撈！娛樂圈肯拎電話簿賣人情就得！(大家真瘋Show 2020) (https://www.youtube.com/watch?v=SbNAE44w27M)
2. 思浩大談夫妻結婚 57年堅持AA制，離婚分錢鬧上法庭！八旬老翁：最大心願就係離婚！(大家真瘋Show 2020) (https://www.youtube.com/watch?v=lYP8A0bXwcw)
3. 思浩大談天王嫂訓練營專人指導，幕後安排郭富城潘瑋柏！林俊傑原來最多人Mark！(大家真瘋Show 2020) (https://www.youtube.com/watch?v=tomY1u94Byo)
#大家真瘋Show #2020 #郭嘉文 #StayHome #WithMe #跟我一樣 #宅在家
李澤楷結婚 在 火燎森 的推薦與評價
李澤楷新歡林宣妤高調曬婚戒，官宣和李澤楷結婚日期，郭嘉文危機來了將被取而代之， · Join. or. Log In. May be an image of 2 people, people standing and indoor. ... <看更多>