關於 波仔飯盒價錢 ，我們在網路上蒐集到這些相關的討論、資訊與評價

《懶人方便晚餐😻一盒搞掂》
之前夜晚冇得堂食，慣咗入返啲冷藏食物喺屋企🏡。
.
雖然佢唔會話特別好味道好突出，不過每盒份量都好足夠而且$25-30就買到盒飯🍱，性價比相當高🤩，又夠晒方便。波仔的確喺一個偷懶唔煮飯嘅選擇🙌🏻。
.
📍清湯牛腩（$42）
成包擺落熱水煲熱就食得，真係好方便👍🏻。分量唔算多，個湯就咁飲都幾清甜😻。牛腩口感好腍，不過食落就略為淡味左啲🐂。
.
📍日式咖喱豬扒飯（$30）
Pork Cutlet Curry With Rice
日式咖喱汁唔辣🔥🍛，但冇咖喱香，唔多覺自己食緊咖喱飯🤯。配料有蘿蔔、薯仔🥔同洋蔥🧅。豬扒肉質軟腍🐷，用來配飯剛好👅，味道唔突出下次可以試另一款。
.
📍椰汁咖喱雞飯（$27）
Curry Chicken In Coconut Milk With Rice
呢款咖喱加咗椰汁所以甜甜地🥥，味道比日式咖喱豬扒飯好，老少咸宜😎，適合唔食辣嘅朋友。雞肉不過不失🐓，飯量足夠🍚。
.
📍鮮茄豬扒蛋炒飯（$25）
Pork Chop In Tomato Sauce With Fried Rice
鮮茄汁略為唔夠酸🍅，配炒飯底，豬扒表面唔係脆卜卜🙈，不過都算有一定厚度👍🏻，口感唔差，有種返到中、小學食飯盒嘅感覺🤗。 $25蚊抵食到不得了🙌🏻！
.
📍雞串燒3串（$22）
Chicken Satay
將雞串放入焗爐焗幾分鐘就食得😍，肉質軟綿👍🏻，沙嗲味十足🤤，非常惹味，而且價錢合理，喺個唔錯嘅小點心🍴。
.
📍豚肉粟米鮮菜魚餃子（$19）
Pork Dumpling with Corn & Vegetable
幫手除咗有飯俠其實而家仲有好多唔同嘅小食，買定啲冷藏食物返屋企真係啱晒。
.
📍挪威三文魚（ $30 ）
估唔到原來波仔都有煙三文魚賣🐟，呢個價錢有咁嘅份量其實都好抵食，喺超市買平啲，下次都可以考慮再回購😆。
.
波仔 (將軍澳)
將軍澳港鐵調景嶺站TIK3號舖
.
#草根食在調景嶺
. @ 波仔

《唔洗開火有飯食🤟🏻😎》
每晚喺屋企煮，有時都已經煮都唔知煮乜好😫
有日偷咗懶去波仔買番屋企食🤭
對草根嚟講波仔嘅印象仲喺停留係中學食外賣返盒嘅年代，畢業之後都好似再冇食過
原來除咗飯盒，佢仲提供小菜系列
呢日試咗#麻辣雞煲、#水煮牛肉、叮叮通菜配馬拉盞醬再加個白飯
.
🐃水煮牛肉好麻但小辣🌶，應該好多人都接受到，麻得嚟好過癮，牛肉片都唔算少又唔會好嚡。
.
🐔麻辣雞煲就唔夠麻味，辣味都好行微，唔食辣嘅都食到佢。不過以味道嚟講真係幾好食😋，醬汁夠濃郁，裏面6件雞翼同雞鎚，食落啖啖肉而且好嫰滑🐓！
.
為咗扮健康啲做叫咗個（$13）叮叮通菜，佢另外包咗馬拉盞醬
.
兩個餸都比我哋想像中好食👍🏻，而且好方便，就咁叮熱佢或者成個包裝揼落熱水度煮20分鐘就食得😎🤟🏻。$39一個價錢都好合理，+$6/$8可以加配白飯/紅米飯🍚，連飯都唔使煮，唔想開火嗰日都可以買返個小菜食吓。
.
Ps.:不過留意番，$39 嘅優惠價錢做到31/8炸
.

波仔 (將軍澳)
將軍澳港鐵調景嶺站TIK3號舖
.
#草根食在調景嶺
.
@eateast.hk
#波仔 #午餐 #晚餐 #叮叮飯 #叮叮菜 #叮叮#香港製造 #香港 #hk #hongkong#spicy #辣#homemade #homecook#chickenwings #自家製 #調景嶺 #飯盒 #住家飯 #住家餸 #healthy #vegetables #home #cook #stayhome #wfh #wfhstyle
@ 波仔 Eat East

［如何利用外賣平台漏洞賺錢］其實唔難，你自己開餐廳就得

1. 呢篇可以講係the best thing I read 呢幾個月！必睇。原文呢度：（https://bit.ly/3fYRYUp）

2. TL；DR嘅（＊）：有條友發現送外賣平台有漏洞，不停訂Pizza，坐定定數錢。仲寫文恥笑對方。

3. 首先，其實我唔係好知咁利用漏洞搵錢，「道唔道德」（＊＊）。但講返正題，話說篇文嘅作者，有個朋友，開Pizza舖．呢位朋友從來都唔送外賣，只做堂食同自取（記住呢點！），因為想專心做好堂食，怕煩，同埋唔想同Domin’s之類嘅巨頭競爭。

4. 但結果，佢發現有人投訴佢餐廳送嘅外賣。凍晒啦，送錯嘢啦，之類。但佢明明冇送外賣！

5. 咩回事？咁當然係有人「幫佢」送外賣。咩人？就係外賣平台，今次嘅主角，Door Dash．

6. 咪住先！明明間餐廳話冇送外賣喎！個朋友完全冇聽過Door Dash，亦冇同佢地傾過簽過任何合作。

7. 呢個就係Door Dash搞笑/仆街/痴線嘅地方啦！佢送外賣，係唔使你同意的！甚至餐廳係唔知情（例如呢個故事）！但被列咗上去名單！

8. 咁都得？實際上，就係你上網去叫外賣，Door Dash就會幫你去買，然後送去你門口！理論上，好似冇話唔得？我去大家樂買個飯盒，我可以再賣畀人啫，你大家樂理得我丫！我買咗就係我嘅。好似唔犯法？

9. 當然，Door Dash就製造問題啦。佢地冇UBEREAT（定Deliveroo？）果種保溫袋（汾按：咁都好意思出嚟做生意）。送到去凍晒啦，啲客會媽叉，仲會上網寫衰間餐廳，而間餐廳嘅員工就成日收到電話，不停要解釋。

10. 但仲有一個更大嘅問題：價錢。

11. 頭先講，你其實可以點人落去幫你買外賣，例如大家樂唔送，你又唔想落街嘅。你咪畀一舊水叫秘書，買四十蚊飯盒，有剩嘅佢袋。只要你夠有錢秘書又夠窮，可行的。

12. 但Door Dash嘅「創意」係：個Pizza明明24蚊，但佢只收個客16蚊！

13. 咁你計下條數，知道玩乜了，有冇令你諗起邊啲公司呢？就係個客畀16蚊，但Door Dash真係走去用24蚊去餐廳買。嗰8蚊？Door Dash自己貼出嚟。仲有佢嘅步兵車手之類。另外留意，因為佢根本冇直接同餐廳合作，甚至餐廳唔知情或反對，所以佢地冇其他收入—不過個步兵／車手就有貼士嘅

14. 咁撚戇鳩都得？得，其實你睇清啲，好多咩Start up 都係咁玩法。燒錢爭市場份額嘛，然後cap水講故事：拿就快我就一統天下，啲消費者又慣晒，到時我加價佢地就任我搶，哈哈哈。（但作者亦都不排除，似乎係Door Dash打錯價錢，因為佢只係偷餐廳個餐單，唔會同餐廳對數，嘻）

15. 然後，做金融，邪惡嘅作者就諗到絶世發財好橋：頂你，咁我餐廳，自己叫返自己嘅Pizza咪得咯！我定價24蚊賣出街嘅嘢，自己16蚊買得返喎！減返成本，咪有賺咯！

16. 實務上，就只係需要自己柯打自己啲Pizza，畀16蚊出去，然後你就會收到24蚊！減埋啲成本，都仲有賺少少！同埋仲有免費餐！可以分畀員工或者自己食。

17. 餐廳朋友覺得，冇咁著數嘅，人地Door Dash矽谷奇才喎，70億美金估值喎！點會咁Q低能呀。但金融作者真係醒，知道呢個世界沒有最鳩只有更鳩，覺得試下冇壞，同埋佢好清楚，Door Dash燒嘅係人地嘅錢（一年前先籌咗四億美金），又唔係班友自己入肉，有乜所謂。

18. 第一次，試住十個先。得咗！用另一朋友地址電話，落完單，真係有條傻仔嚟畀錢然後送去。一個淨執8蚊美金（同埋另一朋友有免費晚飯）。好啦，但其實有成本的。整pizza要錢嘛，7蚊美金成本一個。減埋之後，一個先凈執1蚊美金（同埋另一朋友有免費晚飯）。咁其實唔多化算，時間都係錢嘛。

19. 但金融作者話，至少證明係work嘅。看官，睇到呢度，你會點玩？

20. 正常人玩法，咪整幾百個，幾千個，用多啲地址！金融作者話分分鐘呢個業務大過開餐廳本業

21. 但金融作者更加邪惡，佢諗到條絶招：我整個齋餅底pizza咪得！乜料都冇，得麵粉！近乎零成本！反正個客係自己之嘛！唔會投訴（汾按：其實我覺得佢可以塞份報紙入去，仲平，但前題係外賣仔唔會打開偷食或加料）

22. 故事大約去到呢度，作者當然冇不停咁玩，但都玩咗幾次，完全冇畀人發現

22.5 Bloomberg 嘅 Matt Levine （https://bloom.bg/3cSk41K）仲絶，話不如幾間餐廳，猜波咁玩，你買佢　佢買我　我買返你咁三角短傳。然後直頭收買埋個司機：叫佢唔使送啦，畀幾舊水佢去叫雞算。

23. 佢其實作者想講：Door Dash成個 business model都戇居的！佢甚至認為，成個送外賣平台行業都係都戇居的！根本就人人都燒錢。What For？呢啲就多得之前幾年，錢多人傻，個個信孫正義式UBER式嘅燒錢搶市場份額。以為有一日一統天下消費者習以為常你就可以提價。

24. 作者話，如果資本主義係追求利潤，咁呢堆咁嘅「生意」真係發神經。平台蝕錢，餐廳就覺得被擺上枱仲帶嚟一堆麻煩，客就食到媽媽聲，步兵車手就被剝削（有冇睇Sorry We Missed You？你估個個係林保怡開UBER然後返屋企搞周家怡咩。至少林保怡冇去送牛脷酥然後返去搞）。What For？

25. 我地睇睇，Grubhub　急恰，一季3.6億生意，蝕緊3000萬。Door Dash仲勁，9億生意，蝕4億半。UBEREAT，號稱係UBER 最賺錢嘅部份（請恥笑）：7億幾生意，蝕4億6。

26. 送外賣係咪冇得做？當然唔係。記唔記得最初講，點解呢間餐廳唔做送外賣？就係唔想同Domino’s Pizza 爭。Domino’s Pizza做得極成功：公司同Google 同一年IPO，而股價表現係遠勝Google，死未？有機會寫多篇。

27. 作者就認為，似乎第三方外賣平台根本唔work，至少而家呢啲方法一定錯，但佢地並唔係檢討執笠再進化，而係不停有人燒錢玩落去，絶非任何人之福

28. 不過，最後一講，第三方外賣平台，係咪一定唔得呢？至少，在中國好似得。就係美團（3690）。吾友高天佑寫過文（https://bit.ly/3cPm3Uu），非常精彩。可能真係中國國情不同。

29. 至於Doordash，呢種收客18蚊自己畀24蚊去餐廳買仲貼埋車手步兵嘅玩法。其實等於一間之前我成日提嘅公司：Movie Pass．完全係挑戰大家常識。Movie Pass 靜俏俏地執咗了。

30. 想睇我第一次寫Movie Pass，呢度（https://bit.ly/2zRrlA2）。最近一次，兼且有齊七篇嘅link，呢度（https://bit.ly/3bIPNRn）

31. 應該會寫第八篇，最後一篇。因為爆煲了。

（＊）我發現呢類TL；DR對高收視幾有幫助。高天佑兄寫文亦都必然第一段係sum up，最尾一段再sum 多次。典型嘅Say what you are going to say.—＞say it—＞then say what you have just said。正宗訓練。但明顯我以前係唔行呢套炮二平五式開局的。我鍾意一開波拎住個波走去自己龍門（有冇人睇「足球小旅風」？）

（＊＊）呢個問題有啲深，即係等於啲人利用里數回賺啲漏洞咁（都填得七七八八，怪就怪香港人鍾意周圍唱，一黃咗咪冇戲唱），係咪「唔道德」？定係「你公司自己柒關人乜事」？都好睇你係邊個，對家係邊個。另外，有啲情況有例可尋，例如網購標錯價，一萬蚊電腦標咗一蚊，或者餐牌印錯價錢咁。當然，仲有一般行規。例如我做銀行時，interbank交易，咁就算你真係打字/講錯咗，對家冇可能屈你用77.85（而唔係7.785）食幾億美金嘅，有錄音有打字為證都係咁話。

———————
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

｜單車阿伯日踩11小時一車送90個飯盒 跑馬地雞蛋檔老闆5米高移動發泡膠塔 80歲伯伯去公園操肌後生鬼仔挑機都輸
"元朗有一間茶記叫波記，開了近30年，主力賣38元包湯及飲品的快餐。由於價錢平，外賣生意極多，差不多是全個元朗區接外賣生意最多的茶記。而由於外賣多，所以店內請了4個全職、2個兼職外賣單車手，差不多整個元朗區都送。「這班車手，我叫他們『靚仔』或者『0靚仔』，每個都很踩得。以前好難請人，如今有人來做我便請了，我們直接自己聽電話，直接自己送，你說是否快過外賣公司？」老闆娘陳小姐說。6個車手中有2個是高手，其中一個是店內年紀最大的東叔，日踩11小時，每日走至少40轉，耐力最強；而另一個就是阿開，今年55歲，雖然體重只有約100磅，但每次外賣的數量不但最多，而且速度最快。每次送外賣，他們的烈火戰車都像「掛燈籠」般，掛起一袋二袋的外賣膠袋。
https://hk.appledaily.com/lifestyle/20200520/Q3L6B4H6TYUQXMKGPKSRF5WFME/

正所謂 「大隱隱於市」，高手，總是隱藏在我們身邊。
每日下午四點，跑馬地集祥街的斜坡，總有突然長出五六米高，高過二樓伸出的招牌，搖搖欲墜的發泡膠箱塔，幾秒後「呀」一聲倒塌，幾分鐘後，又長出來無限Loop。
「有咩咁巴閉，你哋要嚟影我呢？呢度太多人識我喇！啲人當我係傻嘅就有。」
「平衡力而已，膠箱嚟，一啲都唔重，冇技術，個個都做到。」
「我無聊，自娛㗎咋！」但口罩下的腰果眼加魚尾紋，看出他鬆毛鬆翼的心理狀態。
徐先生（56歲）在跑馬地長大，街坊都叫他「蛋哥」。蛋哥說自己都是打工的，每日四點多就幫菜檔搬發泡膠箱到幾十米外，斜坡下的垃圾房回收，但街坊「篤爆」他說，他是隔籬雞蛋檔老闆。蛋哥自小就跟爸爸在跑馬地街市賣雞蛋，以前集祥街是一個街市，後來社區整修，幾個攤販夾份搬入地舖經營，變了「大興食品公司」，裏面有菜檔花檔豆腐檔雜貨舖同雞蛋檔，恰如民間小街市。
https://hk.appledaily.com/lifestyle/20200430/XQJ2LXI64HOJLZAAKDXB6JO5YQ/

在西環卑路乍彎公園，每朝都聚集了一大群長者晨運，他們大部份都只是玩玩園內的健體設施，或隨意揈揈手腳，志在鬆鬆筋骨，與老友記吹吹水，打發時間。但在公園的角落，卻有一個頭髮斑白、下巴蓄有一大把白鬍鬚、穿着白色短袖底衫的老伯，在馬騮架上起勁地做引體上升，做完十多下，又爬到雙槓上做掌上壓。他做完一連串高難度兼姿勢標準的動作，沒有谷到面紅，只有少少索氣。誰又估得到這個老而彌堅的老伯，原來已屆80歲高齡！
https://hk.appledaily.com/lifestyle/20190402/7BYTKIMJG3I4KVX3AQEP4RXDC4/ "

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#單車 #跑馬地 #雞蛋 #西環 #街市
#果籽 #StayHome #WithMe #跟我一樣 #宅在家

元朗有一間茶記叫波記，開了近30年，主力賣38元包湯及飲品的快餐。由於價錢平，外賣生意極多，差不多是全個元朗區接外賣生意最多的茶記。而由於外賣多，所以店內請了4個全職、2個兼職外賣單車手，差不多整個元朗區都送。「這班車手，我叫他們『靚仔』或者『0靚仔』，每個都很踩得。以前好難請人，如今有人來做我便請了，我們直接自己聽電話，直接自己送，你說是否快過外賣公司？」

=========　
全新副刊，推動知識文化多元。培養品味，立足香港放眼世界。不畏高牆，我們站在雞蛋一方。
《果籽》　栽種品味，一籽了然。
https://hk.appledaily.com/realtime/lifestyle/

香港出現過唔少連鎖餐廳、酒樓或快餐店，陪伴著唔少人度過愉快時光。幾十年來，各式各樣嘅快餐店陪住香港人成長。有啲仍然風光，有啲只能回味。你腦海閃起嘅有冇哈迪斯、陽光一代同出奇老鼠？香港飲食業一直競爭激烈，好多都風光一時。選出呢十大，你哋又食過未？ Text: Wong Ki

10) 烤雞大王
喺KFC未壟斷快餐雞市場嘅80、90年代，香港出現本土專攻食雞嘅快餐店－烤雞大王，分店多數位於日資百貨公司food court。戴上膠手套手撕全隻燒雞，配埋粟米真係非常美味，令到另一同業大家樂出「燒春雞」系列打對台，可見點樣風靡一時，可惜只得一時。港產片《最佳損友》，劉華同陳百祥等人食雞食到津津有味，就係喺烤雞大王取景。

9) 農場餐廳
農家意粉前身就係農場餐廳。農場餐廳係香港90年代興起嘅連鎖餐廳，主打簡樸西餐，以抵食、真材實料見稱，高峰時全港分店近50間，只可惜老闆陳興濤喺97年金融風暴破產，全線執笠。2000年代尾東山再起，開「農家意粉」，有分店，結果蝕成千萬，今年年初最後一家都執埋。

8) 金龍船
2000年左右狂擴充餅店同酒樓，應該係為咗上市。賣嘅點心同西餅好靚，價錢當然亦有份量，又賣過廣告，主角係蕭正楠。2003年受沙士影響，生意差，最終捱唔住全線結業。

7) 東東雲吞麵
相信好多人大多透過電視廣告認識呢家粉麵連鎖店，「東東麵，非常麵」，又唱歌又急口令，宣傳包裝真係一流，八十年代時期，東東雲吞麵快餐店業務發展蓬勃，可惜食物品質參差不穩，選擇不多，00年後陸續結業。現在喺超市間中見到東東急凍雲吞同水餃。

6) Wendy's
90年代香港出現好多美式連鎖快餐，除咗Hardee's仲有Wendy's，俾香港人多個選擇。Wendy's是第三大漢堡包快餐連鎖店，80年代以「得意妹」為名登陸香港，惜三年後敗走。91年以「雲狄斯」之名再進軍香港，高峯期擁有11間分店，可惜宣傳策略始終不及麥當勞，未受小朋友歡迎，06年撤出香港。

5) 陽光一代
當年在玻璃櫥窗前看着師傅轉動手上的薄餅，是80後小學生每天放學後最愛的節目。最記得當時其中一間舖喺沙田新城市廣場，現在近GAP服裝店果個位置，門面有塊大櫥窗睇到師傅轉Pizza，成為當時小朋友一大娛樂。屬於香港公司嘅陽光一代，由開餐廳轉型其他界別求存，例如中小學飯盒，仲有「波仔飯」，越做越大。

4) 馬里奧餐廳
專攻意大利口味食品嘅香港連鎖餐廳，裡面有咩食冇咩印象，但最記得係首電視廣告歌，有個疑似著名意大利男高音盧奇亞諾·巴伐洛堤唱歌介紹餐廳嘢食，之後有個細路大叫Mamma Mia。仲有《國產凌凌漆》銅鑼灣皇室堡槍戰一幕背後嘅餐廳門面。呢間屬於大快活集團嘅餐廳，似乎不敵同業Pizza Hut，最終逃唔過易手倒閉命運。

3) 雅香園
70年代的香港人，對24小時營業的雅香園不會感到陌生。
對呢間港式快餐店有印象嘅多數都係70後。專賣中式粉麵，80年代風行一時，希望可以殺出條中式快餐血路，當時仲推出24小時營業，創了香港飲食先河，聽前輩說，餐廳不衛生，係執笠其中一個原因。
P.S. 雅香園曾賣過電視廣告，主角係Beyond黃家強

2) 出奇老鼠
呢家80年代風行嘅美資連鎖餐廳好多人都記得，食Pizza又有室內遊樂場，咁樣crossover法真係好獨特，亦令小朋友樂而忘返，但最終都撤資返去美國，歡樂天地取而代之。

1) 哈迪斯
美國連鎖式快餐，90年代進軍香港。80後對於哈迪斯有深厚感情，除了炸薯圈，蘑菇飯最深入民心，可惜不敵肯德基及麥當勞，最終 2006年全線結業，原因係租金同經營權嘅問題。事實止Hardee's風光時期香港、台灣、新加坡、日本等都有分店，而家縮到只可以喺美國及中東地區先食到。

Source of clips:
香港九十年代廣告 ＊ 美心快餐
https://youtu.be/FvwT0a05pDk
[經典廣告] 1990年 - Fairwood 大快活 (大快活早餐 朝朝咁滿意)
https://youtu.be/IO8kU11PU6w
[香港經典廣告](1995)肯德基 KFC 巴辣雞漢堡
https://youtu.be/ljKMygZ2Lus
[經典廣告] 1984年 - Cafe de Coral 大家樂 (為你做足一百分) (張艾嘉)
https://youtu.be/7kv-H09lGPU
[經典廣告] 1987年 - 麥當勞餐廳 (點點滋味餐)
https://youtu.be/YHngo81X2xc

References:
香港十大 十大消失連鎖食店
RoadShow 路訊網
http://www.roadshow.hk/hk-top-10/living/item/21578.html

香港經典電視廣告歌，你記得幾多？Hong Kong Classic Ads Song Medley 香港經典電視廣告歌Medley串燒:
http://youtu.be/QicfiPyKFR0

Help us caption & translate this video!

http://amara.org/v/W8ms/