關於 海洋公園水上樂園毛巾 ，我們在網路上蒐集到這些相關的討論、資訊與評價

【水上樂園攻略】

細細個最鍾意去水上樂園玩，關閉22年後終於重開啦～但我已經由細細個變咗人哋阿媽啦！😍

上星期五因為要打高爾夫比賽所以無去，榮少就已率先同朋友試玩咗話好好玩！ 今日到我同朋友支持「公益金水上樂園慈善日」，個仔返學我自己去玩！🤪

得三個小時，結果做定功課搵三個最刺激嘅ride嚟玩。我哋第一個去「急流漩渦」！佢同「神秘迷沖」排同一條隊，排咗35分鐘。「急」比「迷」更刺激所以多人排好多！最多四個人一個水泡，係個大漩渦之後沖你入去管道，非常刺激，必玩之選。

第二個玩「沖天瀑布」，條隊好快5分鐘就玩到。可以6個人一齊玩，經過管道後會直落個露天大U型，好有離心力。👍🏻

第三個排「深谷飛爆」，其實佢同另外兩個「極速迴環」同「勇者之嶺」都係同一條隊。兩條橙色係90°直落滑梯好大離心力，一個自己落；一個入個太空倉落。另外黃色嘅「極速迴環」都係太空倉落，但會轉兩個大圈先落相對橙色兩條嘅離心力冇咁大無噉驚。😬

時間有限，仲有好多都玩唔到，應承榮少再嚟同佢玩！☺️

幾個Tips比大家：

1）佢哋要求排隊時要戴口罩，選擇布口罩會比較方便。亦請自備毛巾！

2）很多遊戲不可以帶袋、眼鏡和帽子一起玩，只可攜帶一個小型防水袋放電話。園內發售那個防水袋超級唔好用最好自行帶備。拖鞋可以跟身拿著一起玩遊戲！

3）建議預先網上預訂停車場同儲物櫃，否則租儲物櫃也排長龍。

4）泳衣背後不要有金屬扣，否則職員有權拒絕你使用遊戲。

5）水上樂園入口在深灣遊艇會直入（即以前海洋公園後門位置），請大家不要再走去海洋公園正門進入！

睇吓下次撞唔撞到你！😍😎

#水上樂園 #朱庭萱 #waterworldhk

🌊 #海洋公園水上樂園🌈
細個👨🏻👩🏻父母帶過我去幾次
依家到我帶兩個囡👧🏻👧🏻去啦😝
新嘅水上樂園設施新左多左，有室內室外
☀️真係好好玩🤩一家大小都好啱玩🥳
唔識游水都玩到🥳水深一般0.5M-1.1M左右大人企係道都無問題👍🏻
玩到唔捨得走😂🏄🏻‍♀️🩱🌊
由四點半玩到十點半，都未玩唔夠😂
由日玩到夜真的好癲！🥳一次玩唔夠要再去玩多次🤩✨💓

🌈 #八彩天梯 ✨只要你夠大膽1.1m以上就玩到啦！✨Vicki 7歲都玩左四次啦！

👯‍♂️ #急轉雙子梯 #旋風雙子梯 💛💙兩個人前後玩
啱哂小朋友同父母玩，刺激度較低1.2m以上玩到✨第一次玩水上遊戲小朋友都啱

💠 #急流旋渦 🌪📣刺激d 兩至四個人玩
有一條大型漏斗刺激d📣1.2m以上都玩到，又玩左三次😝
另一條 #神秘迷沖 就無咁刺激嘅巨型管道，坐住大水泡玩

高難度挑戰
一定係85度垂直滑梯 #勇者之癲
都係1.2M以上玩，重點只要你夠大膽就得啦！🤩
#沖天瀑布 就3至6人坐大水泡衝落嚟
刺激感都好正，都係1.2M就玩到
🌊 #衝浪先鋒 🏄🏄‍♀️就係俾大家衝浪體驗1.2M就玩到🤩💓大人同小朋友都好鍾意玩

😍快啲嚟挑戰啦🤩
🎊9.21開幕啦 🎉Are you ready❓
👨‍👩‍👧‍👧絕對係親子活動好去處💕大人玩刺激嘅🤩
👨🏻👩🏻 ✨ #親子設施 ✨👧🏻👦🏻
細小朋友有🦭 #威威水世界 🎪玩水💦玩公園
有長短水滑梯水槍玩
💠#激流旅程 💠室外飄流小朋友穿住救生衣🦺浮浮下，大人企係道陪玩 只係1.1水深
#漂流探秘 就係室內長740米
可以坐住雙人/單人大水泡🎈舒舒服服玩嘅😌
#天浪灣 半透明天幕係人造浪區 🌊
造浪高度0.3M至1.6M高
#湧浪灣 🌊就係室外人造浪區

💓溫馨提示💓
要用布口罩😷玩時可以除
最好着長袖泳衣，因為玩嘅時間比較耐。
小朋友咁就冇咁凍親
最好着水陸兩用鞋，最方便
因為場地都比較大，人字拖嗰啲拖鞋就玩滑梯嘅時候要穿上手
同埋唔可以帶水槍、水泡、救生衣嫁🥳
場內有小朋友大人救生衣及水泡提供💓

最好用電話防水袋，例如裝電話、credit card、八達通那種，會最常用到。
亦可以用 GoPro 之類的運動相機拍攝，
但必須可緊繫於手腕；
不可使用手柄或自拍棍；
不可以攜帶相機 ❌📸❌

😷 口罩除了在水中不用配戴外，任何時間都要戴。請準備可重複使用嘅口罩，例如 布口罩、日本 PITA 口罩或運動口罩。
玩遊戲時帶在手道

🥰個人建議玩嘅時間長最好穿長袖泳衣同褲，小朋友唔好咁易凍親同埋方便啲玩！
怕凍就帶埋毛巾更好啦

🔒 Locker問題💓
放袋Locker係更衣室🥳輕便以主🥰
個人全日$120 家庭全日$200
家庭尺寸大約兩個大人背囊咁，
我一家四口就啱啱夠👨‍👩‍👧‍👧
遊戲設施旁細locker 每次$20
但大部分遊戲設施都可以帶電話防水袋一齊的。
但例如八彩天梯、垂直滑梯安全理由，
就唔可以帶，所以如果幾個朋友一齊玩嘅時候就用一個就夠啦！或者有家人朋友唔玩，俾佢拎住一陣間又得😂

🥤🍡🍜 場內有 food court型式嘅餐廳同自助售賣機等，提供各式食品飲品🍲🍜🍝🍔🥤🧃☕🍵所以帶電話八達通電子俾錢就方便啲😋

#WaterWorldOPHK
#SplashintoAdventure
#365DaysAllWeather
#海洋公園水上樂園
#探索自然激浪無限
#全年365日全天候開放

@waterworldoceanparkhk @hkoceanpark

【阿公講鬼】《十年未晚》
　
＝下半部分是繁中華語版＝
＝下半部分是繁中華語版＝
　
阿公係一個道士，佢接到潘叔請求，去咗佢屋企同佢個女見面。
　
潘叔話…佢個女瑋晴有少少唔對路。
　
「我可唔可以同佢傾吓？」阿公。
「但…佢受咗傷，唔太肯講嘢。」潘叔。
　
阿公第一眼見到瑋晴，佢下半臉都被繃帶包紮住，根據潘叔所講…
　
前幾日，瑋晴一個人留喺屋企嘅時候，偷偷拎起露台嘅小仙人掌，大啖大啖咁擺入口食，刺到成口都係傷。
　
「唔緊要，我係想同『佢』傾。」阿公嘅焦點放喺瑋晴身後，潘叔都未回應，阿公就喺迅雷不及掩耳間用一塊黃色絲質嘅布蓋住瑋晴個頭，再用手指畫咗一道符。
　
「講啦，你點解要咁做？」阿公問。
「因為？好玩啊～」
　
潘叔覺得訝異，因為完全唔似瑋晴把聲。
　
「好玩？邊個教你咁玩？」
「媽咪教嘅～」
　
阿公暫停問話，纏住瑋晴嘅相信係遊魂小鬼，夜晚遊樂場關門之後聚集埋一齊玩。
　
呢隻小鬼指嘅「媽咪」肯定唔係潘叔嘅老婆，咁到底係邊個呢？
　
「潘叔，你有冇辦法夜晚帶我入荔園？」阿公。
「我…盡力…」潘叔。
　
年紀細嘅讀者，可能未聽過荔園遊樂場，喺1946年開幕，算係香港人嘅集體回憶。
雖然樂園喺1997年倒閉，但都曾經係香港最大規模嘅遊樂場。
　
八十年代尾，荔園因為受到另一大型遊樂場「海洋公園」影響，假日入場嘅客人銳減。當年無網絡，相機攝錄機亦未普及，遊樂場鬼屋「神秘寶洞」發生咗一宗嚇人嘅兒童被靈體拐帶事件。
　
由於園方拚命將事件隱瞞，連傳媒都沒有報導，只有當時在場少數人知道。
　
所以，受害者唔止瑋晴一個。
　
事件嘅起始，發生喺荔園快要關門嘅黃昏時間…
　
家寶、小鈞、婷婷三個讀同一間小學，三人嘅父母剛好有生意來往，有時假日會約埋一齊聚會，久而久之三個人就成為咗好朋友。
　
家寶身型比同年紀嘅小孩壯碩，眼睛細細，一頭刺刺嘅陸軍裝，頂住一個小肚腩，同佢父親簡直倒模出來嘅迷你版一樣。
　
對比起來，小鈞瘦到成隻馬騮乾咁，單親家庭長大，但佢好聰明，好細個就意識到自己出生喺有錢家庭。婷婷有一雙靈動嘅雙眸，笑嗰時會露出像一對兔仔門牙。
　
今日佢哋嚟到荔園，天氣悶熱得令人窒息，從遠處就可以聞到動物園大笨象嘅氣味，雖然汗流浹背，但不減三個小孩嘅興致，一入場就東奔西跑，消耗體內多餘嘅精力。
　
佢哋嘅父母拖住腳步緊隨其後，一手拎住枝水，每隔一段時間就幫仔仔囡囡替換掛喺後頸嘅小毛巾。
　
「樂園就快閂門喇，我哋走啦。」家寶嘅父親係個大肥佬，成塊臉都爬滿汗水，上衣胸口沾咗一個汗印。
　
「未走得～仲要玩神秘寶洞！」家寶。
「係啊！我哋特登等到天黑先玩！」小鈞附和。
　
婷婷沉默不語，佢本來就好驚玩鬼屋。
　
荔園嘅「神秘寶洞」外牆上有一個巨型浮雕，一個青臉長髮女鬼，一條齜牙咧嘴嘅大白蛇，背景係地獄嘅景象。
　
佢同一般鬼屋唔同，遊客需要坐喺一架小型路軌車進入鬼屋，內部連一個扮鬼嘅工作人員都無，路軌兩旁有好多造型恐怖嘅人偶擺設，配合燈光同音效嚇人後

　後段會駛入一個漆黑一片嘅房間，突然有一束好似頭髮咁嘅嘢迎面掃過你塊臉同肩膀，之後就到達出口離開鬼屋。
　
「唔得～我哋要一齊坐～」三個小朋友喺鬼屋門前扭計。
　
本來打算一個父母帶住一個小朋友入去，但三個絲毫唔肯退讓，最後父母都無佢哋辦法，反正喺鬼屋入面全程都要坐喺車上，應該沒咩危險，只好由得佢哋去。
　
臨入鬼屋前，三個回頭向外面嘅父母揮手尖叫，非常雀躍，父母望住佢哋入去之後，便繞到鬼屋嘅出口等待。
　
小鈞嘅母親拎著相機，想捕捉佢哋出㖩嘅一刻，會唔會嚇到喊呢？定係一臉不在乎，婷婷咁細膽，佢應該會喊到收唔到聲～
　
但係，十分鐘過去，都仲未見佢哋架路軌車嘅蹤影。
　
父母們開始覺得唔妥，就搵工作人員詢問，出口處有一個拎住掃把嘅工作人員，佢就係潘叔，負責荔園關門後清潔鬼屋嘅。
　
「請問，鬼屋通常要玩幾耐？」婷婷嘅父親問。
「……」潘叔皺眉，一臉呆愣咁望住佢。
　
「你聽唔聽到啊？我哋個小朋友入咗去好耐喇，都係未見佢哋出嚟，驚有意外。」
　
「哦，我去叫人嚟幫手。」潘叔放低掃把，搵其他工作人員嘗試過由員工通道望入去，但無發現三個小朋友嘅蹤影。
　
「會唔會佢哋已經出返嚟喇？」工作人員試圖敷衍了事。
　
「無可能，我哋一直喺出口等，都無見到佢哋。」小鈞母親擔心得雙眼發紅。
　
婷婷父親係律師，佢指住工作人員話：「你最好即刻停咗個機械，如果唔係我有權告你！」
　
工作人員只好將列車暫停，同排隊嘅客人講機械故障，將鬼屋入面嘅燈全部打開，沿住路軌搵返三個小朋友。
　
父母們不斷呼叫小朋友個名，但都無任何回應，佢哋愈嚟愈心急，家寶父親索性跨過圍欄，走入場景擺設入面搜索。
　
「先生，你咁樣唔啱規矩…」工作人員。
「我先唔會理咩規矩！」家寶父親。
　
終於，家寶父親走到一個石井嘅擺設前大叫：「我搵到佢哋喇！」
　
小鈞母親同婷婷嘅律師父親聽到之後立即衝過去，喺個井入面見到佢哋細小嘅身軀捲曲住，頭垂得低低。
　
「小鈞！無事喇，我哋返屋企喇！」小鈞母親想扶起個仔，當佢湊近就聽到『咔…咔勒咔勒』嘅聲響。
　
小鈞、家寶、婷婷同時抬起頭，臉上展露誇張嘅笑容，三個父母都嚇得倒抽一口涼氣。
　
佢哋嘴角淌血，個口不停咀嚼，口腔入面發出怪聲。
　
「你哋食緊乜啊？」家寶父親慌忙將個仔抱起，伸手入佢個口想裏面嘅異物挖返出來。
　
家寶父親仔細端詳手指上沾滿血絲嘅粒狀物…
　
唔知道受咗咩刺激，三個小朋友猛咁將地上嘅沙塞入口，將口腔刮到傷晒。
　
將佢哋抱離鬼屋後，婷婷父親就開車將三個孩子送入醫院療傷。
　
雖然佢哋最後平安返到屋企，但之後每次問起佢哋喺鬼屋入面見到乜嘢，佢哋都搖搖頭話完全唔記得。
　
而且，離開荔園之後，三個都性情大變，就好似變咗另外一個人咁。
　
（待續）
連載馬拉松，達標明天有下集！
2500 like 、250 share
《阿公講鬼４：魑魅》預售開始！
https://bluegodzistore.boutir.com/i/VljXG4gAA

　
＊＊＊＊＊＊＊＊＊
＊＊繁中華語版＊＊
＊＊＊＊＊＊＊＊＊
　
阿公是個道士，接到潘叔請求，去他的家跟他女兒見面。
潘叔說…他的女兒瑋晴有點不對勁。
　
「我可以跟她聊一下嗎？」阿公。
「可是…她受傷了，不太肯講話。」潘叔。
　
阿公第一眼看到瑋晴，她的下半臉被繃帶包紮住，根據潘叔所說…
　
前幾天，瑋晴一個人待在家的時候，偷偷拿起露台的小仙人掌，大口大口啃了起來，刺得滿嘴都是傷。
　
「不要緊，我是想跟『它』談。」阿公的焦點放在瑋晴身後，沒等潘叔回應，阿公在迅雷不及掩耳間用一塊黃色絲質的布蓋住瑋晴的頭，再用手指畫了一道符。
　
「說吧，你為什麼要這樣做？」阿公問。
「好玩啊～」
　
潘叔感到訝異，因為不像瑋晴的聲音。
　
「好玩？是誰教你這樣玩？」
「媽咪教的～」
　
阿公暫停問話，纏著瑋晴的相信是遊魂小鬼，晚上遊樂場關門後聚集起來玩耍。
　
這小鬼指的「媽咪」肯定不是潘叔的老婆，那又是誰呢？
　
「潘叔，你有辦法晚上帶我進入荔園嗎？」阿公。
「我…盡力…」潘叔。
　
荔園遊樂場，在1946年開幕，是香港人的集體回憶。
雖然樂園在1997年倒閉，也曾是香港最大規模的遊樂場。
　
八十年代尾，荔園因為受到另一遊樂場「海洋公園」影響，假日入場的客人銳減。當年沒有網絡，相機攝錄機亦未普及，遊樂場鬼屋「神秘寶洞」發生的一宗嚇人的兒童被靈體拐帶事件。
　
由於園方拚命將事件壓下來，連傳媒也沒有報導，只有當時在場的少數人知道。
　
所以，受害者並不止瑋晴一個。
　
事件的起始，發生在荔園快要關門的黃昏時間…
　
家寶、小鈞、婷婷三個是讀同一間小學，三人的父母剛好有生意來往，在假日也會相約聚會，久而久之三人就成為了好朋友。
　
家寶身型比同年紀的小孩壯碩，眼睛小小的，一頭刺刺的短髮，頂著一個小肚子，跟他父親簡直像倒模出來的迷你版。
　
對比起來，小鈞是瘦猴子，單親家庭，他很聰明，很小就意識到自己出生在有錢家庭。婷婷有著一雙靈動的雙眸，笑起來會露出像兔子般的門牙。
　
這天他們來到荔園，天氣悶熱得令人快要窒息，從遠處就能嗅到動物園大象的氣味，雖然汗流浹背，但不減三個小孩的興致，東奔西跑的，消耗體內多餘的精力。
　
他們的父母拖著腳步緊隨在後，拿著瓶裝水，每隔一段時間幫他們替換掛在後頸領的小毛巾。
　
「樂園快關門了，我們走吧。」家寶的父親是個大胖子，整塊臉都爬滿汗水，上衣胸口沾了一個汗印。
　
「不行～還要玩神秘寶洞！」家寶。
「是啊！我們特地等到天黑才玩！」小鈞附和。
　
婷婷沉默不語，她本來就很害怕玩鬼屋。
　
荔園的「神秘寶洞」外牆上有一個巨型的浮雕，一個青臉長髮女鬼，一條齜牙咧嘴的大白蛇，背景像地獄一樣。
　
它跟一般鬼屋不一樣，遊客需坐上一輛小型路軌車進入鬼屋，內部連一個扮鬼的工作人員都沒有，兩旁有很多造型恐怖的人偶擺設，配合燈光與音效嚇人。
　
後段會駛進一個漆黑一片的房間，此時會突然有頭髮般的東西迎面掃過你的臉和肩膀，之後便到達出口離開鬼屋。
　
「不行～我們要一起坐～」三人在鬼屋門前吵嚷。
　
本來打算一個父母帶著一個小孩進去，但三人絲毫不肯退讓，最後父母拿他們沒輒，反正在鬼屋內全程都坐在車上，應該沒什麼危險，就由他們去吧。
　
臨進鬼屋前，三人回頭向外面的父母揮手尖叫，非常雀躍，父母們看著他們進去後，便繞到鬼屋的出口等待。
　
小鈞的母親拿著相機想捕捉他們出來的一刻，會被嚇到哭嗎？還是一臉不在乎，婷婷是個膽小的女孩，她應該會大哭吧～
　
然而，十分鐘過去了，還是不見他們的蹤影。
　
父母們漸覺得不妥，便找工作人員詢問，出口處站著一個拿著掃把工作人員，他就是潘叔，負責荔園關門後清潔鬼屋的。
　
「請問，鬼屋通常玩多久？」婷婷的父親問。
「……」潘叔皺眉，呆愣地看著他。
　
「你有聽見嗎？我們的孩子進去很久了，但還是不見他們出來，我們怕有意外。」
　
「嗯，我去叫人來幫忙。」潘叔放下掃把，找其他工作人員嘗試過從員工通道看進去，但沒發現三個小孩的蹤影。
　
「有可能他們先離開了吧？」工作人員試圖敷衍了事。
　
「不可能，我們一直在出口等著，也沒看到他們。」小鈞母親擔心得眼眶紅了起來。
　
婷婷父親是個律師，他指著工作人員說：「你最好給我把機械停了，不然我有權告你！」
　
工作人員只好先關掉列車，跟排隊的客人說機械故障，將鬼屋內的燈全都打開，沿著路軌尋找三個孩子。
　
父母們不斷呼叫孩子的名字，但也沒有回應，他們愈來愈急，家寶父親索性跨過圍欄，走進場景擺設後尋找。
　
「先生，你這樣不行…」工作人員。
「我才不管！」家寶父親。
　
終於，家寶父親走到一個石井的擺設前大叫：「我找到他們了！」
　
小鈞母親和婷婷的律師父親聽見後，也趕緊走過去，在井內看見他們細小的身軀捲曲著，頭垂得低低的。
　
「小鈞！沒事了，我們走吧！」小鈞母親想扶起兒子，當她湊近便聽見『咔…咔勒咔勒』的聲響。
　
小鈞、家寶、婷婷同時抬起頭，臉上展露誇張的笑容，把父母嚇得倒抽一口涼氣。
　
他們的嘴角淌著血，嘴巴不斷咀嚼，口裏發出怪聲。
　
「你們在吃什麼？」家寶父親慌忙將兒子抱起，伸手進他的嘴裏把裏面的東西挖出來。
　
家寶父親仔細端詳手指上沾滿血絲的粒狀物…
　
不知道受了什麼刺激，他們三個猛把地上的沙塞進嘴裏，口腔刮得滿是傷口。
　
將他們抱離鬼屋後，婷婷父親便開車將三個孩子送到醫院療傷。
　
雖然他們最後平安回家，但回家後，每次問起他們在鬼屋內看到什麼，他們都搖搖頭說記不起來。
　
而且在離開荔園之後，他們便性情大變，彷彿變成另外一個人。
　
（待續）
連載馬拉松，達標明天有下集！
2500 like 、250 share
《阿公講鬼４：魑魅》預售開始！（廣東話）
https://bluegodzistore.boutir.com/i/VljXG4gAA