關於 神奇在於能同時挺胸同生髮 ，我們在網路上蒐集到這些相關的討論、資訊與評價

又係噴噴 ～～～🤦🏼‍♀️🤦🏼‍♀️🤦🏼‍♀️
其實佢哋係咪撞邪？貪錢鬼上身？搞到無哂理智？香港人點都讀過下幾年書，識少少英文？抑或只睇到聽到💷💶💸💰 其他野都已經完全睇唔到？

#神奇在於能同時挺胸同生髮
#噴完個胸係咪會心口生毛
#既然咁萬能應該噴下對眼同埋個腦

話說尋日篇文講#噴噴 #Maione 如何神奇可以幫女人挺胸之餘仲可以心口生毛，結果引來噴噴的推銷員走黎挑機。老實說，自從暴動牌月餅之後，好耐冇遇過有人主動黎挑機啦，先禮後兵，人妻先生由衷欽敬你的勇氣。

那麼，我開動了！

首先，我對於黎則奮作為該機構的講師深婊不值。明明師傅咁叻兼且文采風流，整壞完人地時代廣場架𨋢都仲可以R到個果籃返黎，作為徒弟的竟然連牛都不會吹。一劈頭落黎就講自己隻產品的道爾頓科技贏諾貝爾獎，喂，大佬，諾貝爾獎個個得獎者都有名有姓有頭有臉，要查邊個獎根本唔難，我啲讀者仲好鬼死mean咁貼返歷屆得獎者名單出黎叫佢自己講係邊個，叫人地點答姐？陰功豬，結果諾貝爾獎就變成俄羅斯切爾諾貝爾_到核爆大獎。

核爆都算了，理論上應該潛水逃生，好似佢師傅黎則奮咁hide post，用厚臉皮擋核幅射啦。點知呢個劣徒仲要走黎回post叫我自己去搵，咁好啦，人妻先生最聽話架啦，我咪去搵囉，搵下你個facebook，結果又搵到一篇你自己講「公平、公正、公開」，連個科技咁厲害贏左諾貝爾獎咁堅都唔敢講係邊個，你又有幾公開？獲獎咁大件事又唔係咩商業機密，乜你地平時唔係好鍾意認S認屁，話好多名人endorse架咩？冇人挑戰就話自己公開，人地一問就死開，喂，今時今日咁嘅服務態度係唔夠架。

好啦，唔講諾貝爾獎，我地講數據。正所謂大話怕計數，面對吹銷員最佳的方法就係用數據打臉，因為人會講大話，但數字不會。根據佢嘅留言，佢話呢隻野兩年的銷售額達到200億。根據Statista網站統計，2016年全美國護膚消費總額為620億美元，我當你枝噴噴除返開1年銷售額係100億，換句話說你單一公司頂起左全美國1/6的護膚品消費，全球應該冇一間護膚品公司的產品業務可以交到呢條數，唔好上NASDAQ啦，上主板啦，按照呢個增長，十年內收購P&G不是夢。不過咁，你亦都可以話係200億盧布、津巴布韋幣都得架，反正都係靠吹之嘛，有乜所謂？

最後，我想提出一條問題：該公司聲稱自己有3000道爾頓技術，仲要申請埋專利，作為「公平、公正、公開」的吹銷員，能否俾個專利編號我去查？我甚至懷疑呢個所謂專利根本並不存在，因為科學技術本身並不能申請專利。但很可惜你無得話係「商業機密」而拒絕作答，因為由你申請專利成功一刻，所有資料已經可以公開查閱，只是我們不能複製採用而已。所以快啲話俾我知你個專利編號啦，等我呢個師奶仔見識一下道爾頓技術係咩一回事嘛～💕講起專利我又要講多樣野，專利只係代表人地唔可以抄襲，並唔代表一定係權威認證、更唔代表一定係好野，每年大把專利申請成功，但唔代表所有專利都係有用嘅，例如你都可以申請太陽能電筒、風能風扇、熱能打火機嘅專利，俾錢就得架啦，所以大家唔好好似啲師奶咁一聽到專利兩個字就俾人拋窒哦。

最後的最後，望一望公司名---億嘉國際，英文係Yi Jia International... 自稱美國研發及製造，但公司名係普通話拼音，上佢公司個官網，睇 #Maione 的介紹，竟然可以出現到一大段完全唔關事、介紹溫哥華的英文字，落到去usage最尾一句「For aging skin spray up to three times twice daily.」咦？Three times twice daily一日兩三次直譯咁過癮？乜呢間美國公司入面啲鬼佬唔識英文架？點解啲句式咁中式咁有親切感嘅？我唔知仲以為係大陸人寫完冇錢請翻譯結果用google translate呢！不過點會呢？人地營業額有200億架。

哦... 原來係咁... 難怪了❤️

公司站網（快睇，怕佢改網頁）：
http://mymaione.com/products/

#美國人啲英文真係好差囉
#不過普通話拼音又好好哦
#點解嘅
#成班水魚用國貨
#我指美國貨呀
#其實NASDAQ上市都唔難架
#聽美容顧問同你分析上市同公司股值真係好夢幻
#都話左呢個世界邊駛專業
#傳銷佬都可以做網台DJ啦
#一字記之曰心
#只要有心人人都可以做騙徒
#識得笑其實好好笑
#打到塊臉腫晒都唔緊要
#用噴噴瞬間拉提傷疤消失
#膠完未呀笨蛋白癡
#膠原蛋白
#仲可以增厚臉皮添
#子彈都打唔入呀
#喔呵呵呵呵

［又係瑞士山區肺］早兩日講完陽光工程，今日到健吾姐姐推壹週文踢爆呢枝「神奇噴霧」。年近歲晚，各位除左提防小偷外，更要小心騙徒。

首先講下呢枝噴霧先，佢神奇在於能同時挺胸同生髮，我即刻諗，咁女人噴完個胸係咪會心口生毛？如果會嘅，我真係會買黎送俾我班女仔朋友，一到夏天去海灘，成班心口有毛嘅挺胸女人一字排開，應該會好震撼。

至於班一味靠吹嘅吹簫，不，吹銷員嘅陣容就厲害啦，竟然請到「時代之星」---因在時代廣場衝升降機門而整壞𨋢門卻大聲投訴R果籃的著名老害黎則奮擔任星級導師。包保大家就算賣唔出神奇噴霧，都仲可以有一技傍身，每星期衝下𨋢門賺返個果籃，拎個菠蘿做隻出色嘅菠蘿雞。睇返之前佢鬧時代廣場的文，由呢個老人渣的口中講香港淪喪，我覺得真心好笑，好笑在於人不要臉、天下無敵，由一個靠呃呃騙騙搵食的人去「捍衛香港價值」，成件事完全係一套瘋狂賀歲劇。

我要講明其實我唔係真的那麼抗拒直銷，我家裡也有人入左直銷會amway，不過只係每個月買枝牙膏自用而唔會向人推銷。直銷可能（大概有1%）有貨係好，但有更多的貨，例如呢枝生毛噴霧係真係得啖笑。明知係假嘅你都仲敢加入，你一係膽生毛、一係腦生草。

當人越絕望、越找不到出路，就越容易走偏方，絕症如是、生活亦如是。要是香港情況繼續惡化，只會出現越來越多老鼠會而已。

#炒賣投機經濟起飛
#拎枝野噴下個頭可以生返個腦嗎
#邊有公司可以咁上市架
#大陸都唔得啦
#你搵邊個核數師呀
#燒你數簿