［今日寫啲乜］記住，最好投資時機係舊年3月，第二好嘅係而家。
TLDR：有舊錢，怕摸頂，點算好？呢篇文話你知，擔心合理，正常人性。但，唔使咁驚嘅。如何避免摸頂？避免唔到的，除非唔買。一世人流流長總會遇到幾個賤男賤女。但，摸頂冇你想像中咁可怕。股市係屬於樂觀者嘅。
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
呢篇就勁咯，我出關後嘅驚世巨著，真係齋睇呢篇都抵。6000字，但唔難明，亦都有聲音版或影像版。
呢篇文真係及時雨。即係我再鬧一次，舊年疫情開花美股跌到趴街時，我叫人股票，FB Page啲新面孔個個出嚟屌我老母。死人呀（係喎），好大件事呀（我唔知？得你佑？），經濟衰退呀（係喎）。仲要叫買股票？你仆街死財演冇良心呀。錢唔係咁賺呀（講真：就當我呃你啲佣，你一個月畀幾多佣？夠唔夠阿叔打一次邊爐？你升十倍關我撚事？會請我食飯？同樣地，你輸仆街亦唔關我事，唔該咁多個人為自己嘅決定負啲責任）
有人以為上面呢段嘢我save低咗，係冇的，每次都有啲唔同。但，好彩我係唔會理嗰啲友。咁我當然唔係最低位撈，但至少有加注。更重要係我冇低位打靶。佢地？唔知係咪當時3月23 號低位成功訓身家而家好發呢？不過如果係嘅，應該出咗嚟串我啦。
好啦，夠啦，咁你話，知你巴閉啦，但舊年真係冇買嘛，或者買咗，咁而家點先？而家美股擺明貴，上星期又跌得急。咁如果我有舊錢未入市，應該點？
呢篇文就及時雨啦！
人事每天多變更，誰亦盼望有一些預感。能知三日事，富貴千萬年。好多人都知道投資嘅重要，但永遠係等「時機」。我係唔係好明嘅，時機？睇多次最開頭嗰。或者，如果係普通個個月出糧嘅，咁簡單，咪個個月賣晒落去股票（唔一定月供死一隻），升又買，跌又買，只買不沽，持之以恒，玩佢十年八年，會有好可觀嘅成果。以前文寫過
但有啲情況冇咁簡單，例如我忽然有舊大錢，中咗六合彩呀，屋企人留畀你呀咁。或者我之前一路儲住錢，但呢排睇我Patreon（你走寶了）。咁過去嘅已不可改變，而家我拎住舊大錢，點算？我知投資重要，現金輸死。但，股市升咗好多喎（但可升更多），又好似好貴（但可以更貴），而估值又好似好重要（冇錯係，唔知嘅幫你唔到）。
咁，我而家訓身落去，咪好易摸頂？不如等下先？但等到幾時？會唔會渣現金又輸死？會唔會又升多10000點先回調？
呢啲問題好正常，雖然唔好忘記，投資點解有錢賺？點解市場要益你？點解你比其他人值得搵更多錢？冇免費午餐，一般係你犧牲兩樣嘢：第一係時間（留返棉花糖第日先食），第二係安全。你嘅回報正係嚟自不確定性。
但實際上你都係會擔心，因為真係升咗好多。你擔心嘅係：
—估值好貴喎
—升咗咁多，仲有幾多升？
—等調整下先買啦
—收水啦喎，會唔會衰退？到時咪股災？
—而家因為低息啫，到加息點算？
具體地，我篇文就解答以下嘅問題，睇返以往嘅數據：
—渣現金嘅機會成本有幾大？
—等到調整可以更低價買到嘅機會有幾多？
—等到熊市你可以比今日更平價買到嘅機會有幾多？
—如果我有預知能力，知道幾時經濟衰退，幾時完，咁會幫到幾多？
—平均成本法勝過我今日訓身買，機會有幾大？
—用利率水平去估市底同市頂，有幾大幫助？
呢度可以畀埋結論你，但你唔睇內文，就只係學師學一半，永遠唔會進步嘅。
現金坐一年，你有30%機會跑贏大市。坐十年，16%跑贏。坐25年，必輸。我仲要未計通脹
現金跑輸股票嘅幅度呢？1 年輸8%，但25年你跑輸1300%。人地啲嘢升13倍，你原地踏步咁滯。
等個格低過而家？都有74%機會等到。雖然好多人到股災又唔敢買。但我當你執行到，問題在邊？問題係嗰26%嘅情況，啲股票升到絶塵，永遠都唔會返去你原本嘅位。而可能係升咗10倍，100倍。
如果等熊市呢？等20%先買呢？一樣，好多人到時又唔敢買。但當你敢都好，都只有21%機會個價會平過你今日買—股票可以升多3倍之後先跌 20%
平均成本法呢？原來分別不大，甚至係會令你回報低過一炮過即時放入去。
用估值去出出入入又如何？估值平時買，估值貴嗰時沽，賺唔賺到錢？當然賺到！因為股票長遠係升的，不過你係跑輸Buy and hold 之嘛！
即使你有超能力，知道經濟幾時衰退幾時結束。咁我衰退之前沽貨，擴張嗰時先買股票，咪得咯！答案？一樣會係跑輸大市。點解？文入面講
加息係咪一定震散股市？冇咁簡單。睇數字都見到，美股幾時見頂？係加息嘅尾段，同埋減息之前。點解？亦係文入面講
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
絶叫死人 在 [實況] 絕叫死人←日式恐怖遊戲翌日新作【千森】 - 看板C_Chat 的推薦與評價