《賭城風雲》話咁快就拍到第三集，如此爛透情節嘅電影可以拍到第三集，做到「好事成三」，確係又創左香港電影嘅另類「奇蹟」。而筆者觀乎今個新年嘅電影檔期，實在係有些戚戚然。
—
電影未睇，實在唔敢妄下判斷，但好多野真係有跡可尋。我們唔難發現，香港元素電影係新年賀歲大檔期，也有不斷「食老本」嘅TREND，例如《賭城風雲3》，明顯係食緊8,90年代「賭片」嘅老本，連角色如高進、陳刀仔、及好多演員都回歸左係賭城系列電影入面。而其他電影好多都係老調翻炒翻炒再翻炒，好似《西遊記之孫悟空三打白骨精》咁，西遊記已經拍到爛，現在仲逐個故事拍，逐隻妖精打，香港觀眾要陪不思進取嘅電影人歷七七四十九難，恐怕我地到2046年仲係睇緊西遊記嘅故事。而就算係星爺嘅《美人魚》，比人感覺都係一般，預告不知所云，筆者會聯想到係另一套《西遊：降魔篇》，將星爺經典作品嘅元素再次炒埋一碟，黎個笑料大雜會，只不過將個故事TUNE左做《美人魚》而已。
—
而事實上，重翻舊案、「食老本」並唔係罪黎，例如筆者就好希望一眾古惑仔能夠原班人馬拍多套《古惑佬》，等我地粉絲們睇下南哥、山雞、十三妹、韓賓等等大佬輩係20年黎嘅風風雨雨。但係現今「食老本」電影嘅通病就係「為食而食」，《賭城風雲》系列認真係粒粒皆星，有咁多年都係咁型嘅發哥，勤力嘅劉華、當打嘅家輝、演技歌技同樣出色嘅學友、獨當一面嘅嘉玲同李宇春等等，仲有重案組黃啟法，稱之為鑽石陣容，絕對不是浮誇。然而，係星光熠熠的背後，電影質素大家有目並睹，電影只志在吸金，無法係演員同以往精彩劇本嘅支援下再創新猷，再加上導演兼編劇晶哥早前係各大平台上表現嘅目中無人，港產片曾經輝煌過嘅「賭片」恐怕都會臨老過唔得世，比只求人仔，不求質素嘅電影製作人搞彎曬！
—
由此本專頁剛剛成立，未為人所認識，如果覺得影評或者分享嘅野唔錯嘅話，請幫忙LIKE AND SHARE啦，多謝:D
—
#港唔斷戲 #賭城風雲3 #王晶 #周潤發 #劉德華 #張家輝 #劉嘉玲 #李宇春
