《$688抵食酒店鐵板燒二人餐🔥👨🏻🍳》
今次係朋友介紹吓去咗南洋酒店嘅2樓食鐵板燒，估唔到隱藏喺酒店2樓嘅日本餐廳夜晚都有一定嘅食客，相信都係嚟食開嘅熟客仔。呢度有個清酒櫃，鍾意小酌兩杯嘅人應該會好開心🍶。
今次坐咗個位可以直接睇住師傅喺前面整鐵板燒👨🏻🍳
📍梅鉄板2人前（$688）
和風野菜沙律：沙律落咗Wasabi醋，好開胃。
豐洲直送刺身三點盛：刺身包括劍魚、牡丹蝦同油甘魚🐟，食落新鮮。
北海道松葉蟹棒拌日本小茄子：
口味清淡嘅煮物，以鮮甜嘅松葉蟹腳伴上去皮嘅日本小茄子🍆，好有趣。
季節串燒盛五串：
當日嘅串燒包括燒秋葵、雞皮、雞肉、免治雞肉及冬菇，當中免治雞肉最好食，其他不過不失啦。
鐵板燒比目魚：
魚肉外層煎至脆如薯片，但魚肉仍然保持以嫰滑，廚師簡單以鹽🧂、黑椒和牛油🧈調過味已十分出色，魚肉甘香肥美🐟，再配上旁邊微辣的醬汁非常惹味👍🏻。
美國安格斯牛肉薄燒：
🐃牛肉中間包着香蔥和炸蒜，食落香味濃郁🧄🌿，牛肉口感以嫰滑，油花豐盈，沾上旁邊鹹鹹甜甜嘅醬汁，十分滋味🥰！
日本櫻花蝦炒飯：
炒飯粒粒分明，加入大量蔥花、櫻花蝦🦐和蛋🐣炒勻🍚，飯粒鬆軟但不油，不錯。
牛肉稻庭湯烏冬：
烏冬煙韌彈牙，配上麵豉湯底，味道非常不錯，另外有兩塊薄切牛肉，牛肉粉嫩，充滿油花，十分嫩滑💕👍🏻。
時令甜品：
甜品🍮係抹茶味嘅意式奶凍加上紅豆，抹茶味道濃郁🍵，口感非常嫰滑，真心有驚喜💚😍。
整體感覺都唔錯，尤其係鐵板燒嗰幾款食物真心好出色，最後加上個出色嘅甜品成餐都令人好滿足❤️。$688有個鐵板燒二人餐其實真心好抵㗎 ！
Wako Sake Bar (銅鑼灣)
銅鑼灣摩理臣山道23號南洋酒店2樓 @ WAKO SAKE BAR 日本酒飲み放題
酒店鐵板燒 在 焰鐵板燒.牛排館 - Facebook 的推薦與評價
重新詮釋在地食材精神，不因世代更迭的美味印記漢來大飯店45樓焰鐵板燒．牛排館高雄市前金區成功一路266號45樓, Kaohsiung, Taiwan 801. ... <看更多>