話說我係一個好懶去用碎銀嘅人，去買嘢嗰陣心算唔好，又唔想慢慢摷阻住個地球𨍭，所以通常都係畀紙幣。
其實我好想用晒佢，不過次次都好黑仔，例如去茶記食嘢，嗰一餐$37，身上嘅碎銀就會咁啱得$6，呢種情況每星期冇十次都七八次，如是者我又要開一張紙幣，又如是者，身上嘅碎銀就越嚟越多。
咁啲碎銀充斥褲袋、䄛袋、公事包、背囊，好鬼死重之餘，行路又會啷啷聲，結果屋企啲碎銀積積埋埋冇千幾都肯定有八百至九百，所以我最近就買咗個兜，仲要好有策略性咁拎出街，就係每次出門口拎一個五蚊 ，一個兩蚊，同埋兩個一蚊，希望盡快可以清咁啲。
呢排我師奶咗，除咗諗計仔點樣用晒啲碎銀，仲開始會儲超市印花換嘢🙈🙈又開始研究煮嘢食，你哋有時間可以去Cook到直睇吓我煮咗啲乜嘢大龍鳳，最好教埋我點樣煮，已經晚晚睇bob叔學嘢，嚟緊學佢整三文魚他他同埋咖哩牛腩先。
bob叔屋企 在 [Happy Wife] 買咗架車仔俾老婆Bought Her A New Car! 的推薦與評價
依家搬咗嚟倫敦市郊地方，就要買架車俾老婆，等佢可以自己揸車出去，我就留喺屋企睇咸片。咁我買咗架乜嘢車俾佢呢？一齊入嚟睇吓。 ... <看更多>