近半年太多離別，多到有點麻木。有朋友笑著說，食farewell飯肥咗四磅，當時還搶口回應：「睇妳，頂盡兩磅姐。」
知道Cheeky Pasta做多幾日唔做了，昨晚落去，忍唔住叫了意粉、肉醬薯條、加罐肥仔可樂，突然才醒起，或者同事講的是真話也說不定。
其實走入汕頭街，很難不留意到他們，醒目的橙色舖位，如今已經成為那𥚃日常的風景，不需要再多介紹。那些年，佬訊有個叫做「一支公飲食地圖」的系列，曾經自把自為介紹過Cheeky Pasta，節錄分享多次：
//
香港只有兩種意粉：一是西餐廳／Cafe中，食極唔飽的精緻意粉；一是茶記冰室中，本土化的港式意粉。今次介紹的Cheeky Pasta，是不能歸邊的異類。他們自稱不造傳統意粉，但在風格特出的創意背後，卻又有一種日常的、傳統的意式家庭味道。
Cheeky Pasta位於灣仔汕頭街，鮮橙色的舖面相當搶眼。店舖內部全是廚房，六個座位在店外一字排開。老闆在特大窗口伸出頭，向食客路人吹水叫賣，活脫就是架不動如山的港式美食車。
意粉不賣外表，單靠出色的味道攻陷你的味蕾。意粉煮得恰到好處，名乎其實的Al dante口感；番茄醬新鮮惹味，啖啖番茄的天然鮮味，豐富而不膩；還有三粒爽口彈牙的肉丸。
有人話，意粉係孤獨的食物，一個人煮，一個人食。Cheeky Pasta地方細小，正適合一個人慢慢嘆意粉。孤獨有時是一種選擇，一支公的意粉，本就没有容納他人的空間。
//
那陣時不知道，可以選擇孤獨，原來已經是種奢侈，就好似有些離別，其實根本無得揀。再見喇下次見喇，有下次嘅話。
F.
farewell飯 在 係咩驅使大家爭住請你食Farewell飯？係人緣呀 ... - Facebook 的推薦與評價
係咩驅使大家爭住請你食Farewell飯？係人緣呀！好同事走大家緊係十萬個依依不捨，唔止會Send：「唔捨得你」訊息，有啲仲會送埋禮物同心意卡；至於人緣唔好嘅同事⋯⋯唔 ... ... <看更多>