面前這位見工的年輕人濃眉大眼，自信滿滿，中氣十足，一看便肯定是人才。
再加上那張亮麗的 CV，美國名牌大學 cum laude 畢業，過去五年在國際顧問公司和美資大行工作，本來真係唔使「in」都覺得請硬佢。
誰不知，一問到以前工作過的地方，一面倒有彈冇讚：高層有高層嘅白癡，同事有同事嘅低 B，講到好似，如果唔係佢，百年大行都逃不過倒閉的厄運。
最後有冇請到佢，答案呼之欲出，不用多言；想說的是，現在每次遇到這些個人英雄主義者，都令我不禁想起半年前見過的兩位年輕人。
有位大客的女兒出來搞了幾年初創，一路在尋找 marketing 的人才，然後便問我有沒有聽過 Rubio and Jamie。一聽這兩個名字，我第一個反應是反問大客的女兒：「係唔係卡通人物？」
你以為所謂的中環人好醒，但其實困在一個世界太久，出面另一個世界正在發生什麼事也變得極度的後知後覺。「佢哋兩個搞咗間 marketing 公司，我想搵佢哋過檔。」人哋兩位係老闆，要佢哋過檔，即係要晒佢哋全公司嘅人？「梗係唔係啦，淨係佢兩個已經夠。」
找人穿針引線，終於有幸坐下來，靜靜欣賞兩位的蘆山真面目。雖然佢哋唔係卡通人物，但長得跟卡通人物一樣趣怪，真係瘦虎肥龍咁款，跟那位 cum laude 人才完全是兩個世界的人——cum laude 淨係對皮鞋已經看得出他對衣著是多講究，相反這兩個 Rubio and Jamie (by the way 兩個都係仔) 連長褲都懶得穿。
但係。
一開口。
嘩。
痞痞的短褲波鞋，絲毫也掩蓋不住凜凜的大將之風。
「葉生，」瘦虎先說，「好多謝你見我哋，更加多謝你嘅 offer，但其實淨係靠我哋兩個，當年點會起死回生，真正嘅功勞係一班同事。」
所謂「死」，是他們當年原來搞了一個紅遍旅遊界的深度遊，帶團友走訪像北韓這些冷門的神秘地方，生意成功到連一位大孖沙富二代都嚷著要入股，但就是一個 covid 打埋嚟，一夜之間「化整為零」。
然後，所謂「生」。
有些旅遊公司仍然選擇等待一個美好明天，但他們決定轉型，於是起用原班人馬，搞了一家 marketing 公司，生意竟然回得去以前的巔峰。
「好彩我哋班同事夠後生，」攝氏三十度都帶著冷帽的肥龍說，「佢哋適應力同生命力都好強，如果唔係我哋都唔可以話變就變。」
其實呢。
太子女嘅 offer，真係慷概到連我都想做。可能佢哋覺得，間公司繼續 run 落去，一定唔只呢個數；又可能佢哋覺得，要放棄一班同事，自己之後發達都發得唔安樂。
什麼是 team spirit，其實沒有一個特定註釋，而那份 team spirit 在每一個團隊有多重要，完全取決於那個領袖。
好耐之前，香港有間學校，學校有隊籃球隊，籃球隊有位教練，叫老梁。
籃球隊有位明星球員，就叫他 Mike 吧。
老梁十分器重 Mike，球隊的大部份戰術都以 Mike 為重心。
然後有一次，Mike 在練波的時候遲到半個鐘，老梁罰佢跑咗十個圈。被罰之後，Mike 不服氣，在之後的練波時間擺明 hea。
老梁在練習後找他訓話，問他為什麼「玩嘢」；Mike 說自己跑完十個圈之後很累，但以他平時的體能，十個圈其實很小兒科。
又到了第二天，Mike 又遲到，照舊被罰跑圈。練習完畢後，老梁說，如果下次再遲到，佢跑完圈後唔可以跟大隊練習，只可以坐喺場邊。
結果，下一次的練習，Mike 再遲到，明顯是故意的。他跑完圈，準備加入練習，但老梁把他叫住。「我上次講過咩？」老梁來真的，「你坐喺度。」Mike 有點錯愕，原來他不相信教練真的會把這個主力球員擱在一旁。
「你，如果再遲到，下一次，連圈都唔使跑，因為我會趕你出校隊。」
Mike 聽到這句，竟然冷冷一笑，因為他不相信教練會犧牲他。
結果，大家應該估到：Mike 再遲，然後他真的被逐了。
學界比賽正式展開，老梁的籃球隊裏每一位成員都很努力，有幾場差點可以勝出，但最終一場都贏不到。Mike 每一場都在觀眾席，最後一場不例外。
就算是最後一場，老梁都堅持在場邊給每位隊員訓話：「你哋打得好好，我真心以你哋為榮。」
怎料，老梁的話音剛落，Mike 在不遠處喊了一句：「自己攞嚟賤。」
「你講乜嘢？」老梁咆哮了。
Mike 怔住了，沒有回話。
老梁之後的一句話，我這一世都記住了。
「係，我攞嚟賤，因為我寧願隊波冇咗你，輸晒每一場，都唔想隊波靠你贏，然後畀其他隊友覺得，贏波重要過互相尊重。」
諗咗人哋，先再諗自己，team spirit 就是同理心的極致。
何詩蓓贏得兩次銀牌，兩次在 IG 報喜，都是說同一句話：WE DID IT。
明明是一個人游，卻歸功於所有人，這就是為什麼攞不到金牌，香港人都當了她是世界冠軍。
jamie名字 在 [分享]王力宏的英文名字- 看板Leehom - 批踢踢實業坊 的推薦與評價
今天在FB上晃晃的時候，無意間看到Jamie Wilson老師的狀態
Jamie Wilson是誰呢? 想必有收藏Music Man演唱會DVD的都會知道
就是力宏演唱會御用的吉他手兼吉他老師!
(其實很多歌手都會請他，有次也在Youtube看到他跟張學友合作
"她來聽我的演唱會")
而他今天貼了一則狀態：
I expect you to do this next time in china "Goh Kheng Long"、
"Alexander Leehom"、"Anthony Tao"
https://youtu.be/yD3iaURppQw，分別tag了慶隆老師、力宏跟陶喆
依我加Jamie Wilson老師好友多年的經驗看來，應該是本人
重點是點進去Alexander Leehom後，基本資料真的都與力宏符合
狀態幾乎都用英文，也有很多粉絲團沒有的照片，真的蠻像個人臉書
對我來說比較新鮮的就是原來力宏英文名是 Alexander 阿~~
(然後陶喆不是叫David嗎....)
--
※ 發信站: 批踢踢實業坊(ptt.cc), 來自: 59.122.167.52
※ 文章網址: https://www.ptt.cc/bbs/Leehom/M.1429431194.A.6A8.html
※ 編輯: wlh911128 (59.122.167.52), 04/19/2015 16:13:35
※ 編輯: wlh911128 (203.217.116.86), 04/20/2015 00:33:49
... <看更多>