《生日飯繼續懲罰黃店停不了太子好chill型格泰國菜。芳華絕代》
都係果句啦，疫情之下朋友冒着生命危險同我慶祝生日我真係非常感動，都俾個機會我多啲出街食飯，既然呢個機會咁難得，我一定將佢留返去懲罰黃店！所以同朋友提出唯一要求想食黃店，佢仲book咗呢一間係我一直都好想去懲罰嘅芳華絕代😍真有我心😋🙇🏻♂️
點解我一直都好想懲罰佢呢，平時行過見到佢鋪面三層落地大玻璃加霓虹光管招牌四隻大字，感覺已經好chill好型，以為係尖沙咀飲酒食水煙嘅地方，唔係好敢入去，點知有次上網見到原來佢係間泰國餐廳，仲要係深黃唔係唔去幫襯下話！😋
入到去果然非常有格調，有少少懷舊似行咗入去時光隧道，但同時佢嘅枱櫈燈飾也非常時尚，仲有一個好大嘅吧枱，入面仲有好多霓虹燈的字牌，環境好有feel，裝修好型格所以有別於一般傳統泰國餐廳🍴其實佢超大一共有三層，但係我哋嗰日食飯嘅時候仲好早，所以只開咗地下個層，我哋走嘅時候已經見到第二第三層開放中坐滿人了。入面見到好多擺設都好黃，一入門口就見到個民主女神，同埋佢響玻璃都貼左好多文宣支持香港，真係一家黃到發光的良心店。💪
不過擔心通常好睇唔好食，要睇吓啲嘢食得唔得先😋OK我哋咁岩坐咗響出菜位，我眼睛望到👀耳仔聽到👂入面嘅大廚們係咁講泰文，同埋個樣好係泰國人，個心即刻定左落嚟，應該可以食到好地道嘅泰國菜吧🤣
於是我哋就點左個$288嘅二人餐，都幾多嘢食，佢包左半隻海南雞，一個主食我哋揀咗香辣肉碎煎蛋飯，因呢個係我至愛，次次都點☺️仲包一個冬陰功湯同埋一個小食拼盤，同埋2杯嘢飲! 除咗呢個二人餐我令我好想食佢嘅雙色芒果糯米飯🤣又點埋！
因為佢呢度晚上應該都幾多人幫襯，所以限定時間90分鐘，我哋點左餸之後10分鐘啲嘢就陸續上晒，上菜超快抵讚！👍
飲品方面我地點左兩杯泰式奶茶，已經令我有驚喜！一般泰式奶茶就係茶味欠奉得個甜字，本身我都唔想試，不過又諗唔到有乜野飲，點知一試之下有驚喜，估唔到呢度嘅泰式奶茶竟然有茶味同埋唔係好甜，一次過改善晒兩個我對泰式奶茶嘅不滿地方，係我飲過最有茶味嘅泰式奶茶☕️
相信老闆應該就香港人嘅口味作出左一啲改良👍真心正！
．
我首先就要試佢嘅泰色海南雞🐤，就咁睇賣相就好靚份量都幾多，佢配左隻泰式雞醬，我先唔點醬咁樣食，第一口嘅感覺係好滑呀！😱點解啲肉同啲皮可以一齊咁滑？同埋隻雞煮得啱啱好唔會過火老咗，又唔會太生，再點醬汁去試吓佢，加埋醬汁有小小辣比較惹味，同埋本身隻雞已經醃左有味，就咁食都好好食👍加上佢嘅皮係好爽又唔會太肥👍就算是佢嘅雞胸都係好滑，呢隻雞我比好高分☺️👍👍
.
小食拼盤係蝦餅魚餅春卷同埋單骨雞翼每人四件，單骨雞翼的香茅味醃得非常之入味，而且單骨嘅關係食得10分方便，其他幾款炸物重點係炸得唔會好乾，點到即止，香脆得來啱啱好，我最驚啲小食炸到好乾好熱氣，佢呢度又唔會喎👍🤣
.
跟住試佢嘅冬陰功湯，朋友話佢嘅冬陰功湯一定要試，因為佢試過話好好飲😋佢入面都幾多材料，鮮蝦帶子青口，兩個人每人都分到兩粒左右，而且啲海鮮都係啱啱好，好新鮮，唔會煮到梅晒，我本身唔係好食得辣，喺泰國飲嗰啲好辣嘅冬陰功簡直我就飲唔到，點知佢呢個冬陰功湯咁啱就唔係好辣, 酸味多過辣味，但係嗰個冬陰功嘅味又好出，好易入口，我都接受到的好啱香港人口味🤣👍
.
令一個我覺得好好味嘅就係香辣肉碎煎蛋飯，本身呢個飯我去泰國餐廳都一定成日點，本身見佢嘅冬陰功唔係好辣，我以為喺呢度嘅食物會調校到香港人口味冇咁辣，點知個香辣肉碎炒得非常惹味，仲真係幾辣添，估佢唔到！😍因為個香辣味真係好正，配埋個蛋汁勁送飯，所以令到我食多咗好多飯👍依家講起我又流晒口水了🤤好想再返去食呢個飯啊！😉🤤🤤
.
本來食呢個二人餐都已經好滿足，但係去泰國餐廳冇可能唔食埋芒果羅米飯作為甜品，咁樣先至圓滿😍佢呢度嘅仲係雙色嘅糯米飯，藍色係碟豆花，綠色係斑斕，其實味道係一樣因為會點椰汁🥥芒果不係最當造所以不算最甜，不過糯米飯都好好食夠煙韌😋重點係成個碟擺盤好精美，上面仲有「芳華絕代」四個字，見佢咁靚我當然當佢生日蛋糕咁影相打卡啦🤣
我發覺成餐飯我係咁話佢每樣野都好好食，點算好，樣樣野都咁高質好似賣廣告咁🤣但成餐飯我真心覺得佢哋好用心去煮每一道餸，價錢亦都唔算好貴，呢個環境同埋呢個質素，仲要係黃店，難怪咁多人去懲罰佢！我之後都要多啲去懲罰佢！🤤
btw 今年生日食咗好多好正嘅黃店，真心多謝朋友們咁用心去安排，同埋大家冒着生命危險⚠️希望大家都要保重，疫情快啲過去，香港早日重光！三萬，thx是我最大的心願🙇🏻♂️🙏🏻
———————————————————
店名：芳華絕代
環境🏝：9/10
服務💁🏼♀️：9/10
價錢💰：8/10
食物質素🍝: 9/10
整體🙆🏻♂️：9/10 (吃貨推薦👍😋）
地址:
旺角界限街36號1-2樓
